​​Масжидда ёқимсиз ҳид билан намозхонларга озор бермайлик

Масжидга хом пиёз ёки саримсоқпиёз еб кириш мумкин эмас, деган ҳадис бор. Бу одамларга ёқимсиз ҳид билан озор бермаслик, ибодатига зиён етказмаслик учун айтилган.

Шу юқоридаги ҳадисдан мен хулоса қилиб ҳид чиқарган оёқлар ва пайпоқ билан масжидга кириш мумкин эмас деб ўйлайман. Оёғим сал ҳидланганини сезсам масжидга кирмайман. Инчунин, бу саримсоқпиёздан ҳам ёқимсиз ва масжид гиламида ҳам ёқимсиз ҳид ўтириб қолишига сабаб бўлади.

Фаросот бўлмаса айримлар ошхонада пиёз ейишдан сақланиб, ҳиди чиққан пайпоғида масжидга кириб кетаверишади.

Ҳозир оёғим деярли умуман ҳидланмайди, авваллари ҳар куни совунда ювсам ҳам ҳидланар эди. Қизиғи, ҳозир умуман совун ишлатмайман шунчаки ҳар кунги таҳоратнинг ўзи етарли бўлмоқда.

Айримлар бўкиб овқатланганидан, ҳар хил таомларни аралаштириб еб қўйгандан ёки ошқозон ҳазм қилишдаги муаммолардан ёнингизда кекириб туради, яъни оғзидан ошқозонида ачиган овқатнинг ҳиди келади, буям юқоридаги ҳадисдан хулоса қилсак, сафдаги намозхонларга озор бериш ҳисобланади.

Қорин дамласа, ҳазм яхши бўлмаса, тартиб билан овқатланинг, овқат пайти ҳар хил ширинликларни аралаштириб истеъмол қилманг, суюқлик ҳам ичманг ва албатта меъёрида таомланинг, ёнингиздаги одамга озор бериш билан биргаликда ўзингизнинг ички аъзоларингизни ҳам қийнаб қўясиз.

Аллоҳнинг уйига чиройли, хушбўй, жисмонан гўзал ҳолатда кириш кераклигини ҳаммамиз билиб олсак яхши бўлар эди.

Мен бу борада етарлича илмга эга эмасман, янаям Аллоҳ билгувчидир. Шунчаки хабар тарқалиб, кимларгадир фойдаси тегар деган мақсадда ёздим. Пешин намозида бадбўй ҳидни туйган чоғимда шу мавзуни ёритаман, деб кўнгилга тугиб қўйган эдим.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Нозик қалб соҳиблардан хабар олайлик!

Ногиронлиги бўлган кишиларга чиройли табассум, улар билан қучоқлаб кўришиш, ширинлик олиб бериш, овқат билан қорнини тўйғизиш, узоғини яқин қилиш, кийим-кечак билан таъминлаш каби яхшиликларни қилиб туришимиз керак экан.

Биласизми, уларга қиладиган эътибордан одам бошқача ҳузур олади, инсонни кўнгли таскин топади. Кўнгилнинг таскин топиши — бу қилган яхшилигингизнинг қабул бўлгани, савоб олганингизнинг белгиси, қайсидир маънода.

Ногиронлиги бўлган инсонларга қараб биз шукр қилишимиз керак, уларга қараб бизга берилган имкониятдан тўғри фойдаланишни билишимиз керак, оёқ-қўлларимиз, кўз-қулоқ, тилимизнинг қадрига етиб, бу аъзоларимизни фақат яхшилик йўлида ишлатишимиз керак. Улардан ибрат олишимиз керак.

Ногиронлиги бўлган одамлар бизнинг омадимиз, улар бизнинг бойлигимиз, улар бизнинг хотиржамлигимиз, улар бизнинг (тиллари бўлмаса-да) дуогўйларимиз, улар бизни доим йўлимизни очиқ бўлишига сабабчи бўлиши мумкин, қачонки Аллоҳ розилиги учун уларни хурсанд қилсаккина бу ҳолат юз беради.

Аксинча, уларни камситган, урушган, оч қолдирган, менсимаган, дастурхонига яқинлаштирмаган, улардан ҳазар қилганлар бахтсиз бўлади. Бундай одамларни бошига катта кулфатлар тушганини бир неча бор кўрганман.

Ногиронлиги бўлган инсонларни ҳимоя қилиш кунида шунчаки улар ҳақида ёзиб эслаш эмас, улардан хабар олиш, болаларимиз билан бирга бориб кўришимиз керак. Шунда болаларимиз ҳам шукр қилишни, қаерда қандай яшаб турганини ҳис қилади, улар билан ўзларини солиштириб хулоса чиқариб олишади. Ногирон бўлмаганига шукр қилиб, ота-онасининг гапидан чиқмасдан ўзидаги имкониятдан тўлиқ фойдаланишади.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Бир кунлик овқатланиш тартиби.

Нонуштага тайёргарлик, нонушта, тушлик, сувни қандай ичиш? Кечки овқат, қандай овқатларни ейиш керак? Нималар фойдали? Нималар зарарли? Овқатни чайнаб ейиш, ухлашга тайёргарлик.

