សម្តេចធិបតី ហ៊ុន ម៉ាណែត ៖ រាជរដ្ឋាភិបាលបានដាក់ចេញគោលនយោបាយ ២ សំខាន់ លើវិស័យកសិកម្ម រួមមាន៖ (១).យន្តការសម្របសម្រួលនិងកម្មវិធី ហិរញ្ញ ប្បទាន សំដៅលើកស្ទួយផលិតកម្ម រកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និង(២).ការដាក់ពង្រាយមន្ត្រីកសិកម្មទៅគ្រប់ឃុំ សង្កាត់ ដែលមានសកម្មភាពនៅទូទាំងប្រទេស ការរៀបចំសហគមន៍កសិកម្មនៅតាមទីជនបទ ដើម្បីបង្កើនល្បឿនអភិវឌ្ឍន៍វិស័យកសិកម្មឱ្យក្លាយជាកម្លាំងចលករដ៏រឹងមាំនៅក្នុងការធានាសន្តិសុខស្បៀង ចូលរួមទ្រទ្រង់កំណើនសេដ្ឋកិច្ច និងលើកកម្ពស់ជីវភាពរបស់ប្រជាពលរដ្ឋ។

គោលនយោបាយវិស័យកសិកម្ម បានផ្តល់ផលប្រយោជន៍ដល់ប្រជាជនកម្ពុជាគ្រប់រូប តាមរយៈការអនុវត្តគោលនយោបាយសាមញ្ញ ៤ ចំណុច គឺ "មានហូប មានប្រើ មានបាន និងមានរហូត"។

សមាជរដ្ឋសភា ព្រឹទ្ធសភា | ៣ មិថុនា ២០២៥

Join-> Gazette ប្រជាជន

រាជរដ្ឋាភិបាលកម្ពុជា ដើម្បីធានាបាននូវដំណោះស្រាយមួយដោយយុត្តិធម៌ មិនលម្អៀង និងសន្តិភាពយូរអង្វែង នៅថ្ងៃទី២ មិថុនា ២០២៥ កម្ពុជា បានសម្រេចបញ្ជូនវិវាទនៅតំបន់ដែលមានភាពរសើបចំនួន ៤ គឺ តំបន់មុំបី ប្រាសាទតាមាន់ធំ តាមាន់តូច និងតាក្របី ប្តឹងទៅតុលាការយុត្តិធម៌អន្តរជាតិ(ICJ) នៅទីក្រុងឡាអេ ប្រទេសហូឡង់ ក្នុងសមាជរដ្ឋសភា ព្រឹទ្ធសភា លើកទី១ នៃព្រះរាជាណាចក្រកម្ពុជា។

តាមរយៈសេចក្តីថ្លែងការណ៍ថ្ងៃទី៤ មិថុនា ២០២៥នេះ រាជរដ្ឋាភិបាលកម្ពុជា នឹងបន្តចូលរួមរកដំណោះស្រាយតាមរយៈក្របខ័ណ្ឌទ្វេភាគី ដែលមានស្រាប់ ហើយនឹងធ្វើជាម្ចាស់ផ្ទះនៃកិច្ចប្រជុំនៃគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) ប៉ុន្តែករណីតំបន់ទាំងបួនខាងលើនឹងមិនត្រូវបានដាក់បញ្ចូលក្នុងរបៀបវារៈនៃកិច្ចប្រជុំឡើយ នៅថ្ងៃទី១៤ មិថុនា ២០២៥ ខាងមុខ នៅរាជធានីភ្នំពេញ។ រាជរដ្ឋាភិបាលកម្ពុជា សូមអំពាវនាវដល់ប្រជាពលរដ្ឋទាំងអស់ ពិនិត្យដំណើរការនៃការស្វែងរកដំណោះស្រាយបញ្ហានេះ ដោយរក្សាភាពស្ងប់ស្ងាត់ អត់ធ្មត់ និងសូមកុំធ្វើឱ្យបញ្ហានេះ ក្លាយជាបញ្ហានៃអារម្មណ៍ជាតិសាសន៍ ឬជាតិនិយមជ្រុល។

Join-> Gazette ប្រជាជន