У м-не «Баранавічы-11» на ўскрайку Гродна прапануюць даць назвы новым вуліцам

Варыянты ад Гарадзенскага гарадскога Савета дэпутатаў такія:

1) улица Виктора Юртова (вуліца Віктара Юртава),
2) улица Филиппа Старовойтова (вуліца Філіпа Старавойтава),
3) переулок Филиппа Старовойтова (завулак Філіпа Старавойтава),
4) улица Сергея Лисанова (вуліца Сяргея Лісанава),
5) переулок Григория Обелевского первый (завулак Рыгора Абялеўскага першы),
6) переулок Виктора Юртова первый (завулак Віктара Юртава першы),
7) переулок Григория Обелевского второй (завулак Рыгора Абялеўскага другі),
8) переулок Виктора Юртова второй (завулак Віктара Юртава другі),
9) улица Николая Подгурского (вуліца Мікалая Падгурскага),
10) улица Григория Обелевского (вуліца Рыгора Абялеўскага).

Меркаванні гараджан прымаюць у пісьмовай форме да 9.10.2023 г.:
▫️230023, г. Гродна, пл. Леніна, 2/1 (з пазн. «вывучэнне меркаванняў грамадзян па пытанні наймення элементаў вулічна-дарожнай сеткі»),
▫️на e-mail: gsd-grodno@mail.grodno.by.

Хто гэтыя людзі, у чый гонар хочуць назваць вуліцы?

▫️Віктар Юртаў (1946-1980) - воін-інтэрнацыяналіст, капітан міліцыі, старшы інспертар крымінальнага вышуку УУС Гродна. Яму прысвечана мемарыяльная дошка на доме, дзе ён жыў (Леніна,30), упамянуты на помніку воінам-інтэрнацыяналістам у скверы на Курчатава.

▫️Філіп Старавойтаў (1905-1977) - ваенны лётчык-штурмавік, палкоўнік, удзельнік вызваленчых паветраных баёў у раёне Гродна і вобласці ў час Вялікай Айчыннай вайны. Таксама ваяваў у грамадзянскай вайне ў Іспаніі і ў савецка-фінскай вайне. Ганаровы грамадзянін Гродна.

▫️Сяргей Лісанаў (1967-1987) - сяржант, старшы стралок дэсантна-штурмавой групы пагранічных войск, воін-інтэрнацыяналіст. Яму прысвечана мемарыяльная дошка ў Свята-Пакроўскім кафедральным саборы, упамянуты на помніку воінам-інтэрнацыяналістам у скверы на Курчатава.

▫️Рыгор Абялеўскі (1925-2023) - палкоўнік пагранічных войскаў у адстаўцы, ганаровы пагранічнік Рэспублікі Беларусь, ветэран Вялікай Айчыннай вайны. Ганаровы грамадзянін Гродна.

▫️Мікалай Падгурскі - лейтэнант, абаронца Гродзенскай крэпасці ў час Вялікай Айчыннай вайны, апошні абаронца форта №1. Застраліўся, каб не здацца ў нямецкі палон.

Раней большасць вуліц у Баранавічах-11 збіраліся назваць у гонар гарадоў-пабрацімаў у Расіі (мы пісалі пра гэта тут👇), аднаго ў Азербайджане і аднаго ў Ізраілі. Цэнтральная вуліца павінна была стаць Пабрацімскай.

Падобна, што гарадскія ўлады перадумалі і вырашылі абраць назвы, больш звязаныя з Гроднам 🥳

⛔️17 верасня ў Гродне будуць святкаваць Дзень народнага адзінства. Праз гэта часова перакрыюць рух:

▪️ з 13:00 15 верасня да 11:00 18 верасня па пл. Тызенгаўза;
▪️17 верасня з 9:30 да 11:00 па вуліцах:
▫️17 Верасня,
▫️Дзяржынскага (ад вул. 17 Верасня да вул. Ажэшкі),
▫️Ажэшкі,
▫️Ціміразева.

⛔️А з 9:00 16 верасня да 24:00 17 верасня перакрыюць рух на вул. Галавічы (ад зав. Мануфактурнага да вул. Залацістай). Там будуць рамонтныя працы. Транспарт пусцяць па-іншаму 👉 https://telegra.ph/Zmeny-marshrutaў-09-14

Крыніца: @grodnoplus

У Гродне раварыстаў штрафуюць за хуткасць “вышэй, чым у пешахода” пры пераездзе вуліцы, а ў Лідзе вырашылі тармазіць іх і электрасамакаты па-іншаму.

На адным з ажыўленых нерэгуляваных скрыжаванняў паставілі слупкі ў форме змейкі.

🤔У ДАІ кажуць, што бацькам з дзіцячымі вазкамі і людзям з інваліднасцю “змейка” не перашкодзіць - можна праехаць, толькі “прыйдзецца крыху павіляць”.

У адным з двароў Гродна людзі ў межах добраўладкавання па праграме “100 двароў” зрабілі паркоўку за свой кошт і паставілі агароджу. Але выявілася, што так нельга!

Жыхары скінуліся па 100 р. і абсталявалі каля 20 паркавальных месцаў у сваім двары на Урублеўскага. Усе ўзгадненні на будаўніцтва атрымалі загадзя. Месцы абгарадзілі слупкамі і ланцугамі, каб там не паркаваліся чужыя машыны.

Але на іх сталі пісаць скаргі і праз паўтара гады пасля рамонту ЖКГ загадаў прыбраць агароджу - маўляў, яна незаконная. Грошы, вядома ж, ніхто не верне 🤷🏻‍♂️

Крыніца: newgrodno.by

⛔️Да 24 верасня (24.00) перакрыты рух на вул. Кастрычніцкай.