🍏 Жудаям фойдали аудиоблог, эринмасдан эшитинг, гуруҳларга тарқатинг. 🍏

✅ Оздиради
✅ Соғайтиради
✅ Тектиклаштиради
✅ Ёшартиради

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Нима учун ҳозир кўпчиликнинг тишлари носоғлом?

Ривожланиш нафақат одамнинг ўзини ҳаракатсиз ҳаёт кечиришга кўниктирди, ҳаттоки тишларимиз ҳам ҳаракатсиз «яшаш»га мослашиб олди.

Вақтида аждодларимиз қаттиқ нонни тишлаб, куч билан чайнаб, парчалаб, кейин истеъмол қилишган. Шу каби бошқа истеъмол маҳсулотлари ҳам қаттиқ бўлган.

Бу тишларни машқ қилдиради. Чунки тишларимиз тишлаш, эзиш, чайнаш учун яратилган. Биз доим юмшоқ нарсаларни ярим чайнаб еб юраверсак, пиёда юрмаган одамнинг оёғи юролмайдиган бўлиб қолганидек, тишларимиз ҳам носоғломлашиб, мўртлашиб, тишлашга ярамай қолади.

Тишлар ёрдамида қаттиқ нарсаларни тишлаш ва ғажиш орқали уларнинг сирти ҳам яхшилаб тозаланган. Бу «тозалаш» доимий равишда бўлиб тургани сабабли аввалги одамлар стоматолог ҳузурига жуда кам боришган.

Энди, аввало қаттиқроқ нарсаларни тишлаб, парчалаб, чайнаб ейишга ҳаракат қилиш керак. Ҳеч бўлмаса шундан қочмаслик керак.

Тишларни қўл ёки мисвок билан уқалаб туриш, ҳаттоки сақич чайнаш ҳам, тиш учун «тренажёр» вазифасини бажариб, унинг милкларини чиниқтириб, мустаҳкам қилади.

Албатта, яна турли хил кимёвий озиқ-овқатларни истеъмол қилиш оқибатида калций етишмаслиги вужудга келади. Балким тишлар қаттиқ нарсани тишлайверганидан организм шундан «сигнал» олиб кўпроқ калций ишлаб чиқарар.

Тишдаги касалликлар наслидан, деган гап ҳам бор, тўғри, лекин одамнинг ўзи наслини бузади ёки тузатади. (Бу борада кейинчалик батафсил тўхталиб ўтаман)

Яна бир нарса: ёғоч тишкавлагичлар билан тишни кавлаган сари у кавак катталашиб бораверар экан. Шу тариқа доим тишкавлагичга эҳтиёж сезила бошлайди.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Таъм сезиш орқали алданиб, танангизни заҳарланишдан сақланг!

Ҳозир барча ширинликлар ва колбаса маҳсулотларига инсоннинг тилидаги таъм сезиш рецепторлари орқали миясига таъсир ўтказадиган махсус таъм берувчи қўшимчалар қўшилади. Бу қўшимчалар инсон организмига зарар эканлиги билан биргаликда одамларни шу таъмга бўлган сезги туйғусини ривожлантириб, бошқа табиий таъмларга бўлган сезгисини пасайтириб ҳам қўяди.

Ҳам заҳарлаш, ҳам маркетинг. Маркетинг шундан иборатки, сиз яна ва яна шу маҳсулотдан ейишни хоҳлайсиз, гарчи у сизнинг танангизга заррача фойда бермасдан, қайтага зиён қилса ҳам, тилингиз орқали алданиб, еяверасиз.

Бунга мисоллар жуда кўп: айримлар маззали ва фойдали таом турганида аллақандай дориворлар билан қадоқланган, тез тайёрланадиган макарон лапшаларини ейишни афзал кўради. Ундайларни қайтариб бўлмайди, менга сассиқлиги билиниб турган нарсани у еяверади. (Кўп бўлган бундай ҳолат)

Болаларга асал, мағиз, ёнғоқ берганимизда емайди, шоколад, ролтон, кукуруз, сосиска, кириешки берсак — мазза қилиб ейди. Асални емасдан, заҳарни еган одам касал бўлиб яна заҳарли дориларни еб тузатишга ҳаракат қилади.

Хуллас, буни аввал ўзимиз тушунишимиз керак, кейин фарзандларимизга тушунтириб, уларни секин-аста бу тарзда тилимиздан алданиб, заҳарланишдан қайтариб, табиий таъмларга кўниктириб олишимиз керак.

Аслида бу жуда катта фожиа. Бундай алданиб қолишнинг оқибати ёмон: келажагимизга, иқтисодиётимизга, одамларнинг насли ва генига кучли таъсир ўтказади.

P.S. Шуни қўшимча қилиб айтишим мумкинки, шундай зарарли химикатларни бизнинг юртдаги ишлаб чиқарувчилар бошқа давлатларга нисбаттан кўпроқ қўшишади, яъни меъёридан кўпроқ. Буни назорат қиладиган органларнинг ваколатиям чекланган, уларда текшириш учун зарур лабаратория анжомлари ҳам йўқ, мутахассислар ҳам етишмайди.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Остеохондроз, ортроз ҳақида ёки бўғинлардаги тузлар нима?

