#BUGUN TUG’ILGAN KUN

PROFESSOR MASTURA ISKANDAROVA

🔖 Texnika fanlari doktori, professor, Rossiya tabiiy fanlar akademiyasining muxbir-aʼzosi. Iskandarova Mastura 1948-yil 28-martda Chimkent viloyati, Sayram tumanidagi Qoramurt qishlogʼida tugʼilgan.

➡️ 1970-yildan ToshPI (keyinchalik Toshkent kimyo-texnologiya instutituti)da, 1999-yildan “Fan va taraqqiyot” DUKda, 2004-2006-yillarda Toshkent kimyo-texnologiya instituti kafedra mudiri lavozimida faoliyat yuritgan, 2010-yildan OʼzR FА Umumiy va noorganik kimyo institutida faoliyatni boshlab, 2013-2020 yillarda “Strom” ilmiy laboratoriyasi va sinov markazi rahbari, 2021-yildan shu laboratoriyaning bosh ilmiy xodimi lavozimida ishlab kelmoqda.

❗️ Аsosiy ilmiy yoʼnalishi - energiya sigʼimi kam past uglerodli klinkerlar, tabiiy va texnogen mineral chiqindilar va ularning gibridlari bilan legirlangan kam klinkerli sementlar olishning fizik-kimyoviy asoslari va “yashil” energiya-resurstejamkor texnologiyalarini ishlab chiqish.

▶️ Hozirda M. Iskandarova atmosferaga karbonat angidridini kam chiqaradigan, kimyoviy reaksiyaga kirishish faolligi yuqori xom-ashyo aralashmalaridan klinker olishni, sement tarkibidagi klinkerni maʼlum miqdorini almashtirish qobiliyatiga ega boʼlgan karbonatli qoʼshimchalar va ularning gibridlarini shakllantirib, xossalari yaxshilangan sementlar olish borasida tadqiqotlar olib bormoqda.

✏️ Uning ilmiy-amaliy izlanishlari natijalari boʼyicha 3ta oʼquv darslik va qoʼllanma, 4ta monogrfiya chop etilgan. U jami 600 dan ziyod, shu jumladan, nufuzli xorij jurnallari va toʼplamlarida chop etilgan maqola va tezislar, 11 ta ixtiroga mualliflik guvohnomasi, 1ta Rossiya patenti, 4 ta Oʼzbekiston patenti va 3ta foydali modelga patentlarning muallifi.
✔️ U 5 ta fan nomzodi, 4 ta falsafa doktori (RhD), 4 ta fan doktori dissertatsiyasiga rasman ilmiy rahbarlik qilgan va 16 nafar ilmiy daraja talabgorlariga tadqiqotlar olib borishda va dissertatsiya tayyorlashda norasmiy maslahatchi boʼlgan.

Olima Mastura Iskandarovani bugungi tug’ilgan kuni bilan O‘zbekiston Respublikasi Fanlar akademiyasi jamoasi nomidan tabriklaymiz. Ularga uzoq umr, mustahkam sog‘lik, kuch-quvvat, ilm-fan ravnaqi yo‘lida uzoq yillar o‘z hissalarini qo‘shishda, ilm ziyosini taratishda charchamasliklarini tilab qolamiz!


😎Telegram |🌐Websayt
😎Facebook |😎YouTube |😎Instagram

#KUN OLIMI

KUN OLIMI O‘zR FA Umumiy va noorganik kimyo instituti doktoranti, kimyo fanlari falsafa doktori, Xomidov Faxriddin G‘afurovich

✏️Tadqiqotchining 100 dan ortiq ilmiy ishlari, jumladan 1 ta o‘quv darsligi, 1 ta patent, 10 dan ortiq Web of Science va Scopus xalqaro bazalariga kirgan jurnallarda maqolalari chop etilgan.

🗣️ F.Xomidov Xalqaro “Shanxay hamkorlik tashkiloti” granti asosida 1 yillik hamda Xitoyning “China Foundation” granti asosida 3 yillik ilmiy pedagogik faoliyat olib borgan.

🗓Hozirgi vaqtda “Zol-gel usulida sintez qilingan ishqoriy-yer metallari alyumosilikat sistemalarida izomorfizm, struktura hosil bo‘lishi va fazaviy o‘zaro munosabatlar” mavzusida kimyo fanlari doktori (DSc) ilmiy darajasini olish uchun dissertatsiya ishini tayyorlamoqda.

✔️BMT ning O’zbekistonda cho’llashishning oldini olish bo’yicha bajarilgan xalqaro granti ishtirokchisi!

❗️Shuningdek, WoS va Scopus xalqaro bazasidagi H-indeksi 4 ga teng.


😎Telegram |🌐Websayt
😎Facebook |😎YouTube |😎Instagram