Камбағаллик – мамлакатдаги тартибсизликлар илдизи.

Мо-Цзи

👉🏻Каналга уланиш @uz_sfa

КАМБАҒАЛ ОИЛАЛАР СОНИ ҚИСҚАРМОҚДА

17 сентябрь куни Наманган шаҳрида ўтказилган камбағалликни қисқартириш масалалари бўйича "Камбағалликдан фаровонлик сари" III халқаро форумда Президентимиз Шавкат Мирзиёев иштирок этди ва нутқ сўзлади.

Президентимиз қандай синов ва машаққатлар пайдо бўлмасин, демократик ислоҳотларни чуқурлаштириш, миллий бирлик ва ҳамжиҳатликни мустаҳкамлаш, халқимизни рози қилиш йўлидан асло ортга қайтилмаслигини таъкидлади.

Сўнгги йилларда Ўзбекистонда камбағал оилалар сони қисқариб, аҳолининг реал даромадлари сезиларли даражада ошди.

👉🏻Каналга уланиш @uz_sfa

📢 19 сентябр куни “Демократик жараёнларни таҳлил қилиш маркази” ташаббуси билан халқаро конференция бўлиб ўтди.

🌍 “Ўзбекистоннинг демократик ривожланишида фуқаролик жамиятининг ўрни: глобал чақириқлар ва истиқболлар” мавзусидаги ушбу нуфузли анжуманда 20 дан ортиқ хорижлик экспертлар, шунингдек, 200 дан зиёд юртимиз олимлари ва етакчи мутахассислари иштирок этди.

✨ Юқори даражада ташкил этилган конференция натижалари шуни кўрсатдики, Ўзбекистонда фуқаролик жамияти янги босқичга қадам қўйди.

Батафсил танишиш учун Демократик жараёнларни таҳлил қилиш марказининг расмий каналига уланинг @cadpuz

«Янги Ўзбекистон: Шавкат Мирзиёев йўли»

Яқинда Нью-Йорк шаҳрида жойлашган БМТ Бош қароргоҳида «Янги Ўзбекистон: Шавкат Мирзиёев йўли» китобининг тақдимоти бўлиб ўтди. Шавкат Мирзиёев Ўзбекистон Республикаси Президенти этиб сайлангандан буён иқтисодиёт, таълим, соғлиқни сақлаш, тадбиркорлик ва жамият ҳаётининг бошқа қатор соҳаларида инқилобий ислоҳотларни амалга оширди. Шунингдек, яқин қўшничилик муносабатлари тикланиб, минтақавий ҳамкорлик мустаҳкамланди.

Бугун бу жараёнлар нафақат халқимиз, балки жаҳон ҳамжамияти томонидан ҳам юксак эътироф этилмоқда.

👉🏻Каналга уланиш @uz_sfa

Ким ахборотга эга бўлса, дунёни бошқаради.

Натан Ротшильд

* * *

Кто владеет информацией – тот владеет миром.

Натан Ротшильд

👉🏻Каналга уланиш @uz_sfa

БУ МАШҲУР ИБОРАНИНГ ТАРИХИ

«Ким ахборотга эга бўлса – у дунёга эга бўлади» машҳур ибораси бугунги кунда сиёсатчилар, молиячилар, журналистлар ва илмий доиралар томонидан кенг қўлланилади. У замонавий ҳаётда ахборотнинг беқиёс аҳамиятини яна бир бор намоён этади.

XIX асрдаги машҳур молиявий магнат Натан Ротшильд номи билан боғлиқ ривоятга кўра, у Наполеоннинг Ватерлоо жангида мағлуб бўлгани ҳақидаги хабарни қолганлардан олдин билган. Шундан фойдаланиб, у аввало Лондон биржасига ўз акцияларини сотган, ортидан ҳамма сотишга тушган ва нархлар кескин пасайган. Шу пайтда Ротшильд агентлари арзон акцияларни оммавий сотиб олишган. Бир кундан кейин ғалаба ҳақидаги расмий хабар келганда эса нархлар яна кўтарилиб, Ротшильд катта бойликка эга бўлган.
Бу воқеа ҳақиқатдан тўлиқ исботланмаган бўлса-да, «Ким ахборотга эга бўлса – у дунёга эга бўлади» деган машҳур ибора тарихда Ротшильд номи билан боғланиб қолди.

