QISHLOQ XO‘JALIGIDA DAVLAT-XUSUSIY SHERIKCHILIKNI JORIY ETISH IMKONIYATLARI TAQDIMOTI

🤝Qishloq xo‘jaligi vaziri Aziz Voitov va USAIDning “Agrobiznesni rivojlantirish” loyihasi vakillari o‘rtasida uchrashuv bo‘lib o‘tdi. Unda xalqaro maslahatchi Remir Mukumov va loyiha vakili Mansurjon Rasulev ishtirok etishdi.

Loyihaning asosiy faoliyat yo‘nalishlari sifatida agrobiznes raqobatbardoshligi va rentabelligini oshirish uchun biznesni boshqarishning innovatsion usullarini joriy etish, qishloq xo‘jaligi korxonalariga, mahsulotlarga qo‘shimcha qiymat qo‘shish, savdo hajmi va daromadni oshirish, yangi bozorlarga chiqishni taʼminlash hamda yangi ish o‘rinlarini yaratish uchun yangi texnologiyalarga hamkorlikda sarmoya kiritish kabilar kiritilgan.

Shuni taʼkidlash joiz, ushbu loyiha doirasida o‘tgan yillarda ko‘zga ko‘rinarli ishlar amalga oshirildi. Xususan, shu kungacha 2,300 dan ortiq mahalliy agobiznes vakillarining bog‘dorchilik, baliqchilik, sutchilik, chorvachilik, moy ishlab chiqarish va asalarichilik kabi sohalarda imkoniyatlari hamda bilim, ko‘nikma va salohiyatini oshirish maqsadida treninglar o‘tkazildi.

#hamkorlik #vazir #uchrashuv #USAID

🌐Vebsayt💬Telegram💬Facebook📺YouTube📷Instagram

O‘zbekiston Respublikasi Prezidenti Shavkat Mirziyoyev 18-oktabr kuni Pekin shahrida "China CAMC Engineering" kompaniyasi raisi Van Boni qabul qildi.

Uchrashuvda qo‘shma loyihalarni ko‘paytirishning amaliy jihatlari, jumladan, mamlakatimiz hududlarida gidrotexnik inshootlar va Yangi Toshkentda zamonaviy infratuzilmani barpo etish, ilg‘or agrotexnologiyalarni joriy qilish masalalari muhokama qilindi.
Davlatimiz rahbari qo‘shma loyihalar va erishilgan kelishuvlarni amalga oshirishni jadallashtirish bo‘yicha alohida “Yo‘l xaritasi”ni qabul qilishga topshiriq berdi.

Bundan tashqari prezidentimiz Pekin shahrida “Bir makon, bir yo‘l” xalqaro forumining ochilish marosimida hamda “Inson va tabiat uyg‘unligi yo‘lida “Yashil ipak yo‘lini” birgalikda barpo etish” mavzusidagi yalpi yig‘ilishida ishtirok etdi.

Prezidentimiz tomonidan Markaziy Osiyoning “Yashil” kun tartibi” va “Yashil ipak yo‘li” konseptual tashabbuslarini o‘zaro bog‘lash doirasida kambag‘allikni qisqartirish va “aqlli” qishloq xo‘jaligini rivojlantirish choralari va loyihalarini o‘z ichiga olgan “Yashil” taraqqiyot dasturini ishlab chiqish taklif etildi.

#repost #Ozbekiston #Xitoy #hamkorlik

🌐Website💬Telegram💬Facebook📺YouTube📷Instagram

AGRAR SOHADA O‘ZBEKISTON VA QATAR HAMKORLIGI

Qishloq xo‘jaligi vaziri o‘rinbosari Qaxramon Yuldashev Qatar davlatining “Hassad Food” kompaniyasi ijrochi direktori Muhammad Ali al-G‘iysaniy bilan uchrashdi.

Uchrashuvda O‘zbekiston va Qatar o‘rtasidagi hamkorlik aloqalarining istiqbolli yo‘nalishlarini rivojlantirish masalalari muhokama qilindi.

Suhbatda Qatar O‘zbekiston uchun strategik va muhim hamkorlardan biri hisoblanishi, shuningdek, ikki davlat rahbarlarining yaqin do‘stona aloqalari so‘nggi yillarda o‘z samarasini berayotgani ta'kidlab o‘tildi.