Тралейбусы змянілі маршруты 👉 https://telegra.ph/Izmeneniya-marshrutov-21-24-sentyabrya-09-21

ГЦ Na Zamkavaj прызналі найлепшым архітэктурным праектам гандлёва-забаўляльнага/гандлёвага цэнтра

🏆Belarus Retail Real Estate Awards 2023 - прафесійная прэмія за дасягненні ў развіцці інфраструктуры гандлёвых цэнтраў, бізнес-цэнтраў і рытэйла ў Беларусі, якую прысуджаюць дэвелаперам гандлёвых і офісных цэнтраў, рознічных сеткам (рытэйлерам) за ўклад у камерцыйную галіну.

Арганізатар - партал belretail.by. Сёлета конкурс праходзіў ўпершыню.

ГЦ Na Zamkavaj (вядомы як Дом рыбака) адкрылі летам 2022 г. Будынкі ўзвялі з нуля на месца сквера, які з’явіўся замест некалькіх старых камяніц, знесеных у 1960-я для будоўлі Дома быта. Адна з камяніц была вядома як Дом рыбака праз выяву рыбкі на фасадзе. Камяніцы былі збудаваныя паміж 1753 і 1782 г. Стваральнікі Na Zamkavaj пастараліся ўзвесці комплекс максімальна блізкім да арыгіналу. Рыбку, праўда, не аднавілі, але захавалі старыя падвалы. За будынкамі разбілі ўнутраны дворык паводле адмысловай кацэпцыі. Пабудову Дома рыбака - 2 мы падрабязна разбіралі тут.

Гэтай восенню ў Гродне плануюць пасадзіць больш за 4 000 дрэў і 2 000 кустоў 🌳🌳🌿

Новыя пасадкі з’явяцца на:
▪️вул. Вольгі Соламавай,
▪️вул. Болдзіна,
▪️вул. Альшанскай,
▪️вул. Дамброўскага,
▪️вул. Фамічова,
▪️вул. Данілава,
▪️вул. Аўтамабільнай,
▪️вул. Томіна,
▪️вул. Дзяржынскага,
▪️пр. Касманаўтаў,
▪️развязцы на трасе М6,
▪️аб'язных дарогах каля мікрараёнаў Грандзічы і Забалаць.

👉Агулам вясной-восенню 2023 збіраліся пасадзіць 8826 дрэў і 9004 кустоў.
Гродзенскую вобласць плануюць азеляняць на ўзроўні мінулага 2022 года. Летась у вобласці высадзілі 30 190 дрэў і 20 295 кустоў.

На грамадскае абмеркаванне ПАЎТОРНА выставілі справаздачу аб уплыве на навакольнае асяроддзе перабудовы казармаў XIX ст. на Шчорса 2 і 4. У новым праекце вырасла колькасць паверхаў і кватэр!

Былыя царскія казармы перарабляюць на клубны комплекс (элітнае жытло).

🧐Абодва будынкі хочуць перарабіць на трохсекцыйныя, трох- і чатырохпавярховыя (раней планавалі двухпавярховыя і мансардны паверх у адным з іх).

▪️на Шчорса, 2 будзе 39 кватэр і паркоўка на 58 месцаў;
▪️на Шчорса, 4 - 52 кватэры і паркоўка на 33 месцы
(было 30 і 45 кв. адпаведна і падземныя гаражы на 12 месцаў у кожным будынку).

У АУНА разглядалі безальтэрнатыўнае размяшчэнне пляцоўкі будаўніцтва і рэалізацыю праекта або поўную адмову ад яго.

🗓Новыя абмеркаванні адбудуцца ў кастрычніку-лістападзе (дакладных датаў пакуль няма). Папярэднія праходзілі вясной.
👥Збор для абмеркавання справаздачы АУНА правядуць толькі ў выпадку, калі будуць звароты ад грамадзян. У такім разе пры патрэбе на дапрацоўку АУНА дадуць яшчэ тыдзень.
🔎Дзяржаўную экспертызу справаздача па АУНА ў складзе праектнай дакументацыі пройдзе ў лістападзе. Яна зойме месяц.
✍️Рашэнне па планаванай дзейнасці мусяць прыняць у снежні 2023 г.

Забудоўшчык - “Палессежылбуд”. Раней продаж кватэр збіраліся адкрыць у канцы ліпеня 2023 г.

❗️Грамадскае абмеркаванне самога праекта ладзілі ў лістападзе 2022. Пасля яго праект амаль не змяніўся: ад няслушнага пашырэння вокнаў не адмовіліся. Такія змены моцна сказяць архітэктурны выгляд будынкаў XIX ст. Да перабудовы казармы захаваліся ў арыгінальным выглядзе, што вельмі рэдкая ў Беларусі з’ява.

У будоўлі офіснага цэнтра на Мядовай (каля скрыжавання Лермантава-Віленская) згубіўся тэрмін завяршэння.

Надзел выкупілі ў канцы 2019 г. Будоўлю пачалі ў канцы 2021 года. Завяршыць першапачаткова збіраліся ў канцы 2022. Зараз дайшлі толькі да трэцяга паверха. Тэрмін завяршэння будаўніцтва на пашпарце аб’екта сцёрты.

Замоўца праекта - ТАА «Фасадіндустрыя». Будуе ТАА “ОРРСА” (вядзе ў Гродне і іншыя праекты - Цітова, 14, Будзёнага, 28 і 30, офісны цэнтр на Віленскай і інш.)

Крыніца: “Вечерний Гродно”