حلو إن كل شيء نتعلّمه بالحياة يكون درس، سواء كان ذكرى موقف، أو حتى أشياء حلوة وأخرى موجعة كل تجربة تغيّر بينا شيئًا، وحتى الأشياء اللي تكسرنا أحيانًا هي نفسها اللي تجبر بخاطرنا لاحقًا بعض المواقف تاخذنا لذاكرة، وبعضها يصير خيط نجاة، أو خيط أمل نتعلّق به دون ما نحس!
فأي شيء يصير وياك، تقبّله برحابة صدر، لأن الحلو والمو حلو بحياتنا هم اللي يوعّونا على أشياء هواي أماكن حُرمنا منها، وأشخاص كانوا شرّ لنا واحنا ما انتبهنا ولما نفكّر بالذكريات المؤلمة، نفرح لأنها قوّتنا وكشفت لنا جوانب كنا غافلين عنها فاطمئن!
ورا كل شي يصير فرحة عظيمة بالطريق

بتعب الحياة كلها
حتلكى راحتك بكم شخص بحياتك
الاشخاص الي يتفهمونك ويكونون وياك
بالحلوه والمره بالصعبه والسهله
الي ترتاح يمهم وتنسى كل صعب
تمُر بي بحياتك
وتحلو لحظاتك وياهم وتبقى تتسجل
ذكريات محفوظه بذاكرتك
كلنا عدنا هالناس بحياتنا وهمَ عوض
عن كل شخص جان وجوده مؤذي بحياتنا
لذلك لازم نحافظ عليهم ونقدملهم
كل الحب سواء كانوا من العائله، أو الاصدقاء 💕.

راح تضل مفكر إن الشكل كلشي
لحد ما تعاشر شخص شكله حلو واخلاقه تعبانه
راح تضل مفكر إن الفلوس كلشي
لحد ما تعيش ويه واحد عنده فلوس ونفسيته سوده
راح تضل مفكر إن المتدين هو أحسن شخص..
لحد ما تجرب تتقرب من واحد حافظ الدين
وتكتشف ماكو اي رحمه بقلبه
راح تضل مفكر إن ألطف إنسان هو اكثر شخص محبوب لحد ما تعرف واحد محبوب بس تشوف نفاقه
وبعد ما تتقرب من كل أنواع البشر
هاي راح تعرف ان احسن إنسان بالدنيا هاي هوا الي قلبه نظيف وميتدخل بغيره ويصون عشرتك ويقدر وجودك 👩‍❤️‍💋‍👨.

حقيقي

سلام عليكم
شكد ترد على ناس بحياتك؟
بس راح تصير اخرس كدام جمله
" محد كلك تسوي كل هذا علمودي "

أعتقد أن الإنسان حين يقع في حب الشخص المناسب لا ينسي أوجاعه كلها لكنه يتوقف عن محاسبة العالم عليها
يستطيع أن يُسامح من أذاه ، من مر على قلبه وترك فيه خيبة ، ليس لأنهم استحقوا بل لأن قلبه وجد أخيرا ما كان يبحث عنه طويلاً
وحينها سيقول:
ما حاجتي بالعالم وقد صار عالمي معي 🤎.

مو كُل شخص يقرّب منك يستحق يشوف كُل تفاصيلك، ولا كُل واحد لازم يتعود إنك تتنازل أله بكُل مرة حتى ترضيه.

من البداية خلّي إلك حدود واضحة، لأن الحدود مو قسوة ولا تكبّر، بالعكس هي أحترام لنفسك ولمكانتك.
أكو ناس إذا شافوك ساكت عن كُل تصرف، يفسرون سكوتك على إنه موافقة، ويتعودون يتجاوزون أكثر وأكثر.
ولمن تجي توكفهم عند حدهم، يكُلبون الموضوع عليك ويكولون إنو أنتَ تغيّرت، مع إنو أنتَ بس قررت تحافظ على كرامتك..

لا تخلي لطفك ينفهم ضعف، ولا مجاملاتك تصير باب يتجاوزون بتصرفاتهم عليك. الشخص اللي يقدّرك راح يحترم حدودك، واللي يزعل منها عمره ما چان يحترمك من الأساس..