Нима учун бўғинлар оғрийди?

Буйрак шамоллаши ва уни даволаш.

Жигар тўқималарини тиклаш.

Мумиё, прополис ва сули дамламасини қандай истеъмол қилиш керак?

Аудиоблогимиз 20 дақиқадан кўп, сиз эшитиб, амал қилиб, шифо топинг.

Дўстларингизга улашинг, ҳозирда бунақа муаммолар кўпчиликда бор.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Палма ёғи ҳақида

Палма ёғининг фойдалисини ҳам олиб ичиб кўрганман: яъни қизил палма ёғи дорихоналарда шифобахш маҳсулот сифатида сотилади.

Унинг зарари борасида ҳар ким турлича фикрда, лекин ҳар бир нарсанинг меъёрдан ортиғи ёки нотўғри тарзда истеъмол қилинишини зарарли эканлиги - шубҳасиз.

Аввало, палма дарахтини ҳар хил нави борлиги, унинг ёғи ҳам турлича усулда сиқиб олинишини ёдда тутмоқ керак. Яъни, кунгабоқар ёки пахта ёғининг юқори сифатлиси ва ўта сифатсизи бўлгани каби, палма ёғининг ҳам ҳар хил тури бор.

Ишлаб чиқарувчилар сут маҳсулотларининг таннархини тушириш учун палма ёғи қўшишади. Ким шу ёғдан қўшса кўпроқ фойда кўради ёки арзонроқ маҳсулотини яхшироқ сотади. Яъни, рақобат шунга мажбур қилади. Табиийки, буларга олинадиган палма ёғи қанчалик арзон бўлса шунча яхши. Шунинг учун катта эҳтимол билан бизга чет эллардан палма ёғларининг асосан арзон кўринишлари кўпроқ кириб келади.

Арзон нарса - шубҳали, арзон нарса - зарарли, арзон нарса - ўта сифатсиз хом ашёлардан ишлаб чиқарилган бўлиши мумкин. Қиммат - беҳикмат, арзон - беиллат бўлмайди, дейишади-ку.

Хуллас, ўзбекка тонналаб сотилса бас, арзонми, қимматми, фарқи йўқ - талабгир бўлса бўлгани.

Энди иккинчи масалага ўтамиз.

Иккинчи масала шуки ривожланган давлатларда ҳар бир маҳсулотга қанча миқдорда палма ёғи қўшиш меъёри ва стандартлари давлат томонидан белгилаб берилган ва бу кучли назоратга олинган.

Бизда бунақа миқдорлар белгилаб берилганми-йўқми, билмадим, билганим шуки - буни ҳеч ким текширмайди ва ҳатто "Ўзстандарт" агентлигига ҳам етарлича ваколат ва шароитлар яратиб берилмаган.

Аксарият ишлаб чиқарувчилар ўзи хоҳлаганича, ўзи хоҳлаган ёғдан сотиб олиб қўшишади, бозорда ишлаб чиқарувчилар учун арзонидан қимматигача ҳар хил ёғлар таклиф қилинмоқда. Бу ерда айримлар бошқа соҳалар (яъни, парфюмерия ва ҳоказо) га мўлжаллаб олиб келинган ёғларни ҳам озиқ-овқат ишлаб чиқаришига палма ёғи деб қўллаши мумкин.

Мисол учун: меъёридан кўпроқ қўшилгани оқибатида Европада яшайдиган бир одам 100 грамм қаймоқ еса, унга 5 грамм палма ёғи аралаштирилган бўлса ва бу палма ёғи шубҳасиз ўта сифатлисидир.

Бизда-чи? Биз шу 100 грам қаймоқни олиб истеъмол қилсак, уни таркибида 10 грамм сифатсиз палма ёғи қўшилган бўлса, балким у палма ёғиям бўлмаслиги мумкин, биз қанчалар зиён кўрмоқдамиз, бу бизга қанчага тушмоқда?

Учинчи масалага келадиган бўлсак, ривожланган давлатлардаги одамлар соғлом турмуш тарзи дейсизми, бошқа йўналишларни боғлайсизми бизнинг халқимиздан анча билимли ва тартибли ҳаёт кечиришади. Бизлар улардан фарқли ўлароқ, кўпроқ овқат еймиз, кўпроқ зарарли маҳсулотларни истеъмол қиламиз, кўпроқ нотабиий маҳсулотларга ружу қўйганмиз. Бу томонлама ҳам биз палма ёғидан кўпроқ зарар кўрамиз.

Инсон организми ҳар қандай маҳсулотни ҳазм қилиб, сарасини саракка, пучагини пучакка ажратиб, ўзини соғлом тутишга қодир.

Лекин бунининг ҳам меъёри бор-да. Маҳсулотларга сифатсиз ёғ қўшиш, бунинг устига меъёрдан кўпроқ қўшиш ёки умуман қўшиш мумкин бўлмаган озиқ-овқатларга қўшиш, бунинг устига одамларнинг айнан шунақа махсулотларни кўпроқ истеъмол қилиши - бу шунчаки бузуқ тизим ёки тизимсизлик дегани. Бу шундай тизимки, халқни касал қилади.