📌 Ахборот – сиёсатда ҳам, иқтисодда ҳам, ҳаётнинг ҳар бир соҳасида энг кучли қуролдир.

📊 Тезкор ва тўғри маълумот – муваффақият калитидир.

👉🏻Каналга уланиш @uz_sfa

😄 Сиёсий латифалар

* * *
Талаба устозидан сўрайди:
– Демократия нима?
Устоз жавоб беради:
– Бу сен эркин фикр айтасан, сенинг фикрингни ҳеч ким эшитмайди, лекин ҳеч ким сени жазоламайди.

* * *

👉🏻@uz_sfa

БМТ ТИЗИМИГА КИРУВЧИ ЖАҲОН САВДО ТАШКИЛОТИ

Жаҳон савдо ташкилоти (ЖСТ) – аъзо-давлатлар ўртасида халқаро савдони либераллаштиш ҳамда савдо ва сиёсий муносабатларни тартибга солиш мақсадида 1995 йилда ташкил этилган халқаро иқтисодий ташкилот.

БМТ тизимига кирувчи мазкур ташкилот жаҳон савдоси қоидаларини ишлаб чиқиш йўли билан давлатлар савдо сиёсатига таъсир кўрсатиш, савдо муносабатларини эркинлаштирадиган ва қатъий тартиб-қоидага соладиган музокаралар учун йиғилишлар ўтказиш, давлатлараро савдода юзага келадиган низоларни ҳал қилиш ва бошқа вазифаларни бажаради.

ЖСТ фаолияти аъзо мамлакатларнинг ўзаро манфаатларини турли тадбирлар (асосан бож имтиёзлари, тўсиқлари ва бошқалар)ни қўллаш билан ҳимоя қилишга қаратилган. Аъзо мамлакатлар ЖСТ талабларини бажариш билан бирга ташкилотнинг бошқа аъзоларига савдода мумкин қадар қулайлик бериш режимини (биринчи навбатда бож тарифларини пасайтириш) қўллайди, ўз ички бозорини чет эл корпорациялари учун очиқ қилиш мажбуриятини олади.

👉🏻 батафсил танишиш учун

👉🏻Каналга уланиш – @uz_sfa

ЎЗБЕКИСТОН – БМТ АЛОҚАЛАРИ

Ўзбекистон 1992 йил 2 март куни БМТнинг тўла ҳуқуқли аъзосига айланди. 1993 йил 24 октябрда Тошкентда БМТ ваколатхонаси очилди. Ўзбекистон ва БМТ ўртасида ҳамкорликнинг устувор йўналишлари сифатида минтақавий хавфсизликни таъминлаш, таҳдидларга қарши курашиш, инсон ҳуқуқларини ҳимоя қилиш, камбағалликни қисқартириш ҳамда пандемиялар даврида ўзаро ҳамкорликни ривожлантириш, таълим, фан ва маданиятни ривожлантириш, экологик муаммоларни бартараф этиш, терроризм ва уюшган жиноятчиликка қарши кураш ва бошқаларни келтириш мумкин. Бугунги кунда БМТнинг 20 дан ортиқ дастурлари Ўзбекистонда фаолият олиб бормоқда.

👉🏻 батафсил танишиш учун

👉🏻@uz_sfa

Эстония Мудофаа вазирлиги 19 сентябрь куни Россияга тегишли 3 та МИГ-31 қирувчи самолёт мамлакат самовий ҳудудига рухсатсиз кириб, 12 дақиқа давомида парвоз қилганини маълум қилди. Шу куннинг ўзида Россия Мудофаа вазирлиги МИГлар Эстониянинг самовий ҳудудини бузмаганини, улар Карелиядан Калининградга режали парвозни амалга оширганини, парвоз халқаро нормалар мувофиқ Болтиқ денгизи устидаги нейтрал сувлар узра кечганини билдирди.

1944 йилги Халқаро фуқаро авиацияси тўғрисидаги Чикаго конвенциясига мувофиқ, самовий ҳудуд – мамлакат ҳудуди, шу жумладан қуруқлик, ҳудудий ва ички сувлари устидаги Ер атмосфераси қисми бўлиб, мамлакат унинг устидан тўлиқ суверенитетга эга.

