ҚАТАҒОН ҚУРБОНЛАРИНИ ЁД ЭТИШ МАРОСИМИ

29 август куни Мустақиллик байрами муносабати билан Шаҳидлар хотираси хиёбонида давлат ва жамоат ташкилотлари вакиллари, нуронийлар ва зиёлилар тўпландилар. Маросимда Президентимиз Шавкат Мирзиёев иштирок этди. Тадбирда Ватан фидойилари руҳига Қуръон тиловат қилинди, элга ош улашилди. Шунингдек, хиёбондаги рамзий қабр ёнида ҳам Қуръон тиловат қилинди.

Сўнгги 20 йилдан ортиқ вақт мобайнида Қатағон қурбонларини ёд этиш маросими мунтазам ўтказилиб келмоқда ва бугунга келиб у сиёсий анъанага айланган.

👉🏻@uz_sfa

Президентимиз Шавкат Мирзиёев Ўзбекистондаги Ислом цивилизацияси марказига ташриф буюриб, сўнгги пардозлаш ва жиҳозлаш ишларини кўздан кечирди.

👉🏻@uz_sfa

МУСТАФО КАМОЛ ОТАТУРК

Миллат ичкаридан мустаҳкам бирлашган ва яхлит бўлса, дунёда уни парчалаб ташлашга қодир бўлган куч мавжуд эмас.
Мустафо Камол Отатурк

Пока нация прочно связана изнутри и едина, в мире нет силы, которая могла бы разрушить ее.
Мустафа Кемаль Ататюрк

👉🏻@uz_sfa

ШАНҲАЙ ҲАМКОРЛИК ТАШКИЛОТИ

Шанҳай ҳамкорлик ташкилоти (ШҲТ) – 2001 йил 15 июнда Хитой, Россия, Қозоғистон, Тожикистон, Қирғизистон ҳамда Ўзбекистон томонидан тузилган халқаро минтақавий ташкилот. Унинг асосий мақсади аъзо давлатлар ўртасида ўзаро ишонч ва яхши қўшничиликни мустаҳкамлаш ҳамда сиёсий, савдо-иқтисодий, илмий-техникавий, маданий, шунингдек, таълим, энергетика, транспорт, туризм, атроф-муҳитни муҳофаза қилиш ва бошқа соҳалардаги самарали ҳамкорликни йўлга қўйишдан иборат. Бундан ташқари, минтақавий хавфсизликни таъминлаш, терроризм, экстремизм ва айирмачиликка қарши биргаликда курашиш ҳам ташкилотнинг асосий вазифалари сирасига киради.

👉🏻 батафсил танишиш учун

👉🏻@uz_sfa

ПРЕЗИДЕНТИМИЗ ХИТОЙДА

Президентимиз Шавкат Мирзиёев Хитой Халқ Республикаси Раиси Си Цзиньпиннинг таклифига кўра расмий ташриф билан Тяньцзинь шаҳрига етиб борди.

31 август – 1 сентябрь кунлари давлатимиз раҳбари Шанхай ҳамкорлик ташкилоти Давлат раҳбарлари кенгашининг навбатдаги мажлиси ҳамда “ШҲТ плюс” форматидаги саммитда иштирок этади.

Ўзбекистон Президенти саммитда долзарб ва муҳим ташаббуслар билан чиқиши кутилмоқда.

👉🏻@uz_sfa

ШҲТДА ЎЗБЕКИСТОН: ТАШАББУСЛАР, РАИСЛИК ВА ЮТУҚЛАР

Ўзбекистон Республикаси биринчи марта “Шанҳай бешлиги”нинг 2000 йилдаги Душанбе саммитида кузатувчи сифатида иштирок этган. 2001 йил 14 июнда Ўзбекистон ШҲТ тузилишида асосий ташаббускор давлатлардан бири бўлди ва унинг тенг ҳуқуқли аъзосига айланди.