Xususan, 2023-yil iyun oyida Qatar amiri shayx Tamim bin Hamad Ol Soniy janoblarining O‘zbekistonga tashrifi hamda O‘zbekiston Prezidentining joriy yil oktyabr oyida Qatar davlatiga amalga oshirgan oliy darajadagi tashrifi yaqqol misol bo‘lishi aytib o‘tildi.

Muloqotda O‘zbekiston Respublikasi Prezidentining Qatar davlatiga tashrifi doirasida Qishloq xo‘jaligi vazirligi vakillari va “Hassad Food Qatar” kompaniyasi vakillari o‘rtasida chorva uchun ozuqa mahsulotlarini O‘zbekistonda yetishtirishni tashkil etish bo‘yicha investitsiya loyihasini amalga oshirish yuzasidan dastlabki kelishuvlarga erishilgani alohida qayd etildi.

#qatar #uchrashuv #hamkorlik

🌐Website💬Telegram💬Facebook📺YouTube📷Instagram

O‘ZBЕKISTON-TURKIYA QISHLOQ XO‘JALIGI TIZIMIDA HAMKORLIK ISTIQBOLLARI

🇹🇷 Qishloq xo‘jaligi vazirligida Turkiya Respublikasi Savdo vazirligi va Tashqi iqtisodiy aloqalar kengashining texnik konsalting sohasida eng ilg‘or 10 ta xususiy kompaniyalari vakillaridan iborat delegatsiyasi bilan uchrashuv bo‘lib o‘tdi.

🌾Uchrashuvda Turkiya tomoni O‘zbekiston qishloq xo‘jaligi sohasini so‘nggi 5 yilda amalga oshirilayotgan islohotlar natijasida rivojlanib borayotganini yuqori baholab, kelgusida qishloq xo‘jaligini modernezatsiyalash ehtiyoji borligini hisobga olgan holda O‘zbekistonga qardosh do‘st davlat sifatida ushbu tizimning rivojlanishi uchun o‘z hissalarini qo‘shishga va ilg‘or tajribalarini bo‘lishishga tayyorligi ma’lum qilindi.

🧬 Shuningdek, qishloq xo‘jaligida zararkunandalarga qarshi kurashishda suv, tuproq va undagi foydali tirik organizmlarga bo‘lgan salbiy ta’sirni kamaytirishga qaratilgan ilmiy izlanishlarni hamkorlikda olib borish va qishloq xo‘jaligi ekinlari va chorva mollarini iqlim o‘zgarishi xatarlaridan sug‘urtalash bo‘yicha Turkiya tajribasini o‘rganish taklifi ilgari surildi.

#turkiya #hamkorlik #muhokama

🌐Website💬Telegram💬Facebook📺YouTube📷Instagram

Baliqchilik tarmog‘ini rivojlantirishdagi istiqbolli vazifalar belgilab olindi

Baliq va baliq mahsulotlariga bo‘lgan talab yildan yilga ortmoqda. Shu bois, mamlakatimizda baliqchilikni yanada rivojlantirishga alohida e’tibor qaratilmoqda. Baliq yetishtiruvchi tadbirkorlarga bir qator imkoniyat va imtiyozlar berilmoqda.

Baliqchilikning rivojlanishi oziq-ovqat xavfsizligini mustahkamlash barobarida, aholini baliq tarkibidagi yuqori sifatli oqsillar bilan ta’minlash imkonini beradi.

Xususan, Samarqand shahrida bo‘lib o‘tayogan XVI-Verona Yevroosiyo iqtisodiy forumi doirasida Qishloq xo‘jaligi vaziri Ibrohim Abduraxmonovning Rossiya Federatsiyasi Federal baliqchilik agentligi rahbari Ilya Shestakov bilan baliqchilikni rivojlantirishga qaratilgan hamkorlik uchrashuvi bo‘lib o‘tdi.

Uchrashuv davomida ikki davlat o‘rtasida baliqchilik sohasidagi hamkorlikni rivojlantirish masalalari ko‘rib chiqildi.

Jumladan, muloqot asosini intensiv usulda baliq yetishtirishni bosqichma-bosqich yo‘lga qo‘yish va rag‘batlantirish, mavjud suv resurslaridan samarali foydalanish, sohaga innovatsion g‘oyalar, ilmiy ishlanmalar, zamonaviy texnologiyalar va ilm-fan yutuqlarini keng joriy qilish, baliqchilik tarmog‘ini yanada qo‘llab-quvvatlashga qaratilgan qator taklif tashkil etdi. Tomonlar baliqchilikka ixtisoslashtirilgan klasterlar tashkil etish istiqboli haqida muloqot qildilar.