БМТнинг 1982 йилги Денгиз ҳуқуқи бўйича конвенциясига кўра, ҳудудий сувлар – мамлакатга ёндош денгиз ҳудуди бўлиб, унинг кенглиги энг яқин соҳилдан 12 денгиз миля (22,2 км) масофагача бўлган ҳудудларни ўз ичига олади. Ушбу ҳудуд ҳам мамлакатнинг тўлиқ суверенитети остидадир.

12 денгиз милясидан сўнг 200 миля масофагача эксклюзив иқтисодий зона (ЭИЗ) деб аталади. Мамлакат унинг устидан суверенитетга эга эмас, аммо ушбу сувлардаги иқтисодий ресурслар фақатгина унга тегишли бўлади. 200 милядан сўнг халқаро сувлар (норасман – “нейтрал сувлар”) бошланади ва у ҳаммага тегишли.

Болтиқ денгизи нистабан тор бўлгани учун унда “нейтрал сувлар” деярли йўқ. Мамлакатларга тегишли ЭИЗлар ўзаро бир-бирига киришиб кетган. Шу сабабли, қирғойбўйи давлатлари ўзаро (асосан икки томонлама) келишув асосида ЭИЗларга нейтрал мақомини беришган.

Хулоса: қирувчилар ҳаракатининг ҳақиқий координаталарисиз ушбу масалага аниқ ҳуқуқий баҳо бериш мумкин эмас. Шундай бўлса-да, Эстония ҳудудига бундай яқин масофада ҳарбий парвоз амалга ошириш халқаро муносабатларда маъқулланмайдиган амалиёт.

БМТ ТИЗИМИГА КИРУВЧИ ЖАҲОН СОҒЛИҚНИ САҚЛАШ ТАШКИЛОТИ

Жаҳон соғлиқни сақлаш ташкилоти (ЖССТ) – ҳамма халқларнинг иложи борича соғ-саломат бўлишига эришиш учун ўта хавфли касалликларга қарши курашиш, халқаро санитария қоидаларини ишлаб чиқиш, ташқи муҳит санитария ҳолатини яхшилаш ва бошқа шу каби вазифаларни бажариш мақсадида тузилган халқаро ҳукуматлараро ташкилот.

Мазкур ташкилот турли касалликларга қарши кураш олиб боради, уларни тугатиш тадбирларини кўради, атроф-муҳит муҳофазаси, юқумли ва юқумсиз касалликларга қарши кураш учун халқаро стандартлар белгилаш, дори моддалар сифати ва қўшимча таъсири ҳамда наркотик моддалар устидан халқаро назорат ўрнатиш, тиббиёт фанининг энг муҳим масалалари (токсикология, фармакология, атроф-муҳит гигиенаси ва б.) бўйича ҳамда соғлиқни сақлаш соҳасидаги тадқиқотларни координациялаш ва уларни ўтказишга кўмаклашиш каби вазифаларни бажаради. Айниқса, глобал пандемия даврида ташкилотнинг аҳамияти ортиб, у кўплаб давлатларга вакциналар етказиб беришда катта ишлар амалга оширди.

ЖССТ 1946 йилда тузилган, 1948 йилдан БМТнинг ихтисослашган муассасаларидан бири сифатида иш олиб боради. Қароргоҳи Женева шаҳрида (Швейцария). Жаҳон соғлиқни сақлаш ташкилотининг Ўзбекистондаги ваколатхонаси 1995 йилдан фаолият олиб боради.

👉🏻Каналга уланиш – @uz_sfa

📢 ПРЕЗИДЕНТИМИЗНИНГ БМТ БОШ АССАМБЛЕЯСИДАГИ 5-ЧИҚИШИ

Бугун, 23 сентябрь куни, Тошкент вақти билан соат 22:00–00:00 орасида Президентимиз Шавкат Мирзиёев БМТнинг 80 йиллигига бағишланган тантанали йиғилишда нутқ сўзлайди. Бу давлат раҳбаримизнинг Бош Ассамблея минбаридан 5-марта чиқишидир. Унда жаҳон ҳамжамияти учун долзарб масалалар, глобал хавфсизлик ва тараққиёт йўналишларига оид муҳим ташаббуслар илгари сурилиши кутилмоқда. 🌍

🔹 Юртимиз нуфузи яна бир бор олам саҳнасида янграши арафасида турибмиз.