P.S. Юқоридагилар субъектив фикрим бўлиб, ўз кузатишларим, кўрган ва эшитганларимдан хулоса қилиб ёзилди.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​​​​​☝️Эй, Инсонлар!!!

Азиз фарзандларимизга нималарни едираяпмиз? Ҳеч ўйлаб кўрдингизми?

Днепропетровск шаҳрида бир мактаб ўқитувчиси ва ўқувчилари иштирокида, ҳозирда ҳаммамиз севиб истеъмол қилаётган маҳсулотлар билан каламушларда тажриба ўтказишибди.

Каламушларни 4 та қафасга жойлашибди. Бирини чипс билан, бирини кириешки билан, бирини ароматизаторлар қўшилган емаклар билан, тўртинчисини оддий сабзавотлар ва буғдой билан боқишибди.

3 та қафасдаги сичқонларда 20 кун ичида кучли ўзгаришлар бўлибди. Бири кўр бўлиб қолибди, бирининг туклари тўкилиб кетибди, яна бири эса ўлиб қолибди.

БИЗ БУ МАҲСУЛОТЛАРНИ ЖОНДАН АЗИЗ ФАРЗАНДЛАРИМИЗГА ЕДИРАЯПМИЗ, ЛЕКИН ЎЗИМИЗ ЎЗ ҚЎЛЛАРИМИЗ БИЛАН БОЛАЛАРГА ЗАРАР ЕТКАЗАЁТГАНИМИЗНИ БИЛМАЙМИЗ...😢😢😢

Интернетдан олинди.

Саломатлик каналига обуна бўлинг 👇

@usmonovuz

​​Энг фойдали гўшт маҳсулотлари.

Уни ема, буни ема, деб байрам олдидан сизларни ҳам анча зериктириб қўйдим. Талабларига биноан, энди нималарни ейиш ҳақида ёзаман.)

Чаққон ва доимий ҳаракатдаги жонзот гўштини кўп есак, ўзимиз ҳам шунча чаққон ва доим ҳаракатда бўламиз.

Жонзотларнинг ичидаги гўшти энг фойдалиларини санаб ўтсак.

🔹 Чумчуқ гўшти.
🔹 Овланадиган паррандалар гўшти.
🔹 Кўл, анҳор ва ариқлардаги балиқлар гўшти.
🔹 Уй шароитида боқилган товуқ, аниқроғи, бир ёшга тўлмаган хўроз гўшти.
🔹 Чўл ва дала-даштларда боқилган қўй ва эчкиларнинг гўштлари.

Юқоридаги жониворларнинг гўштларини аввало шўрва ёки димлама кўринишида пишириб ейиш жуда фойдали ва исрофсиз бўлади. Сабаби гўшт суякларни орасидаги энг фойдали ва ширали қисми қовуриб ейилганда қолиб кетади. Шўрва қилиб ичилганда эса сувга чиқиб, танангиз учун малҳам бўлади.

Ўзи ҳаракат қилиб озиқаланиб юрадиган ҳар қандай жонивор гўштининг ҳам, унинг танасидаги ёғининг ҳам зарари йўқ, деб ўйлайман. Бу ёғлар жониворда танасига мутаносиб равишда шаклланади.

Балиқлар ва парандаларнинг гўштида суюқ овқат ҳар кунлик овқатланиш рационида бўлиши - бу соғлигимиз учун кони фойда одатлардан ҳисобланади.

Ун аралаштириб қовурилган балиқларнинг айнан қовурилган унли қисми ошқозонимизни жуда ҳам қийнаб қўяди, бундан имкон қадар сақланган ёки мағзини еган маъқул.

Қўйнинг тили ва калла-пойчалари эса оиламизлаги барчани кальций моддасига тўйинтириб турадиган, фойдали маҳсулот ҳисобланади.

Дам олиш кунлари парранда бозорга бориб тирик хўрозларни арзон харид қилиб, ўзингиз сўйиб еганга нима етсин: ҳам шу баҳонада дам оласиз.

Шу билан биргаликда бозорларда кўллардан келтирилган балиқларни, айниқса кичик-кичик балиқчалар бўлса ҳам арзон, ҳам янада ширин ва фойдалидир.

Танангизни доим энг фойдали озиқ-овқатлар билан таъминлаб туринг, сиз нима есангиз танангиз шу нарсадан ташкил топади.

P.S. Шуни ёдда тутинг, сиз ейдиган овқат билан ширинлик, аччиқ чой ёки бошқа турдаги маҳсулот аралашиб қолса бу сизнинг танангизга фойдали бўлиб сўрилмайди. Алоҳида таомланинг.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Ҳаётий тажрибалар ва кузатишларимдан келиб чиқиб юрак оғриши, давоси ва спортчиларда нима сабабдан секин уриши ҳақида аудиоблог.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Қабзият, яъни ич қотишидан азият чекадиганга маслаҳатлар.
(Геморрой ҳам тузалади)

Ич қотиши кўплаб касалликларга сабаб бўлиши мумкин ёки бу муаммони ечиш билан кўплаб касалликларни даволаш ҳам мумкин. Яъни, бавосил (геморрой), бўғин касалликлари, умуртқадаги кўплаб муаммолар, жигар ва юрак-қонтомир билан боғлиқ касалликларга чалинган бўлсангиз, лекин сизни доим ичингиз қотса, ич қотишини бартараф қилиб, ўша касалликлардан фориғ бўлишингиз мумкин.

