រាជធានីភ្នំពេញ នាឱកាសពិធីបុណ្យចូលឆ្នាំប្រពៃណីជាតិខ្មែរ ទទួលបានភ្ញៀវទេសចរជាតិ និងអន្តរជាតិ មកកម្សាន្ត ប្រមាណជាង ៤លាន ៣សែននាក់

តាមរយៈរបាយការណ៍រដ្ឋបាលរាជធានីភ្នំពេញ រយៈពេល ៣ថ្ងៃ នៃព្រឹតិ្តការណ៍ "នគរសង្ក្រាន្ត" នៅរាជធានីភ្នំពេញ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៤-១៦ ខែមេសា ឆ្នាំ២០២៦ បានប្រជាពលរដ្ឋ និងភ្ញៀវទេសចរសរុប ៤.៣៧៦.៤៣៧ នាក់ ក្នុងនោះភ្ញៀវទេសចរជាតិ ៤.៣៥១.៤២៩ និងទេសចរបរទេស ២៥.០០៨ នាក់ បានមកកម្សាន្តសប្បាយនៅតាមទីតាំងរៀបចំទាំង ៦ ទីតាំង ទីវត្តអារាម បណ្តាខណ្ឌទាំង១៤ និងតំបន់រមណីយដ្ឋាននានា។

Join-> Gazette ប្រជាជន

ខេត្តកែប នាឱកាសពិធីបុណ្យចូលឆ្នាំប្រពៃណីជាតិខ្មែរ ទទួលបានភ្ញៀវទេសចរជាតិ និងអន្តរជាតិទៅកម្សាន្តប្រមាណជាង ១១ម៉ឺននាក់

តាមរយៈរបាយការណ៍រដ្ឋបាលខេត្តកែប រយៈពេល ៣ថ្ងៃ នៃពិធីបុណ្យចូលឆ្នាំថ្មីប្រពៃណីខ្មែរ ខេត្តកែប មានភ្ញៀវទេសចរជាតិ និងអន្តរជាតិ ទៅធ្វើដំណើរកម្សាន្តសរុប ១១០.១៨៦នាក់ ក្នុងនោះភ្ញៀវទេសចរជាតិ ១០៩.៧៣៩នាក់ និងទេសចរបរទេស ៤៤៧នាក់ បានមកកម្សាន្តសប្បាយនៅតាមរមណីយដ្ឋាន តំបន់ឆ្នេរ កោះ អេកូទេសចរណ៍ និងសហគមន៍នានា។

Join-> Gazette ប្រជាជន

ថ្នាក់ដឹកនាំ សមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញ សូមព្រះបរមរាជានុញ្ញាតសម្តែងនូវសេចក្តីរំភើបរីករាយជាពន់ពេក ក្រោយពីបានទទួលដំណឹងថា ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទើបបានទទួលការវះកាត់យ៉ាងជោគជ័យដោយក្រុមគ្រូពេទ្យជំនាញនៃមន្ទីរពេទ្យនារដ្ឋធានីប៉េកាំង នៃសាធារណរដ្ឋប្រជាមានិតចិន និងកំពុងបន្តស្ថិតនៅក្រោមការពិនិត្យ និងព្យាបាលយ៉ាងយកចិត្តទុកដាក់ និងម៉ត់ចត់ជាទីបំផុត ពីសំណាក់ក្រុមវេជ្ជបណ្ឌិតល្បីៗនិងជំនាញៗប្រចាំនៅមន្ទីរពេទ្យ។

ទូលព្រះបង្គំជាខ្ញុំទាំងអស់គ្នា សូមលើកករប្រណម្យបួងសួងដល់គុណបុណ្យ ព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា ទេវតាថែរក្សាព្រះមហាស្វេតច្ឆត្រ ទេវតាឆ្នាំថ្មីព្រះនាម រាក្យសាទេវី ព្រមទាំងព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ព្រះបារមីនៃព្រះវិញ្ញាណក្ខន្ធ ព្រះករុណាព្រះបាទសម្តេចព្រះនរោត្តម សីហនុ ព្រះមហាវីរក្សត្រ “ព្រះបរមរតនកោដ្ឋ” សូមព្រះអង្គមេត្តាប្រោះព្រំប្រោសប្រទានព្រះរាជសព្ទសាធុការពរ និងអភិបាលថែរក្សា ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា បានឆាប់ជាសះស្បើយពីព្រះរោគ និងសូមមានព្រះជន្មាយុយឺនយូរជាងរយព្រះវស្សា ព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លាវាងវៃ ដើម្បីបានគង់ប្រថាប់យូរអង្វែងនៅក្នុងព្រះបរមសិរីរាជសម្បត្តិជាម្លប់ដ៏ក្សេមក្សាន្ត ត្រជាក់ត្រជំ សុខដុមរមនារបស់ប្រជានុរាស្ត្រខ្មែរគ្រប់រូបជានិច្ចនិរន្តរ៍តរៀងទៅ។