Uychi tumanining ilg‘or paxtakorlari marraga yetib keldilar

🔸 Namangan paxtakorlari o‘z oldilariga qo‘ygan maqsadlariga birin-ketin yetmoqdalar. Uychi tumanidagi “Qahramon chinori” fermer xo‘jaligi hududda birinchi bo‘lib belgilangan marrani bosib o‘tdi.

Uychi tumanidagi A. Egamberdiyev nomli MMTP hududida joylashgan “Qahramon chinori” fermer xo‘jaligiga qishloq xo‘jaligida suyagi qotgan, tajribali mutaxassis – Ahmadjon Akbarov rahbarlik qiladi. U dastlab sobiq Oxunboboyev jamoa xo‘jaligida yordamchi brigadir, brigadir bo‘lib ishlagan. Salkam o‘n yildirki, fermer xo‘jaligini ham mohirona boshqarib kelmoqda.

🌱 Bu yil “Qahramon chinori” fermer xo‘jaligi 30 gektar maydonda paxta yetishtirib, bugunga qadar 136 tonna  hosilni yig‘ib olishga erishdi, bu ko‘rsatkich xo‘jalik rejasidagidan ham ziyodroq bo‘ldi. Bu yilgi mavsumda hosil mo‘li – toshloq yer bo‘lishiga qaramay, gektariga 40 sentnerdan hosil ko‘tarildi. Dalada hali paxta bisyor.

Terim mavsumining jadal va samarali o‘tishida
Qahramon, Ziyokor, Ezgulik, Xizirobod mahallalaridan jalb qilingan 130 nafar terimchining hissasi mavjud.

Fermer xo‘jaligi xalqning rizqu ro‘zi bo‘lmish g‘allachilikka ham e'tibor bergan.  Jami 55 gektar maydonga bug‘doy ekiladi.  Hozirgacha 15 gektariga bug‘doy sepildi.

#paxta #Namangan

🌐Website💬Telegram💬Facebook📺YouTube📷Instagram

🌱 Yashil energetikaning qishloq xo'jaligi va ekologiyaga ta'siri

Bugun mamlakatimizning qishloq xo‘jaligi sohasida yashil energiyadan intensiv usulda bog‘lar barpo etish va meva-sabzavot yetishtirish ommalashmoqda. Sababi, bunday usulda mahsulot yetishtirish tejamkor va samarali.

✅ Zamonaviy qishloq xo‘jaligi texnikalaridan unumli foydalanish, tomchilatib sug‘orish va boshqa suv tejamkor texnologiyalarni qo‘llash, intensiv bog‘lar barpo qilish, “Ijtimoiy issiqxonalar” joriy qilish orqali aholi farovonligini oshirishga xizmat qilmoqda.

Ekotizimni boshqarishga asoslanuvchi organik qishloq xo‘jaligi tizimi esa aynan shu muammolarni bartaraf etishga xizmat qiladi. Bunda agrar tarmoqdagi jarayonlarning ekologiya va inson salomatligiga ta’siri hisobga olinadi.

📝Xususan, zararli pestitsidlar, sintetik o‘g‘itlar, veterinar dori vositalari, genetik modifikatsiyalangan urug‘lar, konservantlarning o‘rniga tuproq unumdorligini saqlaydigan va oshiradigan, zararkunandalar va kasalliklar ko‘payishining oldini olish bugun agrar sohadagi ilg‘or vazifalardan biri hisoblanadi.

#yashil_energetika #ekotizim #organik

🌐Website💬Telegram💬Facebook📺YouTube📷Instagram

MOYLI EKINLAR – QISHLOQ XO'JALIGINING MUHIM TARMOG'I

✅ Jizzax viloyatida moyli ekinlar urug‘chiligini rivojlantirish hamda ishlab chiqarishni kengaytirish masalalariga bag‘ishlangan respublika ko‘rgazmali seminari boʻlib oʻtdi.

Moyli ekinlar urug‘chiligini rivojlantirish va ishlab chiqarish hajmlarini oshirish bo‘yicha respublika ko‘rgazmali seminari qishloq xo‘jaligi sohasi rahbariyati va mutasaddilarini, butun respublikadan moyli ekinlar ekishga ixtisoslashgan xo‘jaliklar vakillarini, shu sohada ilmiy izlanishlar olib borayotgan olimlar hamda mutaxassislarni jamladi.

🔰 Tadbirda qatnashgan Qishloq xo‘jaligi vaziri Aziz Voitov mamlakatda oziq-ovqat xavfsizligini ta'minlashda moyli ekinlar ekish va ishlab chiqarishni kengaytirishning ahamiyati xususida to‘xtaldi. Bu borada moyli ekinlar urug‘chiligini rivojlantirish birlamchi ustuvorlikka ega ekanligini ta'kidladi.

🌻 Seminarda kungaboqar, soya, maxsar kabi moyli ekinlarning qishloq xo‘jaligi ekini sifatida ekilishi mamlakat oziq-ovqat xavfsizligini ta'minlashga xizmat qilibgina qolmay, fermerning o‘ziga yaxshigina foyda keltirishi ham isbotlab berildi. Chunonchi, takroriy ekin sifatida ekiladigan kungaboqarning iqtisodiy samardorligi aniq-ravshan hisob-kitoblar orqali namoyish etildi: takroriy ekin sifatida ekilgan kungaboqardan gektariga 12 mln so‘m sof foyda olinadi. Bu esa, yaxshigina qo‘shimcha daromad manbasi deganidir.

Shuningdek, bugungi kunda kungaboqarning eng samarali navlari deb e'tirof etilayotgan “Pioner” va “Aley” navlarining xarakteristikalari seminar qatnashchilarida katta qiziqish uyg‘otdi.  

Seminar qatnashchilari kungaboqar urug‘lari, uni parvarishlash agrotexnikasi, bu borada jizzaxlik mirishkorlar erishgan yutuqlar bilan atroflicha tanishdilar.

#seminar #Jizzax

🌐Website💬Telegram💬Facebook📺YouTube📷Instagram