Ватанпарвар газетасининг янги сонида Амир Темурнинг жаҳон ҳарбий санъатига қўшган ҳиссаси ва бошқа кўплаб қизиқарли материаллар билан танишинг!

🔗Ўқишингиз учун: https://online.anyflip.com/kxahh/lbku/mobile/index.html

✅Kanalga ulanish: 👉🏻@uz_sfa

Нефть экспорт қилувчи мамлакатлар ташкилоти –ОПЕК

ОПЕК (инг. OPEC – The Organization of the Petroleum Exporting Countries - Нефть экспорт қилувчи мамлакатлар ташкилоти) – нефть қазиб олишни ва аъзо мамлакатларнинг нефть экспорти сиёсатини мувофиқлаштирувчи ҳамда аъзо мамлакатлар манфаатларини ҳимоя қиладиган халқаро товар ташкилоти.

Ташкилот расман 1960 йилда Венесуэла ташаббуси билан Бағдод конференциясида ташкил этилган. Низоми 1961 йилда Каракасда (Венесуэла) қабул қилинган ва кейинчалик кўпгина ўзгартиришлар киритилган. Эрон, Ироқ, Қувайт ва Ливия муассис давлатлар ҳисобланади. Жазоир, Венесуэла, Габон, Индонезия, Ироқ, Эрон, Ливия, Қатар, Кувайт, Нигерия, БАА, Саудия Арабистони ва Эквадор аъзо мамлакатлар ҳисобланади.

ХХ асрнинг 80-йиллари иккинчи ярмида бу ташкилотга кирмайдиган мамлакатлар ва Саудия Арабистонидан нефть таклифининг ўсиши натижасида ОПЕКнинг таъсири кескин пасайди. Ҳозирги халқаро иқтисодий муносабатларда таъсир доираси ҳамон кучли. Ташкилотнинг олий органи йилига
2 марта чақириладиган конференция бўлиб, унда иштирокчи мамлакатларнинг ишлаб чиқариш стратегияси ва нархлар кўриб чиқилади ва тасдиқланади. Идораси Венада (Австрия) жойлашган.

✅Kanalga ulanish: 👉🏻@uz_sfa

Сизга керак бўлган куч томирларингизда оқаётган азиз қонингизда мужассамдир.

Мустафо Камол Отатурк


✅Kanalga ulanish: 👉🏻@uz_sfa

... бунга ман ишонаман.

Президентимиз Шавкат Мирзиёев шахматчимиз Жавоҳир Синдоров билан телефон орқали мулоқот қилиб, Халқаро шахмат федерациясининг Номзодлар турнирида қозонган тарихий ғалабаси билан табриклади.

✅Kanalga ulanish: 👉🏻@uz_sfa

Президент Шавкат Мирзиёев халқ артисти Фаррух Зокировни "Буюк хизматлари учун" ордени билан тақдирлади.
—
Президент Шавкат Мирзиёев наградил народного артиста Фарруха Закирова орденом «Буюк хизматлари учун».

✅Kanalga ulanish: 👉🏻@uz_sfa

“КАТТА МАРКАЗИЙ ОСИЁ”

“КАТТА МАРКАЗИЙ ОСИЁ” (Greater Central Asia, Большая Центральная Азия) – таниқли америкалик олим, Жонс Хопкинс университети ҳузуридаги Марказий Осиё ва Кавказ институти директори Фредерик Старр томонидан ишлаб чиқилган ва илгари сурилган геосиёсий концепция. Унинг доирасида Афғонистон Марказий Осиё минтақасининг ажралмас таркибий қисми сифатида кўрилади. АҚШнинг “Катта Марказий Осиё”даги стратегик мақсадлари давлат институтлари ва минтақавий иқтисодиётни мустаҳкамлаш, демократик сиёсий тизимларни рағбатлантириш, минтақа транспорт инфратузилмасини ҳамда континентал савдони ривожлантириш тарзида белгиланади. Катта Марказий Осиёнинг ҳамкорлиги ва ривожланиши бўйича шерикчилик минтақавий форумини тузиш ушбу мақсадларга эришишнинг муҳим воситаси сифатида қаралади. Россия ва Хитой форум доирасида кузатувчи, Ҳиндистон ва Туркия каби давлатлар унинг “табиий иштирокчилари” сифатида кўрилади. Айрим мутахассислар мазкур концепциянинг асл мақсадини АҚШнинг РФ ва ХХР каби геосиёсий рақибларини Марказий Осиё минтақасига нисбатан таъсир доираси ва монополиясини камайтиришда деб билдилар.

Миллий ва халқаро хавфсизлик. Луғат-маълумотнома / И.И. Бобоқулов. Қайта ишланган ва тўлдирилган иккинчи нашри. – Тошкент: Олий мактаб, 2025 – 173 б.

