ГЛОБАЛ БОШҚАРУВ КЕРАК

Си Цзиньпин Шанхай ҳамкорлик ташкилотининг Тяньцзинда бўлиб ўтаётган кенгайтирилган йиғилишида глобал бошқарувга оид ташаббусни илгари сурди.

"Мен глобал бошқарув бўйича ташаббус кўтармоқчиман ва барча мамлакатлар билан биргаликда янада адолатли ва тенг ҳуқуқли глобал бошқарув тизимини яратиш, шунингдек, инсониятнинг ягона тақдирли ҳамжамиятини шакллантириш устида ишламоқчиман," – дея таъкидлади у.

@uz_sfa

ШҲТ – янги БМТ?!

Бугун Тяньцзинда ўтказилган ШҲТ саммитида Си Цзиньпин глобал бошқарув ташаббусини илгари сурди. У барча давлатларни ўзаро ҳамкорликда “... адолатли ва тенг ҳуқуқли глобал бошқарув тизими”ни барпо этиш, ягона тақдирга эга ҳамжамиятни шакллантиришга чақирди.

Си Цзиньпин чиқишидан сўнг Владимир Путин Россия ушбу ташаббусни қўллаб-қувватлашини ва уни аниқ таклифлар орқали кўриб чиқишга тайёрлигини билдирди.

Режеп Таййип Эрдоған эса БМТ ўз вазифаларини тўлақонли бажара олмаётганини, ташкилот жиддий ислоҳотларга муҳтож эканини қайд этди.

Шавкат Мирзиёевнинг “ШҲТ институтлари самарадорлигини ошириш” бўйича бир қатор ташаббуслари эса ушбу йўналиш билан уйғунлик касб этди.

@uz_sfa

МИЛЛИЙ МАНФААТЛАРИМИЗГА МОС ТАШАББУСЛАР

Президентимиз Шавкат Мирзиёев 1 сентябрь куни Тяньцзинь шаҳридаги ШҲТга аъзо давлатлар раҳбарлари кенгаши мажлисида ташкилотнинг сиёсий асосларини мустаҳкамлаш, минтақавий хавфсизлик соҳасида ҳамкорликни кенгайтириш, иқтисодий ва маданий-гуманитар ҳамкорликни ривожлантиришга қаратилган, миллий манфаатларимизга мос бўлган муҳим ташаббусларни илгари сурди.

Жумладан:
– ШҲТ институтлари самарадорлигини ошириш ва уни Глобал Жануб давлатлари ҳисобига кенгайтириш;

– Ядро хавфсизлиги бўйича декларация қабул қилиш, Ички ишлар вазирлари кенгаши фаолиятини қайта тиклаш, 2030 йилгача гиёҳвандликка қарши кураш дастурини тайёрлаш, «ШҲТ–Афғонистон» мулоқот гуруҳи фаолиятини фаоллаштириш. ...

👉🏻 батафсил танишиш учун:

👉🏻@uz_sfa

Эдмунд Бёрк (1730 - 1797) - келиб чиқиши ирландиялик бўлган Британия парламентарийси, сиёсий арбоб, публицист ва консерватизм асосчиларидан бири ҳисобланади.

Ёмон қонунлар – зулмнинг энг ёвуз кўринишидир.

Эдмунд Бёрк

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Плохие законы — худший вид тирании.

Эдмунд Бёрк

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Bad laws are the worst sort of tyranny

Edmund Burke

👉🏻@uz_sfa

📘 Янги қўлланма: «Сиёсий фанлар ва касблар каталоги» нашр этилди!

Стратегик таҳлил ва истиқболни белгилаш Олий мактаби ўқитувчилари томонидан тайёрланган мазкур услубий қўлланма чоп этилди.

Унда 40 дан ортиқ сиёсий фанлар ҳамда 25 та сиёсий касбларнинг мазмун-моҳияти, жамиятдаги ўрни ва аҳамияти ёритилган.

Қўлланма талабалар, изланувчилар, профессор-ўқитувчилар ва сиёсатга қизиқувчи кенг жамоатчилик учун қимматли манба сифатида хизмат қилади.