Ич қотмаслиги учун аввало аччиқ, хамирли ва бошқа нотабиий маҳсулотлардан парҳез қилиб туриш керак.

Ўт қопи ўз вазифасини яхши бажармасаям ич қотади, бу учун ўт ҳайдовчи дамламалар, масалан растаропша чойи ёки маккажўхори попугини дамлаб ичиш мумкин (меъёрида, албатта)

Ундан ташқари, шароити борлар ўт қопи фаолиятига фойда берадиган «Ессентуки 17» минерал сувини ичиш мумкин, шароит кўтармаса бошқа маслаҳатларни ўзи етарли.

Асалари прополисидан ҳар эрталаб нўхатдек шаклда овқатланишдан олдин, шунчаки доридек ичса, ич қотишини бартараф этиш билан биргаликда минг дардга даво бўла олади. (Фақат асалли маҳсулотлардан аллергиянгиз бўлмаса бўлди, бошқа хил акс таъсири йўқ)

Энди ўзим синаган рецептлар билан бўлишаман.

Бир стакан қатиқ ёки кефирга икки қошиқ зайтун ёғи ва яримта лимон шарбатини қўшиб ҳар кечқурун ётишдан олдин ичилади. Қўшмасдан алоҳида ичилсаям фарқи йўқ, таъбга қараб ихтиёрий.

Одамни ичи ўз вақтида сурилса, енгил юриш билан биргаликда ичаклар ўз вазифасини тўлиқ бажариб организмимиздаги тузлар, зарарли ёғлар ва қонимиздаги бизга зиён қиладиган моддалардан тозалайди. Хуллас, тўлиқ тозаланасиз, бу муолажа билан ва тўлиқ тузаласиз, ҳамма касалларга тавсия қиламан.

Айтганча, бу муолажа билан бавосил (геморрой) касаллигига чалинганлар ҳам шифо топиб кетади, тажрибада синалган.

Ҳурмат билан Рашид Усмонов.

P.S Сизлардан илтимос, ким қайси маслаҳатдан шифо топса, ўзгариш сезса, бизга бот орқали хабарини берсин, шунчаки маълумотлар тўплаш учун билиб қайд қилиб қўйишимиз учун керак.

Саломатлик каналига обуна бўлинг 👇
| Telegram | Youtube | Facebook |

Нима учун айрим маҳсулотларни минг дардга даво дейишади?

Доривор гиёҳларни акс таъсири ёки меъёридан ошганлиги ҳақида танадаги белгилари.

Доривор гиёҳларни тартиб билан, режалаштириб ичиш.

Шифокор ва табиблар билан маслаҳатлашиб даволаниш ҳақида.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Жиддий касалликларга чалинганлар учун ❗️

🔴 Қандли диабет
🔴 Саратон
🔴 Гепатит B, С, D
🔴 Жигар циррози
🔴 Умуртқа чурраси

✅ Руҳлантириш ва даволанишни тўғри йўлини танлашга кўрсатмалар.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Зарарли одатларга оилавий ружу қўйилса, касалликлар ҳам оилавий юқади

Кўп эшитадиган гапларимиз:
Отаси инфаркт бўлган эди, фарзандининг ҳам юраги касал экан.
Онаси саратон бўлибди, қизигаям ўсимта чиқибди.
Онаси қандли диабетга чалинибди, ўғли ҳам шу касаллик билан қийналиб юрибди.
Ёки оилавий семизликдан, қон босими кўтарилишидан, руҳияти жойида эмаслигидан қийналадиган одамлар жудаям кўп.

«Бу наслдан», дейишингиз мумкин. Тўғри, наслдан ҳам бўлади, лекин ҳеч қандай касаллик тўлалигича ирсий бўлмайди. Наслдан ўтадиган касалликларниям тарбиялаб, кейинги авлодингизга ўтказмаслигингиз мумкин. Ёки акси — хатолар эвазига авлодларингизга қандайдир касалликни «мерос» қилиб қолдиришингиз мумкин. Зарарли одатлар ва турли касалликларни келтириб чиқарадиган хатолар наслдан наслга ўтаверса касаллик ҳам насл сурадиган бўлиб қолади.

Бу ҳолатда ирсий касалликлардан кўра нотўғри кўникмалар ва зарарли одатлар катта таъсир ўтказади. Буларга мисоллар келтирамиз.

Хона намлигини назорат қилмасдан, оилавий тарзда фақат иссиқ уйда еб, бўкиб, ТВ қаршисида йиғилиб ўтириш.

Фақат нон маҳсулотларини оилавий бўлиб меъёридан кўп истеъмол қилиш.

Ота онадан бошлаб фарзандларгача асабийлашиб, бақир-чақир билан ҳаёт кечириш.

Гўшт ейишга оилавий бўлиб муккасидан кетиш.

