السلام عليكم ورحمة الله
أخيرا سمحت لي الفرصة باش نحكو شيوة على المقاييس ، مع أني أعلم أنو اغلبكم اطلع عليها ديجا وهذا طبيعي من الحماس والحيرة 💗

1er module : Chimie

هو مقياس مشترك بين الطب وطب أسنان ، راح تتناولوا فيه المواضيع المتعلقة بالكيمياء بداية بالالكترونات ومداراتها وتوزيعها
وبعدها راح تنتقلوا للأحماض والأسس وتقراو قوانين جديدة وتتعلموا تطبقوها وتحسبوا


مقياس سهل ؟!
لازم نتعلموا ما نقولوا على حتى حاجة سهلة ، لأنو كل واحد كيفاش جيه ، لكن الشيمي بالذات قلال لي كان عندهم معاها مشكل ، تقراوها تدو ببساطة

علاش مليحة الشيمي ؟!
لأنها تخرجكم شوية من الحفظ والمصطلحات العلمية الجديدة والمعلومات ، ودخلكم في العلوم الدقيقة أي تبدلو المجال وبالتالي تخرجكم من الملل
وتحلوا فيها تمارين وتحسبوا يعني تنشطلكم عقلكم جدا



- كيفاش نقرا مقياس الكيمياء ؟!

حرفيا كيما كنتوا تقراو الفيزياء في الثانوية ، حاولوا تحضروا مع البروف فالكور وفالتيدي خاصة اذا كانوا ملاح ، ولا حوسوا على بروف مليح تحضروا عندو ✅
التمارين تاع التيدي هوما تماىين نموذجية جدا للامتحان ، لذلك حلوها كي تكونوا تراجعوا ✅
إذا كان عندكم شوية تعريفات حاولوا تحفظوهم أو تتفكروهم ✅
القوانين ياك علابالكم كيفاش يتحفظو ؟! ماشي حفظا كيما المصطلحات ، بصح بالممارسة كيما كنا في الليسي تماما



المراجع :
بصراحة أنا نحير ف لي يكثروا المراجع في الشيمي ويزيدو يبحروا رواحهم
لأنو الشيمي لي راح تقراوها ف سنة أولى طب راح تكون بسيطة بزاف مقارنة بواش تلقاو فالكتب الخارجية
لكن رغم ذلك :

كاين كتاب ammie_chimie هو أكثر كتاب تقدرو تلقاو فيه تمارين تفيدكم
متوفر pdf مش شرط تشروه



- نقدروا نقراوها من اليوتيوب ؟!
أكيد ✅ ومالا علاه كاين يوتيوب

من بين القنوات لي كانت تساعدني

Paul olivier
Les bons profs
Mohssine El Miski
Amateur de chimie تلقاو عندو ليكور تع S1 برك
Ammara Mourad prof f ziania


بالنسبة للقنوات صدقوني كاين بزاف مفيدين ، كل واحد يكتشف كل مرة قناة جديدة

لذلك ننصحكم تقراو ليكور تاعكم في الوقت باش تقدرو تبحثو براحتكم عن فيديو مشروح مليح ، وحاولوا في أول شهر تتعرفوا وتكتشفوا القنوات في كل مقياس

تعديل 🥲
يا رفاق كنت نڨصر من نيتكمم

مكانش منها أدوات في جامعة الطب ، ديرو وش تحبو ، أوراق بيضاء ، طابلات ، كراريس ، واحد ما يسالكم



برك ننصحكم تحافظوا على الآلة الحاسبة العلمية تاعكم لأنكم راح تحتاجوها

Hey
now we're gonna talk bout histology
بالعربية علم الانسجة
-مقياس مشترك بين التخصصات الطبية الثلاث تقراو نفس ليكور
🎀مقياس فصلي بالنسبة لجماعة الطب

🎀مقياس سنوي بالنسبة لطب الأسنان
🎀=I'm just a module
نحرش و الله 😂
رح نقراو فيه على الانسجة عموما في الجسم tissu épithéliales,tissu osseux, sanguine و غيرها

