Зялёныя зоны Гродна апрацоўваюць ад кляшчоў

29.04.2024 – урочышча Пышкі (сцежка Здароўя);
30.04.2024 - лесапаркавая тэрыторыя Румлёва, лясны масіў па вул. Кабяка (урочышча Форт);
02.05.2024 - гарадскі парк Жылібера, Каложскі парк;
03.05.2024 – тэрыторыя ля возера Юбілейнае, сквер у мікрараёне Фолюш;
06.05.2024 – урочышча Ласосна;
07.05.2024 – лясны масіў па вул. Томіна-Славінскага, зона адпачынку ў мікрараёне Альшанка (сквер каля школы № 39).

Расклад можа змяніцца ў выпадку дажджоў.
Апрацоўваюць не ўсю тэрыторыю, а толькі месцы ў раёне пешаходных і веладарожак, спортпляцовак і іншых месцаў арганізаванага адпачынку.

☝️Такая апрацоўка зараз лічыцца эфектыўным сродкам барацьбы з кляшчамі. Яна пратрымаецца 1,5 месяцы - гэта якраз час найбольшай актыўнасці кляшчоў.

Былая адміністрацыя Ленінскага раёна на Савецкай патаннела ўжо на 40%

Гаспадара шукаюць для памяшканняў на вул. Савецкай, 10/06 і 14/3.

▪️Гэта першы, другі і трэці паверхі і падвал 3-павярховага будынка;
▪️ёсць усе неабходныя камунікацыі;
▪️плошча памяшканняў - 1840,2 і 2301,5 кв.м.

💰Пачатковы кошт зараз - 5 077 703,44 руб.
🗓 Электронны аўкцыён прызначаны на 31 траўня.

Будынкі - 1795 г. і 1550-х гг. пабудовы, з'яўляюцца гісторыка-культурнай каштоўнасцю.
Памяшканні пачалі прадаваць у канцы лістапада 2023 г., а адміністрацыя раёна адтуль выехала на 1,5 гады раней.

Усё па-ранейшаму прадаецца разам з дарослымі дрэвамі ў двары, якіх бы хапіла на міні-сквер.

У Брэсце рыхтуюцца да лета: на чатырох скрыжаваннях у цэнтры паставілі ахалоджвальныя аркі з вадой🐳

Іх будуць уключаць, калі тэмпература паветра будзе вышэй за 25 С.

Упершыню канструкцыі паставілі ў 2021 г., і тады яны "карысталіся каласальным ажыятажам як у дзяцей, так і ў дарослых". Пасля штогод іх ставілі на тыя ж месцы.

Мінулым летам 7 такіх арак паставілі ў Віцебску. Іх ставяць у Літве, Польшы, Славакіі, Венгрыі, Украіне, у Амерыцы, Японіі.
#ідэі_для_горада

Ці хацелі б так ахалоджвацца ў Гродне?

⛔️ Дзе і калі перакрыюць рух на свята?

8 траўня 19:00-20:00 абмежаваны рух на вул. Дзяржынскага - Сацыялістычная - Ажэшкі.
9 траўня:
▪️00:00-19:00 вул. Мітрапаліта Філарэта і пл. Тызенгаўза;
▪️08:00-24:00 вул. Замкавая;
▪️08:00-18:00 вул. Дзяржынскага - Сацыялістычная - Ажэшкі
▪️08:00-24:00 вул. Стэфана Баторыя - Кастрычніцкая - Калючынская;
▪️21:30-22:30 вул. Маставая - Гарнавых - Парыжскай Камуны - Давыда Гарадзенскага - Вялікая Траецкая.

З 22:00 да 24:00 у горадзе пусцяць дадатковы транспарт💪

Крыніца: Гарвыканкам

На вул. Цэнтральнай у Паўднёвым прыбяруць дрэвы і кусты - агулам 21 - каб пусціць аўтобус

Расліннасць замінае зрабіць рамонт на вуліцы і збудаваць кішэні для грамадскага транспарта.

👥 Выдаленне раслін ЖКГ хоча абмеркаваць з жыхарамі. Першы сход, наконт выдалення 4 раслін, прайшоў сёння, другі - наконт астатніх 17 - адбудзецца 16 траўня ў 10.00 каля дома 79 на Цэнтральнай вуліцы.

Пасля рамонту на ўсёй Цэнтральнай будзе асфальт - і пусцяць аўтобус. Дасюль гэта было немагчыма праз стан дарогі.

Цэнтральная - не толькі самая доўгая вуліца мікрараёна. Яна атрымае больш нагрузкі пасля будаўніцтва мікрараёна Паўднёвы-1, запланаванага пасля 2028 г. - бо фактычна дублюе вул. Садакова, на якую прыйдзецца асноўная нагрузка.

Паркоўка ёсць, але паркоўкі не хапае?

Ніжнюю пляцоўку Скідзельскага рынку аддалі пад паркоўку - балючае пытанне для цэнтральнага рынку Гародні. Праўда, пакуль там не бачна разметкі, ды і пакрыццё "стомленае".

Раней там былі гандлёвыя шэрагі, пасля пляцоўка пуставала ў чаканні мадэрнізацыі.

Раніцай 10 траўня там нават былі вольныя месцы, але пры тым каля "Зялёнага свету" на Антонава машыны паркуюць другім шэрагам 🤷‍♀️

Надышоў сезон падарожжаў па Беларусі!

Калі збярэцеся на Нарачаншчыну - туды сапраўды ёсць, дзеля чаго ехаць. Раім канал, які зробіць вандроўку цікавейшай.

Naračanščyna — гэта краязнаўчы канал пра Мядзельскі раён, дзе сабраныя цікавыя гістарычныя факты, сустрэчы з велічнай прыродай і вандроўкі па знакамітаму Нарачанскаму краю, гісторыі яго людзей і традыцый.
Далучайцеся!👇