Оилавий бўлиб витамин етишмовчилигига йўлиқиш, яхши овқатларни емаслик.

Овқат билан биргаликда ширинликларни ва аччиқ чойни қўшиб оилавий истеъмол қилиш...

Овқатни чайнамасдан ютишга оилавий одатланиш...

Табиий бўлмаган ва зарарли маҳсулотларни доимий равишда оилавий истеъмол қилиш...

Бунақа мисоллар роса кўп. Ҳар бир оиланинг таомланишда ўзига яраша хатолари бор ва ҳоказо…

Бир оила бўлгандан кейин ҳаммаси катта эҳтимол билан бир хил овқатланади ва бир хил муҳитда яшайди. Зарарли одатлар бир хил бўлгач, табиийки, касалликлар ҳам бир хил бўлади. Оиладагиларнинг ҳаммаси маълум бир касалликка чалиниши эҳтимоли катта.

Шу учун оилавий зарарли ва нотўғри одатлардан воз кечинг, соғлигингизни асранг.

Кейинги постларимизда ана шундай зарарли одатларга батафсил тўхталиб ўтишга ҳаракат қиламиз.

Ҳурмат билан Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Кабоб (Шашлик) пишириш сирлари.

Обуначиларга шу видео керак ҳозирги кунларда 😂

https://www.youtube.com/watch?v=WFo4i1CxbKA&lc=z234szuhype5glmvdacdp432nhkpvbdlhrc4mykaorlw03c010c

MO'JIZAVIY AMALIYOT "GIZA" - Психология маркази раҳбари психолог Наргиза Сатторова каналларидан олинди.

Саломатлик каналига обуна бўлинг 👇
| Telegram | Youtube | Facebook |

​​100 йил ортга қайтамиз!

Кўпчилигимиз ўзимизни қийнаб, қайси маҳсулот фойдали, қайси бири зарарли, деган саволларга интернетдан ёки қандайдир соҳа мутахасисларидан жавоб излаймиз ва жавоблардан ҳеч қачон қониқмаймиз. Доим олдингизда бир маҳсулот турганда «бу зарарли эмасми?» деган савол миянгизни кемириши табиий.

Фойдали ва зарарли маҳсулотларни ажратишнинг энг осон ва содда йўли — ўзингизни 100 йил ортга яшаётгандек тасаввур қилинг. Масалан, сиз 1920 йилда яшаяпсиз ва ҳозирда қандай маҳсулот борки ўша вақтда бўлмаган? Мана шундай таққослаб, маҳсулотларнинг фойдалисини ажаратиб олаверасиз. Бунда сизга парҳезшунос ёки шифокор керак бўлмайди.

Масалан, 100 йил олдин шакар бўлмаган, ширинликни одамлар асал ва ширин мевалардан (қуруқ мева) танавул қилиб олган.

Ҳозирги ҳар хил ёғлар ҳам бўлмаган, фақат сарёғ, қаймоқ, думба ёғи каби ёғлар бўлган.

Ҳозирги тез етиладиган бройлер товуқлар ҳам бўлмаган, уй шароитида боқилган ёки овланган товуқлар бўлган.

Ҳозирги оқ ундан қилинган нон маҳсулотлари ва дисертлар бўлмаган, бунинг ўрнида қора тегирмон унидан қилинган жавдар нонлар, дисертлар ўрнида эса мағиз ёнғоқ ва бошқа қуруқ мевалар бўлган.

Ичимликлардан фақат кўк чой, сув ва ўтли дамламалар бўлган, кола, пепси, қадоқланган шарбатлар бўлмаган.

Агар сиз озмоқчи бўлсангиз ёки қанақанги касаллик бўлишидан қатъи назар, соғайишни хоҳласангиз озиқ-овқат маҳсулотларни мана шундай тарзда ажратиб овқатланишга одатланинг ва албатта 100 фоизлик натижага эришасиз! Умуртқа чуррасидан ҳам, ортиқча вазндан ҳам, бўғинлардаги касалликлардан ҳам жудаям осонликча фориғ бўласиз.

Қўшимчасига, олдинлари боболаримиз доим бир хил таом билан қорин тўйғизишган. Сиз ҳам шунга амал қилиб, бир хил турдаги овқат билан иккинчи турдаги овқатни аралаштирмасдан ейишга одатланинг ва марра сизники. Масалан, сут маҳсулоти билан гўштли овқатни ёки меваларни бир вақтда қўшиб емаслик керак.

Эслатиб ўтиш даркорки, 100 йил олдин боболаримиз фақат пиёда юришган, бу одатниям қўшиб олиш эсдан чиқмасин.

Саломатлик тарғиботчиси Рашид Усмонов.

