O‘ZBEKISTON – FURSATDAN UNUMLI FOYDALANADIGAN INSONLAR YURTI

🔰Aziz Voitov sohada kechayotgan islohotlarning bevosita joylardagi ijrosini ko‘zdan kechirish maqsadida navbatdagi tashrifini Navoiy viloyatiga amalga oshirdi.

Aytib o‘tishimiz joizki, Navoiy qishloq xo‘jaligida o‘ziga xos maktab va o‘ziga xos o‘ringa ega. Bu borada tuman mehnatkashlari paxta deymizmi, g‘alla deymizmi yoki meva-chevalarmi – har sohada yuzlari yorug‘ bo‘lib kelgan va bundan keyin ham shunday bo‘lishi uchun tinimsiz mehnat qilmoqdalar.

Birgina misol: dastavval Xatirchi tumanidagi yangi tashkil etilgan “Navoiy Fayzkom tekstil” misolida ko‘radigan bo‘lsak, ayni paytda bu yerda 450 ta ish o‘rni yaratilgan bo‘lib, ip-kalava ishlab chiqarish yo‘lga qo‘yilgan. Endi esa bu yerda to‘quv, bo‘yash va tayyor mahsulot ishlab chiqarish loyihasi amalga oshirilmoqda. Bunda esa yana qo‘shimcha 550 ta ish o‘rni yaratiladi. Demakki, bitta loyiha mingta hamyurtimizni doimiy ish o‘rni bilan ta'minlaydi. Shu o‘rinda aytib o‘tsak, 8,7 gektarda qad rostlagan ushbu majmuada bugungi kunda bozorgir bo‘lgan mahsulot ishlab chiqarish yo‘lga qo‘yilmoqda.

Korxonada kuniga 15 tonna kalava chiqarilayotgan bo‘lsa bu oyiga 450 tonna demakdir. Eng asosiysi, mahsulotlar bugungi kunda Rossiya, Polsha, Turkiya kabi mamlakatlarga yo‘l olmoqda.

#qishloq_xojaligi #vazir #tashrif #tekstil #ip_kalava #eksport #Navoiy

Vebsayt • Telegram • Facebook • YouTube • Instagram

SIRDARYO G‘ALLAKORLARI BELGILANGAN MARRAGA YETDILAR

🌾Yig‘im-terim ishlarining to‘g‘ri yo‘lga qo‘yilganligi oldinga qo‘yilgan maqsadga bor-yo‘g‘i 16 kunda erishish imkonini berdi.

Viloyatda ekin maydonlarining o‘tgan yillardagiga qaraganda qisqargani ham, suv taqchilligi, qish-bahor oylarining dehqonchilik uchun noqulay kelgani ham Sirdaryo mirishkorlarini shashtlaridan qaytara olmadi.

Davlatimiz tomonidan yaratilgan imkoniyatlar, zamonaviy agrotexnik tadbirlar, ilm-fanning amaliyotga tatbig‘i, shaxsiy manfaatdorlikka berilgan e'tibor va eng muhimi – yerga bo‘lgan mehr va fidokorona mehnat erishilgan natijalar omili bo‘ldi.

Sirdaryoda bu yil g‘alla uchun 76,2 ming gektar yer ajratildi. Hozirga qadar 64,2 ming gektar yerda 465 ming 500 tonna don yig‘ib olindi. Bu esa, viloyat uchun rekord ko‘rsatkich – gektariga 72,5 sentnerlik natijaga erishilganini anglatadi. Quvonarlisi shundaki, viloyatdagi ayrim fermer xo‘jaliklari 85-100 sentnerdan hosil olishga muvaffaq bo‘ldilar.

G‘alla hosili uchun kurashda g‘olib kelgan sirdaryolik mirishkorlar bir kun bo‘lsin, tin olmay, yangi kurashga bel bog‘ladilar – g‘alladan bo‘shagan maydonlarga takroriy ekinlar ekish agrotexnik tadbirlarini amalga oshirishga kirishdilar. G‘allasi o‘rib olingan maydonlarni peshma-pesh somondan tozalab, takroriy ekin ekishga yerni tayyorlamoqdalar va takroriy ekinlar ekish rejasini olmoqdalar.

#G'alla #Sirdaryo #o'rim_yig'im #hosil #takroriy_ekin

Vebsayt • Telegram • Facebook • YouTube • Instagram

NAVOIY VILOYATI: YANGI O‘ZLASHTIRILGAN YERLARDA HAM HOSIL MO‘L

🍉Avval xabar berganimizdek, Qishloq xo‘jaligi vaziri Aziz Voitov Navoiy viloyatida ishchi tashrif bilan bo‘lib turibdi. Tashrifdan ko‘zlangan asosiy maqsad — g‘alla hosilini nes-nobud qilmasdan yig‘ib olish, joylarda amalga oshirilayotgan islohotlarning ijrosini ta'minlashga kirishish va bugungi topshiriqlarning mohiyati va mazmunini eng quyi bo‘g‘ingacha yetkazish.

Ana shunday uchrashuvlardan biri Navoiy viloyati Xatirchi tumanida joylashgan Oq oltin massividagi o‘zlashtirilgan yerlarda mehnat qilayotganlar bilan bo‘lib o‘tdi. Bu yerda bir necha yil avval qarovsiz yotgan adirliklar bugungi kunda ko‘zni quvontiradigan yashil maydonga aylangan. 222 gektar maydonda uzum bog‘i barpo etilgan. Uzumdan tashqari tarvuz, handalak, qovun kabi poliz ekinlari ham ekilgan. Shuningdek 15 gektar yerga olma va shaftoli ko‘chatlari ekilgan bo‘lib, ular aynan ilk hosillarini berishga ulgurdi. Mazkur hududda 300 dan ziyod ishchi mavsumiy mehnat bilan band bo‘lsa, 40 dan ortiq oila vodiy viloyatlaridan kelib mehnat qilishmoqda.

Bilamizki, Navoiy viloyatining Xatirchi tumani azaldan don va dukkakli o‘simliklarni ekishga ixtisoslashtirilgan. Demakki, g‘alladan bo‘shagan yerlarda aynan mosh ekiladi. Mosh Xitoy Xalq Respublikasiga eksportga chiqariladi.

#qishloq_xojaligi #vazir #tashrif #uchrashuv #poliz_ekinlari #eksport #Navoiy

Vebsayt • Telegram • Facebook • YouTube • Instagram