👉🏻@uz_sfa

📘СИЁСИЙ ФАНЛАР КАТАЛОГИ
1. Сиёсатшунослик
2. Замонавий сиёсий назариялар
3. Қиёсий сиёсатшунослик
4. Сиёсатшуносликни ўқитиш методикаси
5. Сиёсий антропология
6. Сиёсий мафкуралар
7. Сиёсий психология
8. Сиёсий социология
9. Сиёсий таълимотлар тарихи
10. Сиёсий фалсафа
11. Хавфсизлик назарияси
12. Сиёсий технологиялар
13. Замонавий сайлов технологиялари
14. Сиёсий жараёнларни моделлаштириш
15. Сиёсий имижиология
16. Сиёсий коммуникация
17. Сиёсий конфликтология
18. Сиёсий краталогия
19. Сиёсий лингвистика
20. Сиёсий маданият
21. Сиёсий маркетинг
22. Сиёсий менежмент
23. Сиёсий парталогия
24. Сиёсий реклама
25. Сиёсий таҳлил ва прогнозлаштириш
26. Сиёсий хавфсизлик
27. Сиёсий экология
28. Сиёсий элитология
29. Сиёсий география
30. Сиёсий минтақашунослик
31. Сиёсий этика
32. Фуқаролик жамияти
33. Этнополитология
34. Геосиёсат
35. Жахон сиёсати
36. Халқаро муносабатлар назарияси
37. Замонавий халқаро муносабатлар
38. Замонавий халқаро ташкилотлар
39. Халқаро хавфсизлик
40. Ҳарбий сиёсатшунослик

Каналимизда ҳар бир сиёсий фан ва унинг асосий манбалари ҳақида қизиқарли маълумотлар бериб борамиз Улар билан албатта танишинг – Сиз учун янги билимлар эшигини очиши аниқ!

👉🏻@uz_sfa

📘СИЁСИЙ КАСБЛАР КАТАЛОГИ
1. Сиёсатшунос ўқитувчи
2. Сиёсатшунос-тарихчи
3. Сиёсий психолог
4. Сиёсий социолог
5. Сиёсатшунос тадқиқотчи
6. Сиёсий таҳлилчи
7. Сиёсий шарҳловчи
8. Сиёсий эксперт
9. Сиёсий стратег
10. Сиёсий маркетолог
11. Сиёсий менежер
12. Сиёсий технолог
13. Сиёсатшунос-имижмейкер
14. Сиёсий консультант
15. Дипломат
16. Давлат хизматчиси
17. Сиёсий спичрайтер
18. Нодавлат нотижорат ташкилотлар ходими
19. Халқаро нодавлат ташкилотлар ходими
20. Жамоатчилик билан алоқалар бўйича консультант
21. Журналист–сиёсатшунос
22. Депутат
23. Депутат ёрдамчиси
24. Сиёсий партиялар ходимлари ва экспертлари
25. Gr-мутахассис

Каналимизда ҳар бир сиёсий касб тўғрисида қизиқарли маълумотлар бериб борамиз Улар билан албатта танишинг – Сиз учун янги билимлар эшигини очиши аниқ!

👉🏻@uz_sfa

ҚУЙИДА КЕЛТИРИЛГАН ПОСТДАГИ ПАЛМЕРСТОННИНГ ФИКРИ ТАРИХДАН БУГУНГА ҚАЙТДИ

Буюк Британия Мудофаа вазири Жон Хилининг маълум қилишича, Британия 50 кун ичида Украинага 60 минг дона снаряд ва ракета, шунингдек, 2,5 минг дона учувчисиз учиш аппарати (БПЛА) етказиб берган.

👉🏻@uz_sfa

БМТ ХАЛҚАРО СУДИ

Халқаро Суд – Бутунжаҳон суди сифатида ҳаммага маълум бўлиб, у Бирлашган Миллатлар Ташкилотининг бош суд органидир. Бош Ассамблея ва Хавфсизлик Кенгаши томонидан сайланадиган 15 судьядан ташкил топган Халқаро Суд давлатлар ўртасидаги можароларни бартараф этиш билан шуғулланади. Давлатларнинг суд муҳокамасида қатнашишлари ёки қатнашмасликлари ихтиёрийдир. Бироқ улар Суд томонидан чиқарилган қарорларга бўйсунишлари шарт. Шунингдек, Бош Ассамблея ва Хавфсизлик Кенгаши сўровлари билан Суд консультатив хулосалар чиқариш ишлари билан ҳам шуғулланади. Халқаро Суд Нидерландиянинг Гаага шаҳрида фаолият кўрсатади.

