NIDERLANDIYA BILAN HAMKORLIK ISTIQBOLLARI MUHOKAMA ETILDI
🇺🇿🤝🇳🇱
O‘zbekiston Respublikasi Qishloq xo‘jaligi vaziri Aziz Voitov Niderlandiyaning O‘zbekistondagi Favqulodda va muxtor elchisi Andre Karstens bilan uchrashuv o‘tkazdi.

Uchrashuvda Niderlandiya elchisi uning mamlakati O‘zbekiston bilan qishloq xo‘jaligi sohasidagi aloqalarni kengaytirish niyatida ekanligini bildirdi. O‘zbekiston qishloq xo‘jaligini mintaqadagi eng jo‘shqin taraqqiy etayotgan, ishonchli bozor deya ta'rifladi va Niderlandiya qo‘shma loyihalarni amalga oshirishga tayyor ekanligini izhor qildi.

Qishloq xo‘jaligi vaziri Aziz Voitov ikki mamlakat o‘rtasida agrar sohadagi hamkorlik aloqalari keyingi yillarda jadal rivojlanayotganligini qayd etib, munosabatlar ko‘lamini yanada kengaytirish uchun imkoniyatlar yetarli ekanligini ta'kidladi.

Elchi niderlandiyalik biznes doiralari O‘zbekiston agrar sohasiga katta qiziqish bildirishlari, jumladan bog‘dorchilik, suv resurslaridan oqilona foydalanish, agrotexnika va texnologiyalar borasida hamkorlik niyatida ekanliklarini yetkazdi.
*****
ОБСУЖДЕНЫ ПЕРСПЕКТИВЫ СОТРУДНИЧЕСТВА С НИДЕРЛАНДАМИ
🇺🇿🤝🇳🇱
Министр сельского хозяйства Республики Узбекистан Азиз Воитов провел встречу с Чрезвычайным и Полномочным Послом Нидерландов в Узбекистане Андре Карстенсом.

На встрече руководитель дипломатического представительства в нашей стране заявил, что его страна намерена расширять спектр сотрудничества в агропромышленном комплексе с Узбекистаном.

Особое внимание уделялось выращиванию не только традиционных, но и других видов сельскохозяйственных культур, включая создание теплиц, специализирующихся на цветоводстве.

#xalqaro_hamkorlik #vazir #qishloq_xojaligi #issiqxonalar_faoliyati #Ozbekiston #Niderlandiya #FAO #международное_сотрудничество #министр #теплицы #Узбекистан #Нидерланды #ФАО

🌐Vebsayt💬Telegram💬Facebook📺YouTube📷Instagram

XALQARO DAVRA SUHBATI QIZG'IN O'TMOQDA

🔰Ayni damda Toshkent shahrida “Qishloq xo‘jaligi yerlariga bo‘lgan huquqlarni ishonchli himoya qilish, ularni bozor aktiviga aylantirish hamda yaylovlarni muhofaza qilish va ulardan samarali foydalanishni tashkil etish” mavzusidagi xalqaro davra suhbati boshlandi.

Tadbir O‘zbekiston Respublikasi Qishloq xo‘jaligi vazirligi hamda Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) bilan hamkorlikda tashkil etildi.

Tadbirni kirish so‘zi bilan ochib bergan Qishloq xo‘jaligi vaziri Aziz Voitov so‘nggi yillardagi degradatsiya oqibatlari yaylovlar hosildorligining pasayishiga, o‘simliklar bioxilma-xilligi va chorva mollari ozuqa bazasining kamayib ketishiga sabab bo‘layotganiga to‘xtalar ekan, bu holatning oldini olish va bartaraf etishda xalqaro tajribalarni amaliyotga joriy etishning ahamiyatiga alohida e’tibor qaratdi.

#xalqaro_davra_suhbati #qishloq_xojaligi #vazir #FAO

🌐Vebsayt💬Telegram💬Facebook📺YouTube📷Instagram

“BONAFARM GROUP” PARRANDACHILIK KLASTERINI TASHKIL ETISH INVESTITSIYA LOYIHASINI BOSHLADI

🤝Joriy yilning 6-iyul kuni Qishloq xoʻjaligi vaziri Aziz Voitov va Vengriyaning “Bonafarm Group” kompaniyasi bosh direktori Attila Chanyi oʻrtasida onlayn muloqot boʻlib oʻtdi.

Samimiy va do‘stona ruhda oʻtgan muloqot avvalida vengriyalik hamkorlar O‘zbekiston qishloq xo‘jaligi sohasidagi bugungi jadal yig‘im-terim ishlariga qiziqishlarini bildirdilar.

Shundan so‘ng kompaniya vazirlikka mamlakatimiz qishloq xo‘jaligi sohasiga sarmoya kiritish shartlari, qiymati va ular ko‘rsatilgan yozma taklifni yaqin kunlarda kiritish niyatida ekanligini bildirdi.

Muloqot chog‘ida, avgust oyi oxiriga qadar loyiha doirasida ishchi guruh shakllantirilib, har ikki tomondan aniq vakillar biriktirilishi kerakligi ham ta’kidlandi.

