На тэрыторыі Каложскай царквы хочуць пабудаваць званіцу

У царкву ўжо прывезлі 8 званоў, чакаюць дзявяты вагой 1300 кг.

Зараз разглядаюць пытанне пабудовы званіцы 🧐

Фота: Instagram @kalozha

Працы на Філарэта, 13 (был. Горкага, 13) набліжаюцца да сканчэння.

Дом у Новым Свеце адбудавалі ў гістарычным выглядзе (праўда, ад арыгінала засталося толькі два бакавыя фасады - брандмаўэры) і далучылі да яго прыбудову ў сучасным стылі. Прыбудову не відаць з вуліцы, але праз яе агульная плошча будынка павялічылася ў некалькі разоў.

Арку, якая была злучаная з домам, ячшэ не “вярнулі”, але абяцалі.

Унутры будзе прастора па прынцыпе open space. Там могуць размясціць офісы, ганаль, аб'екты сферы абслугоўвання.

🏆Праект «Рэканструкцыя нежылога будынка пад шматфункцыянальны ў Гродне» атрымаў срэбны дыплом Нацыянальнага незалежнага архітэктурнага рэйтынгу «Залатая капітэль 2023» (Новасібірск, Расія).

🗓Будоўлю пачалі вясной 2022 і планавалі завяршыць у чэрвені 2023 г.
Тэрмін зрушыўся, але вынік ужо можна ацэньваць. Як вам?

Фара Вітаўта - пазнавальны сімвал Гродна, якога няма

Самы стары і велічны каталіцкі храм горада ўзарвалі ноччу з 28 на 29 лістапада 1961 г. Да таго будынак 1580-х гг. мяняў і канфесію, і выгляд.

❗️Адбудова Фары Вітаўта была закладзена ў дэтальны план для цэнтра Гродна да 2030 г., прыняты ў 2022. Архітэктары прапаноўвалі зрабіць там канцэртную залу, каб не правакаваць спрэчкі праваслаўных і каталікоў - чый храм. А пазней яго прыбралі з Генплана 😢 

🤔Аднаўленне Фары Вітаўта як адміністрацыйна-офіснага будынка можа «абразіць пачуцці і адных, і другіх вернікаў» і «папахвае блюзнерствам», казаў Уладзімір Каранік на стрыме летам 2023. І калі ёсць і праваслаўныя, і каталіцкія страчаныя храмы, то «чаму мы аднаўляем гэты аб’ект»

📖Знішэнне храма саветамі лягло ў аснову фантастычнага апавядання “Разбуральнік” Сцяпана Стурэйкі (зборнік “Пасажыры карабля Тэсея”, заняў 2 месца ў літаратурнай прэміі Гедройца 2023 г.)

📷 панарама Гродна ў савецкі час - Фара ў цэнтры (Onliner.by) і ў кан. 1930-х гг. (oldgrodno.by)

У прыватнай забудове Баранавіч-1 збудуюць гандлёвы цэнтр

Надзел пад яго месціцца паміж вул. Паваротнай, Ваўжэцкага, Пясочнай і участкам для праваслаўнага храма.

🏠Будынак будзе 1-павярховым, з 2 аб’ёмаў: гандлёвай часткі і бытавога абслугоўвання.
У іх будзе розная вонкавая аздоба. Уваходы - з узроўню зямлі.

▫️Плошча надзела 0,325 га,
▫️плошча будынка 537,94 кв.м,
▫️гандлёвая плошча 214,57 кв.м,
▫️паркоўка на 17 месцаў (1для інвалідаў);
▫️велапаркоўка на 5 месцаў;
▫️азеляненне - 50% (не менш за 25%).

✍️Заўвагі і прапановы прымаюць з 6 па 20 снежня 2023 г.:
▫️Гродзенскі гарвыканкам (пл. Леніна, 2/1, 230023; gorisp@gorod.grodno.by),
▫️Упраўленне будаўніцтва, архітэктуры і градабудаўніцтва (пл. Тызенгаўза, 3, 230023; arhitektura@gorod.grodno.by),
▫️у часопісе ўліку наведвальнікаў экспазіцыі ва ўпраўленні архітэктуры.

👁Паглядзець праект можна з 6 па 20 снежня (8:00-17:00, пн-пт) у вестыбюлі ўпраўлення будаўніцтва і архітэктуры

👥Прэзентацыя праекта: 14 снежня, 15.00 (упр. архітэктуры, 1 пав., каб.1)