Саломатлик каналига обуна бўлинг 👇
| Telegram | Youtube | Facebook |

Табобатшунос укаларимиз билан биргаликда тренинг ўтказиш учун тайёргарликни бошлаб юборганмиз, агар сиз тренингда қатнашмоқчи бўлсангиз қайси касалликлар ҳақида сўзга чиқишлари сизни қизиқтиради?
anonymous poll

Умуртқа ва бўғин – 177
👍👍👍👍👍👍👍 24%

Жигар ва қондаги Б.С.Д вируслар – 126
👍👍👍👍👍 17%

Тўғри овқатланиш ва озиш – 91
👍👍👍👍 12%

Ошқозон ва овқат ҳазм қилиш органлари – 75
👍👍👍 10%

Барчаси ва саволларим бор – 74
👍👍👍 10%

Иссиқ ва сувуқ, умуман мижоз таълимоти ҳақида – 42
👍👍 6%

Юрак қон томир ва қон босими – 40
👍👍 5%

Қулоқ, бурун, томоғдаги муаммолар – 40
👍👍 5%

Бепуштлик ва фарзандсизлик – 36
👍 5%

Ҳаракат ва спорт – 30
👍 4%

👥 731 people voted so far.

​​Соғлом овқатланиш рўзғор учун бозор-ўчар қилишдан бошланади.

✅ Колбаса маҳсулотлари ўрнига молнинг тили ва калла-пойча сотиб олинг.

✅ Ширинликлар ўрнига, асал, майиз, туршак ва бошқа мевалардан харид қилинг.

✅ Қадоқланган сут маҳсулотлари ўрнига уй шароитида тайёрланган қаймоқ, сарёғ, ёғли сут сотиб олинг.

✅ Яхна ичимликлар ўрнига, ялпиз, лимон, лаймга ўхшаш мевалардан лимонад тайёрлаб ичиш учун сотиб олинг.

✅ Кофе ва қора чой ўрнига, наъматак, заъфарон, кийик ўти, мойчечак (ромашка), растаропша дамламаларидан сотиб олинг.

✅ Витаминлар ўрнида ишлатиш учун занжабил, қора седана, кунжут, ошқовоқ уруғи, зиғир уруғи, прополис, долчин, зарчава ва бошқа зираворлар сотиб олинг.

✅ Ёғларнинг энг фойдалилари доим уйда бўлсин. Булар - зайтун ёғи, сарёғ, зиғир ёғи, қора седана ёғи, ошқовоқ уруғи ёғи, растаропша ёғи.

✅ Албатта, бройлер товуқ ва балиқлар ўрнига уй шароитида боқилган паррандалар ва кўл балиқлари сотиб олинг.

✅ Оқ нон ўрнига тегирмон уни сотиб олинг.

Бу маҳсулотлар доим уйингизда бўлса, шулардан еб турасиз, ва аксинча - зарарли нарсаларни сотиб олсангиз, емайман деган одам ҳам еб қўяди, шунинг учун оилавий соғлом яшашнинг асосий сири фақат кони фойда бўлган озиқ-овқатларни харид қилишдадир.

Саломатлик тарғиботчиси Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​ИММУНИТЕТНИ МУСТАҲКАМЛАШ УЧУН ТАБИИЙ ЭНЕРГЕТИК

Аввал бир стакан қайнатилган сувни олиб унга бир пакетча наъматак мевасининг кукунидан соламиз (дорихоналарда бор) кейин ичимлигимиз янада витаминларга бой бўлиши учун уни корица дарахти шохчаси билан аралаштирамиз (доривор сотадиганлардан оласиз) бу бизга ёқимли таъм бериш билан бирга ичимлигимизни шифобахшлик хусусиятини оширади.

Асални 70 градус иссқликдан баланд ҳароратдаги сувга аралаштиришни тавсия қилмайман шу сабабдан буни охирида қўшамиз шу ҳолатда асалимизни витаминлари тирик сақланиб қолади. Асални эритиб бўлганимиздан сўнг ичимлигимиз тайёр ҳолатга келади ва буни араб хурмоси билан бирга истеъмол қиламиз. Қуйида истеъмол қилиш тартиби ҳақида ёзиб бераман.

Мисол тариқасида тушунтирадиган бўлсам юқоридаги тўрт хил махсулот алоҳида истеъмол қилинганда ҳар бири ўн карра фойда қилса тўрталаси 40 карра фойда қилади, буларни ҳаммасини бир вақтни ўзида истеъмол қилган пайтда буни кучи камида икки бараварга ошиб 80 карра фойда қилади. Бу имунитетни тиклашнинг энг самарали рецепти ҳисобланади.

Юқоридаги рецепт бўйича имунитетни мустаҳкамлаш ҳамда кўп касалликлардан холос бўлиш мумкин фақат буни айтганимдек тайёрлаб қуйида айтиб ўтиладиган тартибда истеъмол қилиш керак бўлади.

Истеъмол қилиш тартиби
Кўпчилик асал, хурмо, наъматакдек ўта витаминларга бой махсулотларни нотўғри истеъмол қилади ва бунинг натижасида бу махсулотлар жудаям кам фойда қилади ёки умуман фойдаси тегмайди. Шу сабабдан бу махсулотларни аввало оч қоринда алоҳида ҳолатда ейишни тавсия қиламан, ейилгандан сўнг бошқа ҳеч нарса емасдан 2 соат кутиш керак. Шундагина юқори даражада фойда беради.