Ўтган йиллар давомида Ўзбекистон ШҲТга 4 марта – 2004, 2010, 2016 ва 2022 йилларда раислик қилди. Ўзбекистон раислиги даврида эришилган ютуқлардан бири – БМТ Бош Ассамблеяси томонидан 2009 йил 18 декабрда консенсус асосида ШҲТ ва БМТ ўртасидаги ҳамкорлик тўғрисидаги махсус резолюциянинг қабул қилиниши бўлди. Ушбу резолюцияни ШҲТга аъзо давлатлар – Ўзбекистон, Россия, Қозоғистон, Хитой, Қирғизистон ва Тожикистондан ташқари Покистон ва Доминикан Республикаси ҳам имзолади.

👉🏻 батафсил танишиш учун

👉🏻@uz_sfa

МУСТАҚИЛЛИК БАЙРАМИ МУБОРАК!

Ҳурматли каналимиз аъзолари!
Сизларни Ўзбекистон Республикаси Мустақиллигининг 34 йиллиги билан чин дилдан табриклаймиз! Мустақиллик – бизнинг миллий ғуруримиз, озодлигимиз, эркинлигимиз юртимиз тараққиёти йўлидаги улуғ қадам. Шу қутлуғ сана барчамизни янги марралар сари илҳомлантиради.

Шу билан бирга, янги ўқув йили ҳам остонада. Бу ўқув йилида каналда Сиёсатшуносликка оид китоблар, дарсликлар, ўқув қўлланмалар, турли қизиқарли маълумотлар ва янгиликларни тақдим этиб боришни режалаштирганмиз. Каналимиз орқали сиз сиёсий билимларни янада чуқурлаштириш, замонавий сиёсий жараёнлардан хабардор бўлиш ва илмий изланишларингизга замин яратувчи манбаларга эга бўласиз.

Сизларга соғлик-саломатлик, оилавий бахт, тинч ва фаровон ҳаёт, шунингдек, янги ўқув йилида катта муваффақиятлар тилаймиз!

“Ватан учун, миллат учун, халқ учун!” хизмат қилишдек шарафли ишда барчамизга омад ёр бўлсин!

Сиёсий фанлар академияси канали жамоаси номидан
профессор Илёс Нормаматович Исломов

Бу мустақиллик, истиқлол осмондан тушган эмас. Мустақиллик учун қанча-қанча одамлар қурбон бўлган.

Ислом Каримов

👉🏻 батафсил танишиш учун: https://www.facebook.com/100064367514646/videos/616020104643576/?__so__=permalink

👉🏻@uz_sfa

ШҲТНИНГ ТОШКЕНТДАГИ ТУЗИЛМАСИ

Шанҳай ҳамкорлик ташкилоти Минтақавий аксилтеррор тузилмаси – ташкилотга аъзо давлатлар ўртасида ахборот алмашиш, чегара ва божхона қўмиталарининг, махсус хизматларнинг ҳамкорлигини мувофиқлаштириш, шу оркали террорчиликнинг олдини олиш мақсадида тузилган. Шу мақсадда тузилма таркибида кенгаш ва ижроқўм фаолияти йўлга қўйилган. Кенгашга аъзо давлатлар махсус хизматлари раҳбарларининг вакиллари киритилган. Ижроқўмда эса ўзаро тасдиқланган лавозим ўринларига мувофиқ ШҲТга аъзо давлатлардан вакиллар ишлайди.

Мазкур ташкилот доирасида ҳозирги даврдаги мавжуд ҳуқуқий база, умуман олганда, террорчилик, сепаратизм ва экстремистик фаолиятнинг олдини олиш, аниқлаш ва унга тўсқинлик қилиш соҳасида аниқ мақсадли ва самарали ҳамкорлик қилиш имконини беради. Тузилма 2004 йил 1 январдан фаолият кўрсатади. Штаб-квартираси Тошкент шаҳрида жойлашган.