من تتخطى فترة صعبة بحياتك، وره مدة تكَعد تتذكر تقلباتك ونفسيتك بهلفترة تصفن وتكول بشكل لا إرادي "شكد دراما جنت" وهو الموضوع مو دراما، بس الموضوع هو انت طلعت من الدائرة والقوقعة الي جنت بيها وبقيت تشوف الموضوع من منظور مختلف وللأمانة رح تكولون لو رايحين من زمان تأخرنه يلا رحنه! من بعد ماجان خوفكم الوحيد تروحون
رح تتمنون لو رايحين من زمان

بيت يأويك، وسقف يسترك، وباب ينغلق حتى تحس بالأمان، وفراش يحتضن تعب الأيام، ومي بارد يرويك، وأكل يشبعك، ولبس يدفّيك، وصحة تحملك بدروب الحياة بدون ما تحس بثقلها، وعيون تبصر بيها جمال الدُنيا، وأذان تسمع بيها كلشي يفرّح القلب، ولسان يذكر الله ويحمده، وإيدين تمتد للعطاء، ورجلين يشيلنك وين ما تريد، وعقل يفكّر، وقلب يحس، ونَفس كُل يوم تنعطي فرصة جديدة حتى تبدي من جديد، وترجع للمكان اللي تنتمي أله، وتلكه وجوه تحبك، وأصوات تطمنك، وقلوب تدعيلك بغيابك..

نعمة إنو تنام وقلبك مرتاح، وتگعد وجسمك معافى، وروحك بعدها بيها قدرة تكمل الطريق، وصبر يزرعه الله بداخلك من تضيق بيك الأيام، وبصيرة تهديك، وإيمان يثبت روحك، ويخليك تعرف إنو كُلشي فات ما چان إلا لحكمة، وإنو كُلشي جاي يحمل وياه لطف الله ورحمته. هواي نعم ما نحس بيها لأن صارت جزء من يومنا وتفاصيل حياتنا، لكن لو غابت لحظة وحدة، راح نعرف شكد جانت عظيمة. فالحمد لله على النعم اللي نشوفها، وعلى النعم اللي تعودنا عليها لدرجة نسينا نشكرها، وعلى الألطاف الخفية اللي تحيط بينا بكل لحظة. الحمد لله على نعمة الله اللي ساكنة بأبسط تفاصيل الحياة قبل أكبرها، وعلى عطاءه اللي ما ينقطع، وعلى رحمته اللي تسبق طلبنا، وعلى فضله اللي ما نكدر نعدّه ولا نحصيه..

لا تيأس إذا تأخر اللي تتمناه، لأن مو كُل تأخيرة يعني حرمان..
مرات الله يأخر الشي حتى يجيك بأفضل وقت وبأحسن صورة. أنتَ عليك بس تسعى بكُل اللي تكدر عليه..
لا تقارن نفسك بأحد ابدًا، لأن كُل واحد بينة أله وقتج ورزقة ونصيبة من رب العالمين. وإذا تعبت، تذكر إنو رب العالمين ما يضيّع تعب إنسان صدك سعى واجتهد وحاول..
بيوم من الأيام راح تلتفت ليورة وتعرف إنو كُل خطوة تعبت بيها چانت تستاهل

السلام عليكم
هية تخونك وانتَ تخونها واول واحد ينلزم خاين
مع السلامة

أعاتبك مو لأن العتب يغيّرك،
أعاتبك لأنك الشخص الوحيد اللي يهمني زعله ورضاه…
بس تدري شنو يوجع؟
إنّي كل مرة أجي أعاتبك، أرجع ألوم نفسي وأكول:
«يمكن هو ما قصر، يمكن آني حبيته أكثر من اللازم.»
آني ما أريد منك المستحيل،
ولا أريد تبقى وياي كل دقيقة…
بس أريد أحس إن غيابي يفرق وياك مثل ما غيابك يهدّ حيلي تعبت أضحك وأكول عادي،
وأنت تدري مو عادي تعبت أتصرف وكأنّي ما أهتم،
وأنا كل تفصيلة منك بعده إلها مكان بقلبي ،يمكن أنت نسيت شكد حبيتك،
بس آني ما نسيت…
ما نسيت صوتك، سوالفك، اهتمامك، وحتى الأشياء الصغيرة اللي يمكن بالنسبة إلك ما إلها معنى بالنسبة إلي كانت وطن
وأكثر شي يوجعني؟ مو إنك بعيد
اللي يوجع إنك قريب، بس مو مثل قبل
وأني بعدني أحبك
بس هالمرة حبي إلك ساكت،
لأن مرات الإنسان من كثر ما ينكسر،
حتى عتابه يصير بداخله...