Bundan tashqari, Baliqchilik sohasini yanada rivojlantirish, baliq mahsulotlari turlarini ko‘paytirish, eksport salohiyatini oshirish, mavjud havzalar imkoniyatlaridan samarali foydalanish, intensiv texnologiyalar asosida baliq yetishtirish hajmlarini ko‘paytirish hamda baliqchilik xo‘jaliklarining ozuqa bazasini mustahkamlash masalalariga ham to‘xtalib o‘tildi.

#qishloq_xojaligi #hamkorlik #baliqchilik

🌐Website💬Telegram💬Facebook📺YouTube📷Instagram

Agrar sohadagi hamkorlikning yangi bosqichlari

Bugun Qishloq xo‘jaligi vaziri Ibrohim Abdurahmonov hamda Xitoyning “BGI group” kompaniyasi vitse-prezidenti Ning Li o‘rtasida qishloq xo‘jaligi sohasidagi hamkorlik masalalariga bag‘ishlangan uchrashuv bo‘lib o‘tdi.

Unda, “BGI group” kompaniyasining genetika va genomika sohasidagi tajribasini O‘zbekistonda tatbiq etish va mazkur sohada ikki tomonlama hamkorlikni o‘rnatish va kelgusida ilmiy tadqiqot institutlari olimlarining malaka oshirishi bo‘yicha dasturlar ishlab chiqish hamda cho‘l muammolari muhokama qilindi.

Aytish kerakki, “BGI group” kompaniyasi 1999-yilda tashkil etilgan bo‘lib, hayot fanlari va genomika sohasida faoliyat yuritadigan dunyodagi yetakchi kompaniyalardan biri hisoblanadi.

Maʼlumot o‘rnida, “BGI group” kompaniyasining dunyoning 100 dan ortiq mamlakatlarida vakolatxonalari mavjud bo‘lib, sog‘liqni saqlash, resurslarni tejash va huquqiy xizmatlarini bo‘yicha turli tashkilotlar bilan hamkorlik aloqalarini o‘rnatgan.

Muzokaralar natijasida tomonlar samarali va konstruktiv hamkorlikning amaliy jihatlarini kelishib olishdi. Bu esa, respublikamizda genetika va genomika sohasining rivojlanishida tub burilish yasalishiga turtki bo‘ladi, albatta.

#agrar #hamkorlik #BGI #vazirlik

🌐Website💬Telegram💬Facebook📺YouTube📷Instagram

O‘zbekiston va Yaponiya: hamkorlikning yangi bosqichlari

✅Joriy yilning 13-noyabr kuni Qishloq xo‘jaligi vazirligi huzuridagi Sabzavot, poliz ekinlari va kartoshkachilik ilmiy-tadqiqot instituti direktori va Yaponiya Qishloq xo‘jaligi milliy ilmiy markazi (NARO) O‘simliklar genetik resurslari Genbanki direktori o‘rinbosari doktor Komoto Natuo o‘rtasida qishloq xo‘jaligidagi hamkorlikning yangi bosqichi hamda sabzavotchilik sohasida innovatsion loyihalarni amalga oshirish masalalariga bag‘ishlangan uchrashuv bo‘lib o‘tdi.

📌Aytish kerakki, keyingi yillarda qishloq xo‘jaligida zamonaviy ilg‘or tendensiyalarni amalga oshirish va sohaga bozor mexanizmlarini joriy etish borasida izchil chora-tadbirlar amalga oshirilmoqda. Tashkil etilgan bugungi uchrashuv ham so‘zimiz ayni isboti.

⏺Unda, O‘zbekistonda sabzavot, poliz va kartoshka yetishtirishning ilmiy asoslangan zamonaviy, yanada samarali resurs tejamkor agrotexnologiyalarni qo‘llash hamda eksportbop elita nav va duragaylarni yaratish, shuningdek, ularning urug‘chiligini yo‘lga qo‘yish orqali ishlab chiqarishga joriy qilish, o‘simliklar genetik resurslarini ekspeditsiyalar asosida yig‘ib olish, saqlash va seleksiya uchun kompleks chora-tadbirlarni amalga oshirish borasida fikrlar almashildi.

