အမက်မောဆုံးက
လွတ်လပ်ခြင်းနဲ့အေးချမ်းခြင်းမို့
မည်သူတစ်ဦးတစ်ယောက်ကိုမှ
မေတ္တာကြောင့်ဖြစ်စေ
သံယောဇဉ်ကြောင့်ဖြစ်စေ
ချည်နှောင်ထားဖို့ စိတ်ကူးမရှိပါဘူး။

သူတို့ပိုင်တဲ့ သူတို့ဘဝ
အေးအေးချမ်းချမ်းပဲရှိကြပါစေ။

ဖားစည်ရည်ကျော်

#kiki #crd_to_owner_with_respect #quote #ForYou #notes

၁။ အာရိုက်လွန်းရင် လိမ်လည်တတ်လာလိမ့်မယ်။
၂။ စဥ်းစားလွန်းရင် စိတ်ဖိစီးလာလိမ့်မယ်။
၃။ ငိုကြွေးလွန်းရင် အမြင်အာရုံ ဆုံးရှုံးရလိမ့်မယ်။
၄။ ချစ်လွန်းရင် ကိုယ့်ကိုယ်ကိုယ် ဆုံးရှုံးရလိမ့်မယ်။
၅။ ဂရုစိုက်ပေးလွန်းရင် ပေါ့ပေါ့တန်တန် သဘောထားခံရလိမ့်မယ်။
၆။ ကျီစယ်နောက်ပြောင်လွန်းရင် အရာမဝင်သလို သဘောထားခံရလိမ့်မယ်။
၇။ ယုံကြည်လွန်းရင် သစ္စာဖောက်ခံရလိမ့်မယ်။
၈။ အလုပ်လုပ်လွန်းရင် စိတ်သောကနဲ့ သေရလိမ့်မယ်။
၉။ အစားမက်လွန်းရင် အစွဲအလမ်းကြီးလာလိမ့်မယ်။
၁၀။ အအိပ်မက်လွန်းရင် ချောင်ခိုပျင်းရိလာလိမ့်မယ်။
၁၁။ ဖြုန်းတီးလွန်းရင် အနာဂတ်မဲ့လာလိမ့်မယ်။
၁၂။ ပြင်ဆင်ခြယ်သလွန်းရင် ပင်ကိုအလှ ဆုံးရှုံးရလိမ့်မယ်။
၁၃။ ငေးမောလွန်းရင် ရည်စူးရာကို လက်လွှတ်ရလိမ့်မယ်။
၁၄။ သည်းခံလွန်းရင် အနိုင်ကျင့်ခံရလိမ့်မယ်။

ဒါပေမယ့် ...

၁၅။ ကောင်းကောင်းမွန်မွန် ဂရုစိုက်စောင့်ရှောက်ခံရလွန်းတဲ့အခါ မကောင်းမှုတွေကို စိတ်လိုလက်ရ ရှောင်ရှားနိုင်လိမ့်မယ်။
၁၆။ မဖက်တွယ် မဆုပ်ကိုင်ဘဲ စွန့်လွှတ်နိုင်လွန်းတဲ့အခါ စိတ်ငြိမ်းချမ်းမှု ရလိမ့်မယ်။

#crd & Photo
ကဲလွန်ခြင်းအကျိုးအပြစ်
(မာတီ ဟာနန်ဒတ်ဇ်)
#kiki #crd_to_owner_with_respect
#notes

လောကမှာ...
လူတိုင်း တုံပြန်တတ်ကြတယ် ။
ဒါပေမဲ့ ပညာရှိလို တုံ့ပြန်တာနဲ့
အောက်တန်းကျကျ တုံ့ပြန်တတ်တာ ကွာသွားတယ် ။

လူတိုင်း အတင်းပြောတတ်တယ် ။
လူ့သဘာဝအရ တခြားသူကို
ဒါပေမဲ့ အပေါ်ယံ ဝေဖန်မိတာနဲ့
အောက်တန်းကျကျ privacy ထိပါးတာ ကွာသွားတယ် ။

