គិតត្រឹមឆ្នាំ២០២៤ វិស័យកសិកម្ម បន្តចូលរួមចំណែក ១៦,៧% ក្នុងផលិតផលសរុបក្នុងស្រុក ស្មើនឹង ៧,៨២ពាន់លានដុល្លារអាម៉េរិកនៅឆ្នាំ២០២៤។ ការចូលរួមចំណែករបស់អនុវិស័យនានា ក្នុងវិស័យកសិកម្ម រួមមានផ្នែកដំណាំ ៦១,៣% ផ្នែកផលិតកម្មសត្វ ១៥,៤% ផ្នែកជលផល ២០% និងផ្នែកព្រៃឈើ ៣,៣%។

កម្ពុជា មានផ្ទៃដីកសិកម្មចំនួន ១៧លានហិកតា ដោយបែងចែករួមមាន៖ ដីដាំដុះដំណាំ ដីព្រៃ ដីចិញ្ចឹមសត្វ ព្រមទាំងដែនទឹកជាតំបន់គ្រប់គ្រងជលផលទឹកសាប និងសមុទ្រ។

សមាជរដ្ឋសភា ព្រឹទ្ធសភា | ៣ មិថុនា ២០២៥

Join-> Gazette ប្រជាជន

សម្តេចធិបតី ហ៊ុន ម៉ាណែត ៖ រាជរដ្ឋាភិបាលបានដាក់ចេញគោលនយោបាយ ២ សំខាន់ លើវិស័យកសិកម្ម រួមមាន៖ (១).យន្តការសម្របសម្រួលនិងកម្មវិធី ហិរញ្ញ ប្បទាន សំដៅលើកស្ទួយផលិតកម្ម រកទីផ្សារ និងរក្សាលំនឹងថ្លៃកសិផលសំខាន់ៗក្នុងកម្រិតសមរម្យ និង(២).ការដាក់ពង្រាយមន្ត្រីកសិកម្មទៅគ្រប់ឃុំ សង្កាត់ ដែលមានសកម្មភាពនៅទូទាំងប្រទេស ការរៀបចំសហគមន៍កសិកម្មនៅតាមទីជនបទ ដើម្បីបង្កើនល្បឿនអភិវឌ្ឍន៍វិស័យកសិកម្មឱ្យក្លាយជាកម្លាំងចលករដ៏រឹងមាំនៅក្នុងការធានាសន្តិសុខស្បៀង ចូលរួមទ្រទ្រង់កំណើនសេដ្ឋកិច្ច និងលើកកម្ពស់ជីវភាពរបស់ប្រជាពលរដ្ឋ។

គោលនយោបាយវិស័យកសិកម្ម បានផ្តល់ផលប្រយោជន៍ដល់ប្រជាជនកម្ពុជាគ្រប់រូប តាមរយៈការអនុវត្តគោលនយោបាយសាមញ្ញ ៤ ចំណុច គឺ "មានហូប មានប្រើ មានបាន និងមានរហូត"។

សមាជរដ្ឋសភា ព្រឹទ្ធសភា | ៣ មិថុនា ២០២៥

Join-> Gazette ប្រជាជន