✅Kanalga ulanish: 👉🏻@uz_sfa

Қўшилмаслик ҳаракати хақида эшитгансиз-ми?👨🏻‍🎓

Қўшилмаслик ҳаракати – ҳарбий-сиёсий блоклар ва гуруҳларда қатнашмасликни ўз ташқи сиёсатининг асосий йўли деб эълон қилган мамлакатларни бирлаштирувчи ҳаракат.

Қўшилмаслик ҳаракати “совуқ уруш” йилларида АҚШ ёки ССРИ таъсирига қарши туриш мақсадида, 1961 йил сентябрда Белграддаги конференцияда тузилган. Унинг таркибига НАТОга ёки Варшава келишувига аъзо бўлишни истамаган Югославия, Ҳиндистон ва Миср каби йирик давлатлар кирган. Ҳозирда Қўшилмаслик ҳаракати ҳарбий блокларга киришни истамаган 120 га яқин давлатни ўзида бирлаштириб, 17 давлат ва 10 та халқаро ташкилот кузатувчи мақомига эга ҳисобланади.

Қўшилмаслик ҳаракатида қатнашувчи давлатлар 1961 йилда “Қўшилмасликнинг беш тамойили”ни эълон қилганлар. Улар:
• турли тузумдаги давлатлар билан тинч-тотув яшаш, қўшилмаслик;
• халқларнинг мустамлакачиларга қарши қаратилган миллий озодлик ҳаракатини қўллаб-қувватлаш;
• буюк давлатлар ўртасидаги низоларга тааллуқли ҳарбий иттифоқларда қатнашмаслик;
• ҳарбий келишувларда қатнашмаслик;
• ўз ҳудудида хорижий ҳарбий базаларни жойлаштирмаслик.

Қўшилмаслик ҳаракатининг 60 йиллик юбилей саммити 2020 йил 11-12 октябрь кунлари Сербиянинг Белград шаҳрида бўлиб ўтди. Унда ташқи ишлар вазирининг биринчи ўринбосари бошчилигидаги Ўзбекистон делегацияси қатнашди. Мазкур саммитда Ҳаракатнинг замонавий дунёда давом этаётган аҳамияти, унинг тинчлик ва хавфсизлик, барқарор ривожланиш ҳамда инсон ҳуқуқларини ҳимоя қилишдаги ролининг ортиши муҳокама қилинди.

✅Kanalga ulanish: 👉🏻@uz_sfa

АМИР ТЕМУР – ЎЗБЕК ТИЛИ ШАКЛЛАНИШИГА ЗАМИН ЯРАТГАН

Кўпинча она тилимиз ривожини фақат Алише Навоий номи билан боғлаймиз. Албатта, бу тўғри. Аммо бу жараён анча олдин – Амир Темур даврида бошланганини унутмаслигимиз керак.

Санкт-Петербургдаги Эрмитаж музейида Амир Темур даврига оид оғирлиги 11,2 тонна бўлган машҳур битиктош сақланади. У 1937 йилда Марказий Қозоғистоннинг Улуғтоғ ҳудудидан топилган.

Бу ёдгорликда Соҳибқироннинг Дашти Қипчоққа юриши ҳақида қуйидаги ёзув битилган:

“Тарих етти юз тўқсон учта, қўй йили ёзнинг ора ойи Туроннинг султони Темурбек икки юз минг черик била ислом учун Тўхтамишхонни(нг) хониға йуриди. Бу ерга етиб, белгу бўлсун теб бу йўбани қўпарди. Тангри нусрат бергай, Иншаоллоҳ. Тангри эл кишига раҳмат қилгай, Бизни дуо била ёд қилғай”

Ушбу сатрлардан бир неча муҳим хулосалар келиб чиқади. Биринчидан, Амир Темур ўзини “Турон султони” сифатида англаган ва таъкидлаган. Иккинчидан, юришни ислом манфаатлари йўлида олиб борганини таъкидлаган. Учинчидан, давлат бошқарувида адолат ва халқ дуосини асосий мезон деб билган.

Бу ҳолат ўша даврда араб тилининг диний ва маънавий мақоми юксак бўлганини, туркий тил эса давлатчилик ва ҳарбий муҳитнинг асосий мулоқот воситаси сифатида қўлланганини кўрсатади.

Бу матн мумтоз ўзбек тилида ёзилган муҳим манба ҳисобланади. Шунингдек, Амир Темур даврига оид туркий тилда ёзилган 10 дан ортиқ ҳужжатлар, ёрлиқлар ва бошқа давлатларга юборилган мактублар ҳам мавжуд.

Амир Темур ўзбек тилига “сиёсий Ватан” берган бўлса,
Алишер Навоий унга “маданий Ватан” бахш этди.

✅Kanalga ulanish: 👉🏻@uz_sfa