လူတိုင်းမှာ hate list ရှိတယ် ။
မုန်းတာနဲ့အညီ ဥပက္ခာပြု အဖတ်မလုပ်ပဲ
ကိုယ့်ဘဝကို လျှောက်နေတတ်တဲ့ သူနဲ့
မုန်းတယ်သာပြောပြီး တစ်ချိန်လုံး လိုက် Stalk လုပ် ထိုင်ပူလောင်နေတဲ့သူ ဆိုပြီး ကွာသွားတယ် ။

လူတိုင်းမှာ ပါးစပ်ပါတယ် ။
ပြောသင့်မပြောသင့် ချင့်ချိန်ပြီး
မြိုချသင့်ချိန် မြိုချထားတဲ့သူနဲ့
စကားဖြစ်ပြီးရော ပြောသူဆိုပြီး ကွာသွားတယ် ။

လူတိုင်းမှာ အားနည်းချက်ရှိတယ် ။
သူများအားနည်းချက်ကို မထိပါးတဲ့သူနဲ့
သူများအားနည်းချက်ကို နင်းတဲ့သူ ကွာသွားတယ် ။

လူတိုင်းမှာ သူ့အကြောင်းနဲ့သူ ရှိတယ် ။
သူများကိစ္စ စိတ်မဝင်စားတဲ့သူနဲ့
အလုပ်မရှိအကိုင်မရှိ သူများနောက်ကြောင်း
လိုက်လှန်နေတဲ့သူ ကွာသွားတယ် ။

ဒီလိုပါပဲ လူတိုင်း တူညီစွာ တန့်ပြန်တတ်ပေမယ့်
ကိုယ်ချင်းစာစိတ် ရှိသူ နဲ့ မရှိသူရဲ့
တုန့်ပြန်မှုတွေကတော့ ကွာခြားသွားတတ်တယ် ။

နာကျင်အောင်မပြောတတ်တာ မဟုတ်ဘဲ
ကိုယ့်ကြောင့် တစ်ဖက်သား
နာကျင်သွားမှာစိုးတဲ့ စိတ်ကြောင့်
ရပ်တန့်လိုက်ရတဲ့ အခြေအနေတွေ ရှိပါတယ် ။

စကားတစ်ခွန်းကြောင့် လူရဲ့စိတ်ကို
အကြိမ်ကြိမ် သေစေတယ် ။

#crd_to_owner_with_respect
#kiki
#hello
#notes

အရာအားလုံးမှာပိုကောင်းတဲ့နည်းလမ်းဆိုတာရှိစမြဲပါ :)

#crd_photo
#kiki
#for_u

စိတ်မပျော်တဲ့အခါ ....

#sar
#kiki
#hello
#quotes

" စိတ်မပျော်တဲ့အခါ "

- နားကြပ်တပ်ပြီး သီချင်းနားထောင်ပါ ။

- motivation ပေးတဲ့ စာအုပ် ဖတ်ပါ ။

- စိိတ်မထိန်းနိုင်တဲ့အခါ ငိုချင် ငိုလိုက်ပါ ။

- ဘာမှ မတွေးဘဲ တရေးလောက် အိပ်လိုက်ပါ ။

- အချိုဓာတ်လေး အနည်းငယ် ဖြည့်ပေးပါ ။
ဥပမာ ကိတ်စားတာ၊သကြားလုံးငုံပေးတာ ။
ဘဝက ခါးပေမဲ့ လက်ထဲမှာ သကြားလုံး ရှိတယ်လေ ။

- ဆရာလယ်တွင်းသားစောချစ်ရဲ့ စာပေ ဟောပြောပွဲတွေ နားထောင်ကြည့်ပါ ။

- ခံစားနေရတာ စာအုပ်ထဲ ချရေးလိုက်ပါ ။
စိတ်မပျော်တဲ့အကြောင်း သုံးခါလောက် ထပ်ခါထပ်ခါ ချရေးလိုက်ပါ ။ ဒီအရာက ထင်သလောက် အရေးမပါမှန်း သိသွားမယ် ။

- ဖုန်းထဲက Album ထဲ ကိုယ့်ဓာတ်ပုံတွေကို ပြန်ကြည့်ပါ ။အမှတ်တရကောင်းတွေကို ပြန်တွေးကြည့်ပါ ။