🔻أفضل تقراو اناتومي قبل ما تقراو ايستو خاطر هكاك تجي اسهل
🔻ساهل و لا مش ساهل هو مقياس عادي بالنسبة ليا كان سامط شوي و غير مستحب 😂 لانو فيه شوي تفاصيل لاكن مع التكرار رح يجيكم ساهل حاولو تحفظو من اللول برك باش تحكموه مليح

🔻كيفاه تقراوه:
في الزيانية عندنا مور و عندنا ديالو تقولولي وشنو الفرق
الكور رح يكون بزاف كتبة كيما المقابلات تع الفيلو بالضبط لانو فيه الشرح المفضل تع الكور تاعكم
اما الديابو فرح يكون أقل كتبة و اكثر رسومات
🔻باش كنت نقرا ؟
انا قريت بيهم في زوج
لي ما عندوش الوقت يقرا بالديابو برك لاكن الكور فيه تفاصيل زايدة مرات ميكرو ليبروف و يسقسيو منهم سما تفاديا لاي حاجة تقراو من الكور ثاني
عن نفسي كنت نشد الكور و الديابو نحطهم قدامي و ندير مخططات الطريقة الوحيدة لي نفعتني و سهلتلي
المخططات كانو يشدولي بزاف اليد صراحة و كنت نطول معاهم لاكن كي نكملهم نكون كتبت كامل التفاصيل و شفيت على اغلبهم نبقى نعاود برك حتى نحفظ مبعد نصورلكم مثال

🔻المراجع لي قريت بيهم هوما ليكور تاعنا برك تقريبا إضافة لوحد الملخص ضرك نحطولكم كان ينضملي معلوماتي

🔻قنوات اليوتيوب عن نفسي اعتمدت على قناة وحدة دايرة كلش و بزاف عاونتني
Nouradrénaline
https://youtube.com/@noradrenaline-is8wu?si=Sm7UH3l1jsPDVX7P
خلوها عندكم رح تحتاجوها بزاف


🔻نصيحتي ابداوه من بداية العام موديل شوي طويل و فيه بزاف تفاصيل يحتاج بزاف التكرار باش ما تحصلوش معاه مبعد
اذا عندكم اسئلة قولولي 💗

هذا ملخص اسطورة ثاني قريت بيه خلوه عندكم
+بعض الملخصات من mystidia

الموديل لي بعدو
Cytologie=علم الخلايا
🎀مقياس سنوي مشترك بين التخصصات الطبية الثلاث
🎀رح نقراو فيه انواع الخلايا و مميزاتها و كل حاجة متعلقة بيهم طرق النقل رح تقراو على الغشاء الهيولي و غيرو و غيرو بالمختصر كل ما يخص المستوى الخلوي

🎀تقدرو تقراوه وقت ما تحبو ماكانش موديل متعلق بيه لذيك الدرجة ممكن لو قريتوه قبل ايستو رح تساعدهم كثر
🎀موديل بزاف بزاف ساهل و حلو ما فيه حتى تعقيدات حنا جماعة الدونتار لبروف هي لي عقدتنا منو 😂 اما هو موديل بزاف هايل
🎀رح يبانلكم بزاف طويل ممكن في الكور نلقاو 90 ديابو مرات يفوت
ما يخلعكم ما والو هاذوك ڨع رسمات هو ما فيه والو
موديل تع حفظ مع القليل من الفهم
🎀كفاش تقراوه ؟
انا كنت نقراه بنفس طريقة الايستو نحكم الكور و نبدا ندير في المخططات كي تصعبلي حاجة نشوف اليوتيوب و لا chat gbt كنت و مزلت نخدم ب sider ذباست حرفيا (نصحني بيه a good person 😂)
و احفظو و كررو برك تشفاو
🎀في بعض الكليات رح يكون هو و ايستو و امبريو نفس الامتحان تحت مسمى la biologie و يكون عندهم علامة وحدة
🎀المراجع لي قريت بيهم
قريت بليكور تاعنا و ملخصات صحبتي 😂 مريم كان تعرفوها ملخصاتها عالميين
🎀قنوات اليوتيوب
انا كنت نشوف مزيان اكاديمي مرات برك داير كلش من المفروض عموما مش رح تحتاجو بزاف لانو موديل باين و ساهل