👉🏻 батафсил танишиш учун

👉🏻@uz_sfa

ГЛОБАЛ БОШҚАРУВ КЕРАК

Си Цзиньпин Шанхай ҳамкорлик ташкилотининг Тяньцзинда бўлиб ўтаётган кенгайтирилган йиғилишида глобал бошқарувга оид ташаббусни илгари сурди.

"Мен глобал бошқарув бўйича ташаббус кўтармоқчиман ва барча мамлакатлар билан биргаликда янада адолатли ва тенг ҳуқуқли глобал бошқарув тизимини яратиш, шунингдек, инсониятнинг ягона тақдирли ҳамжамиятини шакллантириш устида ишламоқчиман," – дея таъкидлади у.

@uz_sfa

ШҲТ – янги БМТ?!

Бугун Тяньцзинда ўтказилган ШҲТ саммитида Си Цзиньпин глобал бошқарув ташаббусини илгари сурди. У барча давлатларни ўзаро ҳамкорликда “... адолатли ва тенг ҳуқуқли глобал бошқарув тизими”ни барпо этиш, ягона тақдирга эга ҳамжамиятни шакллантиришга чақирди.

Си Цзиньпин чиқишидан сўнг Владимир Путин Россия ушбу ташаббусни қўллаб-қувватлашини ва уни аниқ таклифлар орқали кўриб чиқишга тайёрлигини билдирди.

Режеп Таййип Эрдоған эса БМТ ўз вазифаларини тўлақонли бажара олмаётганини, ташкилот жиддий ислоҳотларга муҳтож эканини қайд этди.

Шавкат Мирзиёевнинг “ШҲТ институтлари самарадорлигини ошириш” бўйича бир қатор ташаббуслари эса ушбу йўналиш билан уйғунлик касб этди.

@uz_sfa

МИЛЛИЙ МАНФААТЛАРИМИЗГА МОС ТАШАББУСЛАР

Президентимиз Шавкат Мирзиёев 1 сентябрь куни Тяньцзинь шаҳридаги ШҲТга аъзо давлатлар раҳбарлари кенгаши мажлисида ташкилотнинг сиёсий асосларини мустаҳкамлаш, минтақавий хавфсизлик соҳасида ҳамкорликни кенгайтириш, иқтисодий ва маданий-гуманитар ҳамкорликни ривожлантиришга қаратилган, миллий манфаатларимизга мос бўлган муҳим ташаббусларни илгари сурди.

Жумладан:
– ШҲТ институтлари самарадорлигини ошириш ва уни Глобал Жануб давлатлари ҳисобига кенгайтириш;

– Ядро хавфсизлиги бўйича декларация қабул қилиш, Ички ишлар вазирлари кенгаши фаолиятини қайта тиклаш, 2030 йилгача гиёҳвандликка қарши кураш дастурини тайёрлаш, «ШҲТ–Афғонистон» мулоқот гуруҳи фаолиятини фаоллаштириш. ...

👉🏻 батафсил танишиш учун:

👉🏻@uz_sfa

Эдмунд Бёрк (1730 - 1797) - келиб чиқиши ирландиялик бўлган Британия парламентарийси, сиёсий арбоб, публицист ва консерватизм асосчиларидан бири ҳисобланади.

Ёмон қонунлар – зулмнинг энг ёвуз кўринишидир.

Эдмунд Бёрк

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Плохие законы — худший вид тирании.

Эдмунд Бёрк

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Bad laws are the worst sort of tyranny

Edmund Burke

👉🏻@uz_sfa

📘 Янги қўлланма: «Сиёсий фанлар ва касблар каталоги» нашр этилди!

Стратегик таҳлил ва истиқболни белгилаш Олий мактаби ўқитувчилари томонидан тайёрланган мазкур услубий қўлланма чоп этилди.

Унда 40 дан ортиқ сиёсий фанлар ҳамда 25 та сиёсий касбларнинг мазмун-моҳияти, жамиятдаги ўрни ва аҳамияти ёритилган.