📝Ma’lumot o‘rnida, Yaponiyaning NARO tashkiloti O‘simliklar genetik resurslari Genbanki Dunyoning top 10 ta eng yirik genbanlari ro‘yxatiga kiritilgan bo‘lib, u yerda 230 mingdan ziyod o‘simlik navi namunalari saqlanadi.

🔗Muzokaralar yakunida tomonlar samarali va konstruktiv hamkorlikning amaliy jihatlarini kelishib olishdi. Bu esa, sabzavotchilik sohasining rivojlanishida tub burilish yasalishiga turtki bo‘ladi, shubhasiz.

#agrar #hamkorlik #NARO #institut

🌐Website💬Telegram💬Facebook📺YouTube📷Instagram

Hamkorlikning yangi bosqichi muhokama qilindi

✅Bugun, Qishloq xo‘jaligi vazirining o‘rinbosari Alisher Shukurov hamda Jahon bankining O‘zbekistondagi vakolatxonasi vakillari o‘rtasida uchrashuv bo‘lib o‘tdi.

🖥Uchrashuv davomida agrosanoat sohasida hamkorlikni kuchaytirish, agrar sohadagi o‘zaro munosabatlarni rivojlantirishning muhim yo‘nalishlaridan hisoblangan paxta yetishtirish va urug‘chilik, paxtachilik tarmog‘ining yangi istiqbollari yuzasidan mavjud kelishuvlar va klasterlar faolyaitini yanada rivojlantirish istiqbollari muhokama qilindi.

📌Suhbatda aynan paxtachilik tarmog‘i va klasterlar faoliyatini modernizatsiya qilish, bugungi kunga qadar yechimini topmagan bir qator masalalar yuzasidan fikrlar almashildi.

📝Uchrashuv yakunida loyihalar bo‘yicha amalga oshirilishi lozim bo‘lgan ishlarni yanada jadallashtirish va kelgusida hamkorlikda yana ko‘plab loyihalarni amalga oshirish bo‘yicha kelishib olindi.

#agrar #jahon_banki #hamkorlik

🌐Website💬Telegram💬Facebook📺YouTube📷Instagram

Oʻzbekiston–Belarus: hamkorlikning yangi bosqichlari

🔗Kuni kecha Qishloq xoʻjaligi vazirligi majlislar zalida Belarus-Oʻzbekiston ishchi guruhining toʻrtinchi yigʻilishi boʻlib oʻtdi.

✅Unda Qishloq xoʻjaligi vaziri oʻrinbosari Qahramon Yuldashev va Belarus Respublikasi Qishloq xoʻjaligi va oziq-ovqat vaziri oʻrinbosari Smilgin Ivan oʻzaro yetkazib beriladigan qishloq xoʻjaligi va oziq-ovqat mahsulotlari turlarini kengaytirish, goʻsht va sut mahsulotlarini qayta ishlash, chorvachilik va veterinariya, qishloq xoʻjaligi fanlari sohasida hamkorlikni rivojlantirishning yangi bosqichlari yuzasidan fikr almashdi.

📌Taʼkidlash kerakki, Oʻzbekiston bilan Belarus Respublikasi oʻrtasida qishloq xoʻjaligi savdosi, fan va agrar taʼlim sohasida yaqin hamkorlik oʻrnatilgan, shuningdek, chorvachilik, veterinariya va oʻsimliklar seleksiyasi sohasida faol oʻzaro aloqalar yoʻlga qoʻyilgan.

🖥Samimiy ruhda boshlangan uchrashuvda Q.Yuldashev Belarus Respublikasi bilan hamkorlikda qishloq xoʻjaligi sohasida ham juda katta koʻlamdagi islohotlar amalga oshirilayotgani, bu esa mamlakatlarimiz uchun birdek manfaatli ekanini eʼtirof etdi.

🟢Qolaversa, Belorussiyaning “Yagodka” fermer xoʻjaligida “in-vitro” usulida yetishtirilgan golubika koʻchatlarining elita navlaridan foydalangan holda, Oʻzbekiston Respublikasi hududida golubika yetishtirish boʻyicha eksperimental koʻrgazmali maydon yaratish loyihasi kelishib olindi.

🏫Muzokaralar yakunida tomonlar oʻzaro yetkazib beriladigan qishloq xoʻjaligi va oziq-ovqat mahsulotlari turlarini kengaytirish, samarali va konstruktiv hamkorlikning amaliy jihatlarini kelishib oldi.

#agrar #belarus #hamkorlik

🌐Website💬Telegram💬Facebook📺YouTube📷Instagram