كيفو كيف ليموديل لخرين أبداو ملول ما تخلوش رواحكم تنضغطو معاه و ربي يسهلكم
اذا تحتاجو اي حاجة I'm here to help 💗

هيييلو انا جيت 🌝
ليوم نحكو على الموديل لي نحبو و ما يحبنيش 😂 حب من طرف واحد خوتي المهم
Biochimie و لا كيمياء حيوية
🎀مقياس سنوي يقراوه التخصصات الطبية الثلاث
🎀تقراو فيه التحويلات الكيميائية الحادثة في الجسم كيما تشكل الڨلوكوز و التفكك تاعو تقراو التنفس و هك حاجات يعني

🎀رح تقرا structure لي هي البنية تع بزاف حاجات الغلوكوز، الدسم، الاحماض الامنية و غيرها
و رح نقراو métabolisme لي هي البناء و الهدم تع الحاجات هاذوك
🎀ماهوش مربوط بموديل وحداخر اقراوه وقت تحبو لاكن موديل طويل و فيه بزاف

تقولولي من ناحية واه بزاف
🎀رح نقراو تفاعلات مثلا cycle de Krebs فيها 8 تفاعلات كل تفاعل رح نقراو
- المتفاعل - الناتج تاعو - الانزيم المتدخل - وش نحتاجو في التفاعل - هل التفاعل هاذاك réversible où bien irréversible - رح تقراو المحفزات و المثبطات للتفاعل هاذاك
هاذي بالنسبة لل métabolisme يعني حاولو تبداو ملول خاطر يحتاج تعاودوه بزاف باش تشفاو

🎀موديل حلو بزاف مالغري كنت ما تجيبش فيه بصح يستاهل تقراوه و رح نتمتعو و نتوما تقراو فيه أصلا
🎀كفاش تقراوه :
انا ننصحكم ديرو ملخصات خاطر الكور صراحة رح يجي بزاف بزاف طويل وين تقدرو وحدكم ديرو ملخص و ما يكونش طويل لهاذاك الحد و يكون مفهوم اكثر
كيما انا في التفاعلات هاذوك كنت نرسم التفاعلات تع سلسلة وحدة في صفحة وحدة و ندير فيها كلش متعلق بيها غدوا نحوسلكم و نفهمكم وش قصدي و رح يسهال عليكم الحفظ اكثر و اكثر احسن من تقراو من الكور
🎀المراجع لي قريت بيهم
ليكور تاعنا كنت نلخصهم و كنت نستعين بملخصات من mystidia رح يسهلو عليكم كثر
🎀قنوات اليوتيوب
كاين med with Sara
https://youtube.com/@medicinewithsarah?si=zvhLGpIJw_ghawtB
و كاين Dr Batman
https://youtube.com/@dr.batman1?si=8_ZfMbrYDLz_AMAt


نورمالمون هذا وش كاين ابداو بكري و كلش يجيكم ساهل و الله
Any questions am here

Salam !
Hada lien orientation l 1ere année med dent ida t3erfo chi new baby dentiste b3tholhom yestfado

مصطلحات الاناطومي

En haut في الاعلى
En bas في الاسفل
En dedans بالداخل
En dehors بالخارج
Latérale قريب للخارج
Médiale قريب للداخل
En avant الامام
En arrière خلف
Dessus فوق
Dessous تحت
Palpable قابل للمس
Convexe محدب
Concave مقعر
Os عظم
Articulation مفصل
Muscle عضلة
Artèreشريان
Nerf عصب
Veine وريد
Lymphatique لمف

I think this is gonna help you
https://t.me/medstar1er

السلام عليكم ان شاء الله تكونو بخير 💗
نرملمو كاين بزاف جامعيين هنا يسما جبتلكم وحد السيت تقدرو تخدمو منو des qcm يعاونوكم بش تثبتو الكور تاعكم رح ينفعكم بإذن الله .
إسمو Magic School Ai
رح نحطلكم فيديو يشرحلكم كيفاه تدخلو وتخدمو بيه 🥰

قناة تع طالبة تعاون فيها سنة اولى طب ادخلولها وان شاء الله تفيدكم ❤️🫶

مراجع السنة اولى طب