تعبَان اعلى روحِي وروحي تعبانه
ودورله الربح بس دووم خسرَانه .

‏باچر
من ترد
و تخونك احلامك
ترد تفرش ندم
و افرشلك سهامك
واتعبك و بالعتب
گد ما بروحي عتاب
گد ما خيبتني لخاطر امالك
و المك لمة ام ردها لابنها العاق
يا دولاب گلبي المادري شمالك.

- عَلي رشم .

رِجف گلبي ونويت ارجع
لچن فنّي
وگلتله اثگل
ولك زحمه
اليبيع تردله متعني
البچيت وياه
هذااك لحزنك يغني
وإذا حَسبالك يذكرك
‏متوهم
‏تره بفرگاك متهني..

لهَسة صُواب زعلك حَـار بينه
وطبيب الطيب السل حَـار بينه
عِفتنا وأحنا لأجلك ؟ حَـاربينه
- أهلنه ولا كِلت فشلهَ وخطيه ؟
وبچتف مخلوع وانتَ طارحتنه
امس وايدك بسديهَ طارحتني
ياريت أُمي بشهرها طارحتني
ولا اعيش واشوفك خِنت بيه
وصدَى صوتك يدك بالرأس ..

تذب نفطك عليه
وانه بيه النار؟
وتدفى على ناري وماتطفيني
صرت محبس بأيديك
وكمت بيه تسوم
ساعة تبيع بيه
وساعة تشريني