Қўлланма талабалар, изланувчилар, профессор-ўқитувчилар ва сиёсатга қизиқувчи кенг жамоатчилик учун қимматли манба сифатида хизмат қилади.

👉🏻@uz_sfa

📘СИЁСИЙ ФАНЛАР КАТАЛОГИ
1. Сиёсатшунослик
2. Замонавий сиёсий назариялар
3. Қиёсий сиёсатшунослик
4. Сиёсатшуносликни ўқитиш методикаси
5. Сиёсий антропология
6. Сиёсий мафкуралар
7. Сиёсий психология
8. Сиёсий социология
9. Сиёсий таълимотлар тарихи
10. Сиёсий фалсафа
11. Хавфсизлик назарияси
12. Сиёсий технологиялар
13. Замонавий сайлов технологиялари
14. Сиёсий жараёнларни моделлаштириш
15. Сиёсий имижиология
16. Сиёсий коммуникация
17. Сиёсий конфликтология
18. Сиёсий краталогия
19. Сиёсий лингвистика
20. Сиёсий маданият
21. Сиёсий маркетинг
22. Сиёсий менежмент
23. Сиёсий парталогия
24. Сиёсий реклама
25. Сиёсий таҳлил ва прогнозлаштириш
26. Сиёсий хавфсизлик
27. Сиёсий экология
28. Сиёсий элитология
29. Сиёсий география
30. Сиёсий минтақашунослик
31. Сиёсий этика
32. Фуқаролик жамияти
33. Этнополитология
34. Геосиёсат
35. Жахон сиёсати
36. Халқаро муносабатлар назарияси
37. Замонавий халқаро муносабатлар
38. Замонавий халқаро ташкилотлар
39. Халқаро хавфсизлик
40. Ҳарбий сиёсатшунослик

Каналимизда ҳар бир сиёсий фан ва унинг асосий манбалари ҳақида қизиқарли маълумотлар бериб борамиз Улар билан албатта танишинг – Сиз учун янги билимлар эшигини очиши аниқ!

👉🏻@uz_sfa

📘СИЁСИЙ КАСБЛАР КАТАЛОГИ
1. Сиёсатшунос ўқитувчи
2. Сиёсатшунос-тарихчи
3. Сиёсий психолог
4. Сиёсий социолог
5. Сиёсатшунос тадқиқотчи
6. Сиёсий таҳлилчи
7. Сиёсий шарҳловчи
8. Сиёсий эксперт
9. Сиёсий стратег
10. Сиёсий маркетолог
11. Сиёсий менежер
12. Сиёсий технолог
13. Сиёсатшунос-имижмейкер
14. Сиёсий консультант
15. Дипломат
16. Давлат хизматчиси
17. Сиёсий спичрайтер
18. Нодавлат нотижорат ташкилотлар ходими
19. Халқаро нодавлат ташкилотлар ходими
20. Жамоатчилик билан алоқалар бўйича консультант
21. Журналист–сиёсатшунос
22. Депутат
23. Депутат ёрдамчиси
24. Сиёсий партиялар ходимлари ва экспертлари
25. Gr-мутахассис

Каналимизда ҳар бир сиёсий касб тўғрисида қизиқарли маълумотлар бериб борамиз Улар билан албатта танишинг – Сиз учун янги билимлар эшигини очиши аниқ!

👉🏻@uz_sfa

ҚУЙИДА КЕЛТИРИЛГАН ПОСТДАГИ ПАЛМЕРСТОННИНГ ФИКРИ ТАРИХДАН БУГУНГА ҚАЙТДИ

Буюк Британия Мудофаа вазири Жон Хилининг маълум қилишича, Британия 50 кун ичида Украинага 60 минг дона снаряд ва ракета, шунингдек, 2,5 минг дона учувчисиз учиш аппарати (БПЛА) етказиб берган.

👉🏻@uz_sfa