Ma’lumot o‘rnida aytish mumkinki, “Bonafarm Group” kompaniyasi 2009-yilda tashkil etilgan bo‘lib, Vengriyadagi chorvachilik, sut, vinochilik va parrandachilik sohalarida faoliyat yurituvchi eng yirik agro-oziq-ovqat guruhidir.

Ushbu yirik kompaniyaning savdo aylanmasi 1,9 milliard dollarni tashkil etadi. Bugungi kunda kompaniyada 8400 dan ortiq xodim va mutaxassislar mehnat qilishmoqda.

#xalqaro_hamkorlik #vazir #klaster #parrandachilik #video_konferensiya

🌐Vebsayt💬Telegram💬Facebook📺YouTube📷Instagram

JAHON BANKINING AGRAR SOHAGA OID HISOBOTI TINGLANDI

🤝2023-yilning 7-iyul kuni Qishloq xo‘jaligi vazirligida vazir Aziz Voitov va Jahon Banki vakillari Bayarsaihan Timurdavaa hamda Dilshod Xidirovlar o‘rtasida hisobot uchrashuvi bo‘lib o‘tdi.

Unda Bayarsaihan Timurdavaa mamlakatimizning qishloq xo‘jaligi sohasida amalga oshirilayotgan loyihalar va missiya yakunlari bo‘yicha muhokama etiladigan masalalar yuzasidan hisobotni taqdim etdi. Jumladan, hisobot doirasida “O‘zbekiston Respublikasida qishloq xo‘jaligini modernizatsiya qilish” loyihasi doirasida kredit liniyalari bo‘yicha oziq-ovqat yo‘nalishlarini qo‘shish va lizing kompaniyalarini ishtirokiga ruxsat berish o‘rganildi.
*****
ЗАСЛУШАН ОТЧЕТ ВСЕМИРНОГО БАНКА О РАЗВИТИИ АГРАРНОЙ СФЕРЫ

🤝7 июля 2023 года в Министерстве сельского хозяйства состоялась отчетная встреча между министром Азизом Воитовым и представителями Всемирного банка Баярсайханом Тимурдаваа и Дильшодом Хидировым.

В её рамках Баярсайхан Тимурдаваа представил отчет о реализованных проектах в аграрном секторе нашей страны и вопросах, требующих обсуждения по итогам миссии. В частности, в докладе изучена возможность добавления продовольственных направлений в кредитные линии и разрешение на участие лизинговых компаний в рамках проекта «Модернизация сельского хозяйства в Республике Узбекистан».

#xalqaro_hamkorlik #uchrashuv #oziq_ovqat #lizing #Jahon_Banki #международное_сотрудничество #встреча #лизинг #Всемирный_банк

🌐Vebsayt💬Telegram💬Facebook📺YouTube📷Instagram

CHORVACHILIKNING ISTIQBOLINI BELGILOVCHI OMIL

🔰Ayni paytda Qishloq xo‘jaligi vaziri Aziz Voitov joylarda qishloq xo‘jaligidagi islohotlarning izchilligini ta’minlash, olib borilayotgan ishlar samaradorligini ko‘zdan kechirish maqsadida Buxoro viloyatida bo‘lib turibdi.

Dastlab, vazir “Buxoro Agroklaster Chorva” MCHJ faoliyati bilan tanishdi.

Ushbu chorvachilik kompleksining tashkil etilganiga uch yilgina bo‘lishiga qaramay bugungi kunda respublikadagi boshqa chorvachilik komplekslariga na’muna bo‘lib kelmoqda. Ilm va innovatsiyani to’gri joriy qila olish chorvachilik sohasining keyingi istiqbolini belgilovchi omil ekanligiga mana shu yerda guvoh boʻlasiz. Chorva mollarini musiqa qo’yish orqali parvarish qilish, ularni boqishda gigienik talablarga qat’iy rioya qilish, maxsus oziqlantirish ratsioni bu yerda amaliyotga puxta joriy etilgan.

Bugungi kunda chorvachilik majmuasida jami 3 000 bosh sut va go‘sht yo‘nalishidagi qoramollar parvarishlanib kelinmoqda. Shundan 1 000 bosh Golshtin, Simmental va Shvis zotli sog‘in sigirlardir. Naslchilik seleksiya ishlarini keng ko‘lamda tashkil etish maqsadida hozirda bu yerda Angus va Belgiya zotli qoramollar ham keltirilib parvarishlanmoqda.

Bir bosh sog‘in sigirdan o‘rtacha 28 litr kunlik esa jami 28 tonna sut olishga erishildi.

Shuningdek, bu yerda intensiv gidroponika usulda yashil ozuqa yetishtirish ham yo‘lga qo‘yilgan bo‘lib, 1 kg bug‘doydan 7 kg yashil ozuqa, kunlik esa 3 tonna 800 kg yetishtirib berilmoqda.

Bundan tashqari chorva mollarining ozuqa bazasini mustahkamlash maqsadida chorvachilik kompleksiga 400 gektar ozuqa ekin yer maydoni ajratilgan bo‘lib beda, silos va don uchun makkajo‘xori va oraliq ekinlardan roj bilan tritikali ekib kelinmoqda.

#tashrif #vazir #chorvachilik_kompleksi #qoramol #Chorvadorlar_maktabi #intensiv_gidroponika #ozuqa_bazasi

🌐Vebsayt💬Telegram💬Facebook📺YouTube📷Instagram