Энг фойда берадиган пайт бу спорт машғулотларидан кейин ёки эрталабки нонушта тарзидадир. Икки ҳолатдаям организм ташна ҳолатда витаминларни қабул қилишга шай туради. Эрталаб уйғонганда ёки тренировкадан сўнг фақат 200 млгача сув ичиш мумкин, тахминан 30 дақиқа ўтгандан сўнг мен айтгандай наъматакни тайёрлаб хурмо билан бирга истеъмол қилинади, хурмодан хоҳлаганингизча ейишигиз мумкин бўлади фақат нон, чой ва бошқа махсулотларни қўшиш мумкин эмас, қўшилса яхши фойда қилмаслиги мумкин. Истеъмол қилиб бўлгандан сўнг икки соат ҳеч нарса ейилмайди ва ичилмайди, бу вақт мобайнида витаминлар тўлиқ организмимизга сўрилиб ҳазм бўлади кейин эса одатдагидек овқатланиб юраверасиз.

Юқоридаги рецепт жудаям кучли қувватни оширувчи энергетик ичимлик ҳисобланади. Шу сабабдан қон босими ошувчи одамларга тавсия қилинмайди, қон босими борлар буларни қўшмасдан алоҳида-алоҳида ҳолатда кун давомида уч маҳалга истеъмол қилишсин. Масалан, эрталаб наҳорга наъматакни ўзини дамлаб ичишади, нонуштадан сўнг икки соат ўтказиб асал ейилади, тушликдан сўнг 3 соат ўтказиб хурмо ейилади, шу тариқа қон босимини ошишидан азият чекмасдан туриб имунитетни тиклашимиз мумкин. Қони қуюқ одамларгаям тавсия қилинмайди улар фақат наъматакни ўзинигина дамлаб ичишлари керак бўлади.

Яна бир нарсани айтиб ўтишим мумкинки ҳар бир нарсани меъёрида истеъмол қилиш фойдали ва буни кам ёки ҳаддан зиёд кўп истеъмол қилиш зиён қилишиям мумкин. наъматак мевасини ҳар куни меъёридан ортиқ истеъмол қилиб юриш сийдикни кўп ҳайдаш орқали танамиздаги витаминларимизни ювиб чиқариб аксинча имунитетнимизни пасайишига олиб келишиям мумкинлигини эсдан чиқармайлик.

Спортчиларимизга эса бу рецепт машғулотлардан сўнг жудаям фойдали табиий допинг вазифасини бажаришини алоҳида таъкидлаб ўтиш лозим.

Офисингизда ҳар доим асал, наъматак, корица бўлсин ва албатта араб хурмоси стол устида бўлиши шарт. Кофе ўрнида ҳафтасига 2-3 марта ичиб туришни тавсия қиламан ёки даволаниш мақсадида уч ойга бир яъни йилида тўрт марта 10-15 кун ҳар куни бир маҳал истеъмол қилиб туришни тавсия қиламан.

Бу рецепт имунитетни кўтариш билан бирга бўғинлардаги тузларни, тез шамоллаб қолишларни, камқонликни ҳамда камқувватликни бартараф қилади ва буйрак ва ошқозон ишлашини фаоллаштиради.

Саломатлик тарғиботчиси Рашид Усмонов.

Саломатлик каналига обуна бўлинг 👇
| Telegram | Youtube | Facebook |

​​Умуртқа ва бўғин касалликлари тренингига марҳамат!

Тренингда:

💧 Умуртқа ва бўғин касалликларини келиб чиқиш сабаблари;
💧 Тартибли овқатланиш орқали даволаниш;
💧 Умуртқа касаллигига чалинган бемор қандай яшаши керак?
💧 Қандай гимнастика машқлари ва тадбирларни қилиши керак?

👆Булар ҳақида Рашид Усмонов

💧Табобатга кириш (мижоз хақида тушунчалар)
💧Унсурлар, хилтлар, 4 ҳазм, мижоз ва ситтаи зарурия.
💧 Артроз, остеохондроз, остеопороз, артрит, полеартирит нима?
💧 Халқ табобати йўли билан қилинадиган тадбирлар.

👆Булар ҳақида Нодир Алимов ва Мираббос Ҳамидовлар

💧 Савол-жавоблар

Спикер:
Рашид Усмонов - Спорт ва саломатлик тарғиботчиси.
Нодир Алимов - Табобатшунос, шифокор.
Мираббос Ҳамидов - Табобатшунос, шифокор.
⠀
Дастур мақсадлари:
✅ Умуртқа ва бўғин касалликларининг келиб чиқишини олдини олиш.
✅ Бўғин касалликларини даволашда беморнинг ўз билимини ошириш;
✅ Одамларга соғлом турмуш тарзини тарғиб қилиш.
⠀
💳Нархи: 40 минг сўм.
⠀
📆 19 январь, якшанба.
⏰ соат 09:00 дан 13:00 гача.
📍 Toshkent shahri Shoyxontohur tumani, Maxtumqulli ko'chasi 2-uy.
📍 Mo'ljal: "Huvaydo" restorani qarama-qarshi tarafi "Mashhura" o'quv markazi, 3-qavat 👉Геолокация👈

Жойлар чекланган, рўйхатдан ўтиш зарур 👇 https://forms.gle/bzxLJE5SUCcvgAgN9