👉🏻Каналга уланиш @uz_sfa

ҚАТАРГА ҲУЖУМНИНГ ОҒИР БАДАЛИ ЁҲУД ИСРОИЛНИНГ ДАХШАТЛИ ТУШИ

17 сентябрь куни Покистон ва Саудия Арабистони ўртасида тарихий битим - ўзаро мудофаа тўғрисидаги пактни имзолади. Натижада НАТОга ўхшаш яна бир бирлик юзага келди, Саудия Покистоннинг ядровий ҳимоясига эга бўлди.

Тарихий ремарка: 1971 йилда Хиндистон билан урушда енгилгач, Покистон ядро қуролига эга бўлишга қатъий қарор қилди ва 1998 йилда илк атом бомбасини синовдан ўтказди. Бу вақт давомида Ғарб мамлакатлари иқтисодий санкциялар орқали ядровий дастурни тўхтатишга уринишди, бироқ Исломобод Саудия Арабистонининг молиявий ёрдами билан дастурни давом эттира олди. Шу сабабли, покистонликлар бомба тайёр бўлгач, уни норасман "Ислом дунёси бомбаси" деб аташган.

Нега пакт энди имзоланди?

Шиа-сунний қарама-қаршилиги сабабли Саудия Арабистони ўзи учун фақат Эронни рақиб кўрарди. Покистон ва Эрон ўртасида эса муносабатлар ёмон эмас эди. Яъни, манфаатлар кесишмаган. Ҳозир эса Эронда ядровий дастур даргумон, мамлакат кучсизланган, Саудия билан ўзаро алоқалар эса дўстона тус ола бошлаган. Аммо ўртага Эрондан-да “хавфлироқ” янги куч чиқди - Исроил. Қатарга ҳужум Яқин Шарқдаги хавфсизлик архитектурасини бутунлай ўзгартириб юборди.

Энди нима бўлади?

Покистон ва Саудия Арабистони ўртасидаги ўзаро мудофаа пакти сиёсий прецедентга айланиш эҳтимоли катта. Минтақа нотинч бўлгани сайин ундаги араб мамлакатлари бирин-кетин Покистон "ядровий соябони" остига киришга интилишлари табиий.

Фаластиннинг Буюк Британия, Австралия ва Канада томонидан тан олиниши, юқоридаги пакт фонида Исроил учун ўтган ҳафтани чин маънода дахшатли тушга айлантирди.

👉🏻Каналга уланиш – @uz_sfa

БИЛИБ ОЛАМИЗ!

Сиёсий прецедент – муайян сиёсий вазиятда қабул қилинган қарор ёки амалий ҳаракатнинг кейинги шунга ўхшаш ҳолатларда намуна сифатида хизмат қилиши. Масалан, 1999 йилда НАТОнинг Югославияда амалга оширган ҳарбий операцияси БМТ Хавфсизлик кенгашининг рухсатисиз амалга оширилган, Косово мустақил давлатга айланган. Россия эса 2014 йилги Қрим воқеаларини изоҳлашда айнан шу “Косово прецеденти”га ҳавола қилади.

👉🏻Каналга уланиш – @uz_sfa

ЮНЕСКО

ЮНЕСКО – (инг. UNESCO — United Nations Educational, Scientific and Cultural Organization) Бирлашган Миллатлар Ташкилотининг маориф, фан ва маданият масалалари бўйича ихтисослашган муассасаларидан бири ҳисобланади. Ташкилот давлатлар ўртасида маориф, фан, маданият ва коммуникациялар соҳасида ҳамкорликни ривожлантириш йўли билан тинчликка ва халқаро хавфсизликка кўмаклашиш мақсадида 1946 йилда тузилган.

Мазкур халқаро ҳукуматлараро ташкилотга Ўзбекистон Республикаси 1993 йил 26 октябрда аъзо бўлган ва унинг доирасида кўплаб тадбирларни амалга оширган.

👉🏻 батафсил танишиш учун

👉🏻Каналга уланиш – @uz_sfa