👉🏻@uz_sfa

Джон Эмерих Эдвард Дальберг-Актон – инглиз тарихшуноси ва сиёсатчиси.

Ҳокимият одамни бузади, мутлақ ҳокимият эса одамни мутлақ равишда бузади.

Джон Дальберг-Актон
. . . . . . . . . . . . . . . . . . . . . . . . . . . . . . . . .

Власть развращает, абсолютная власть развращает абсолютно

Джон Дальберг-Актон

👉🏻@uz_sfa

Ўзбекистонда политологиянинг янги босқичи. Республика илмий-амалий конференция материаллари тўплами. – Тошкент: «Complex Print», 2022. – 300 б.

Юртимизда сиёсатшунослик фани тараққиётига бағишланган ушбу тўпламда мамлакатимиз олимлари ва амалиётчи мутахассисларининг илмий мақолалари жамланган. Унда сиёсатшунос кадрлар тайёрлаш, тадқиқотлар самарадорлигини ошириш ва политология фанини ўқитишнинг янги йўналишлари бўйича илмий-назарий таклиф ва амалий тавсиялар ўрин олган.

Тўплам профессор-ўқитувчилар, тадқиқотчилар, докторантлар, талабалар ҳамда сиёсатга қизиқувчи ҳар бир ўқувчи учун қимматли манба ҳисобланади.

👉🏻@uz_sfa

Сиёсатчилар тарихни билишлари шарт.

Европа Иттифоқи дипломатияси раҳбари Кая Каллас Иккинчи жаҳон урушида Россия ва Хитойнинг нацизм устидан ғалабасини шубҳа остига олди ва буни "янгилик" деб атади.

Одамларни эса тарихни ўқимасликда ва бундай "нарратив"ларга ишонишда айблади.

Оқибатда бутун дунё сиёсатчилари олдида кулгига қолди.

@uz_sfa

Сарой эшиклари биз ўйлаганимиздай баланд эмас: улардан фақат эгилиб ўтиш мумкин.

Пер Эдмон Бошен

. . . . . . . . . . . . . . . . . . . . . . . . . . . . . . . . . . . . . . . . . . .

Двери дворцов не так высоки, как думают: пройти в них можно только нагибаясь.

Пьер Эдмон Бошен

👉🏻@uz_sfa

БМТ КОТИБИЯТИ

Котибият Бирлашган Миллатлар Ташкилотининг Бош Ассамблеяси, Хавфсизлик Кенгаши ва бошқа органлари кўрсатмаларига мувофиқ тезкор ва маъмурий ишларни амалга оширади. Уни умумий маъмурий раҳбарликни олиб борадиган Бош котиб бошқаради. Ҳозирги вақтда Котибият дунёнинг 160 га яқин мамлакатидан бўлган 8900 киши ишлайдиган 7 департамент ва турли бошқармалардан ташкил топган. Котибиятнинг Нью-Йорк, Женева, Вена ва Найроби шаҳарларидаги бўлинмалари унинг таркибий қисмидир.

👉🏻@uz_sfa

СИЁСИЙ КРАТАЛОГИЯ

Сиёсий краталогия — сиёсий фаннинг муҳим йўналишларидан бири бўлиб, у ҳокимиятнинг пайдо бўлиши, амал қилиш жараёнлари ва ривожланиш қонуниятларини ҳар томонлама чуқур тадқиқ қилади. У фақат ҳокимиятнинг ички тузилиши ёки давлат ичидаги муносабатларини эмас, балки турли ҳокимият шаклларининг бир-бири билан ўзаро алоқаларини ҳам таҳлил қилади. Шу боис, краталогия сиёсий жараёнларнинг яширин қонуниятларини очиб берувчи, “ҳокимиятнинг ишлаш сирлари”ни ўқишга ўргатувчи илмий йўналиш сифатида алоҳида аҳамиятга эга.

Краталогия билан қизиққан киши ҳокимиятни фақат куч ёки қонун доирасида эмас, балки ижтимоий, иқтисодий ва маданий муносабатлар тизимида қандай шаклланиши ва мустаҳкамланишини ҳам англайди. Шу жиҳатдан, сиёсий краталогия билан танишиш талабаларга сиёсий жараёнларни чуқурроқ англаш, ҳокимият табиатига илмий назар ташлаш ва замонавий сиёсий воқеликка янгича қараш имконини беради.

👉🏻@uz_sfa