Манфаат илинжида ҳақиқатни яширмоқ бу риёдир, лекин хавфсизлик илинжида ҳақиқатни яширмоқ бу риё эмас.

БУЮК ДАВЛАТЧИЛИК ШОВИНИЗМИ (great-power chauvinism, великодержавный шовинизм) – ўзга миллатларни камситиш, таҳқирлаш, ўз миллатини бошқа миллатдан устун қўйиш, унинг ягоналиги ва фавқулоддалигини тарғиб қилиш, миллий ва ирқий адоват қўзғатиш, миллий такаббурлик ва худбинлик иллатларини ўзида мужассам этган миллатчиликнинг ўта тажовузкор шакли, мафкураси ва сиёсати; кўп миллатли давлатда тарихий тараққиёт жараёнида етакчи мавқени эгаллаган, ўз миллатини “олий” миллат деб эълон қилган ҳукмрон миллат мафкураси ва сиёсати. Собиқ Иттифоқда мазкур сиёсат турли мафкуравий усуллар билан, масалан, “байналмилаллик” шиори остида амалга оширилган. Буюк давлатчилик шовинизми таҳдид сифатида айрим давлатларнинг миллий хавфсизликка оид концепцияларида ўз аксини топган.

Болаларда Ватанига муҳаббат уйғотишнинг энг яхши воситаси оталарнинг Ватанни севишларидир.

Лучшее средство привить детям любовь к отечеству состоит в том, чтобы эта любовь была у отцов.

БУФЕР ДАВЛАТ (buffer state, буферное государство) – ўзаро зиддиятда ёки уруш ҳолатида бўлган икки йирик давлат ўртасидаги ҳудудий жиҳатдан кичик нейтрал давлат. Буфер давлат икки рақиб ўртасида қуролли конфликтни вужудга келишини олдини олиш ёки тўқнашув юз берганда зарбани юмшатишга хизмат қилувчи оралиқ бўғин ва/ёки ҳимоя тўсиғи вазифасини ўтайди. Ушбу иборанинг муомалага кириши “катта ўйин” ҳодисаси билан узвий боғлиқ бўлиб, илк бор 1883 йилда Оксфорд инглиз тили луғатида қайд қилинганлиги таъкидланади ва Афғонистон классик буфер давлатга мисол сифатида келтирилади. Форс кўрфазидан то Ҳимолайгача бўлган ҳудуд Россия билан Британия ўртасидаги геосиёсий кураш майдонига, Афғонистон эса ушбу қарама-қаршиликнинг марказига – буфер ҳудудга айланиб қолди.