- ဘဝက ထင်သလောက် မလွယ်ကူဘူး ။ ကြိုးစားရှင်သန်ရတယ်ဆိုတာ သတိရပါ ။

- ကောင်းကင်ပေါ်က ငှက်လေးတွေကို ငေးကြည့်ပါ ။ တောင်တန်းတွေကို ကြည့်ပါ ။

- ဝါသနာပါရာ တစ်ခုခု လုပ်ပါ ။ ပန်းချီဆွဲတာ ၊ ဂီတာတီးတာ ၊ ဟင်းချက်တာ ၊ ဂိမ်းဆော့တာ ၊ ပန်းစိုက်တာ
စသဖြင့် ။

- Run Your Race ကိုယ့်ဘဝရဲ့ လမ်းကြောင်းပေါ်မှာပဲ ပြေးနေပါ ။

- It's a bad day not a bad life ဆိုတဲ့ စကားကို ပြန်သတိရလိုက်ပါ ။

- ဘာမှ လုပ်ချင်စိတ်မရှိရင် ဒီတိုင်း စိတ်ကို လေလွင့်ခွင့်ပေးလိုက်ပါ ။ ခဏလောက် လွတ်ချလိုက်ပါ ။

( ကိုယ့်ဘဝအတွက် ကိုယ်ဟာ အမြဲတမ်း ကြံ့ခိုင်သန်မာနေရမယ် ။ မောလာတဲ့အခါ စိတ်ရောကိုယ်ပါ ခဏအနားယူပြီး ပြန်ရှေ့ဆက်ကြမယ် ။ အေးဆေးပေါ့....။ )

#credit
#kiki
#notes
#for_my_cuties

ကိုယ့်အတွေးနဲ့ကိုယ်နေပါ
================

ကိုယ့်ကိုမဝင်စေချင်လို့
ပိတ်ထားတဲ့တံခါးတွေကို
အတင်းဖွင့်မကြည့်ပါနဲ့
အသာလေးပဲလှည့်ပြန်ခဲ့ပါ။

ကိုယ့်ကိုမပြုံးပြချင်လို့
မြင်တာနဲ့မျက်နှာလွှဲလွှဲသွားတဲ့လူတွေကို
နောက်တစ်ခေါက်တွေ့ရင်
တည်တည်ငြိမ်ငြိမ်နဲ့ကြည့်နိုင်ဖို့
လေ့ကျင့်ထားပါ။

ကိုယ်နဲ့မပြောချင်လို့မကိုင်တဲ့ဖုန်းတွေကို
နောက်တစ်ခါထပ်မဆက်ဖြစ်အောင်
ကြိုးစားနေထိုင်ပါ။

ကိုယ့်ကိုမပြောချင်လို့
seen ဖြစ်ရဲ့သားနဲ့
မပြန်တဲ့ message တွေရှိခဲ့ရင်
နောက်ထပ်မပို့ဖြစ်အောင်ကြိုးစားပါ။

ကိုယ့်ကို unfriend လုပ်သွားတဲ့သူတွေကို
နောက်တစ်ခါထပ် မ add မိအောင်သတိထားပါ .

ကိုယ်နဲ့ဆက်ဆံရေးကျဲသွားတဲ့သူတွေကို
သူတို့စိတ်မပါပဲ အတင်းလိုက်မရောမိအောင်
သတိထားနေထိုင်ပါ။

ဟုတ်ကဲ့
ဒီအဖြစ်အပျက်တွေကြောင့်
သင်ဝမ်းမနည်းပါနဲ့ ။

ဘယ်ဘုရားကိုမှ
လူအကုန်လက်မခံပါဘူး
ဘယ်နိုင်ငံခေါင်းဆောင်ကိုမှ
လူအကုန်မထောက်ခံပါဘူး
ဘယ်အနုပညာရှင်ကိုမှ
၁၀၀%လူအကုန်မထောက်ခံပါဘူး .။
ဒါဆို
သင့်ကိုရော ?
လူတချို့လက်မခံကြတာ
ဆန်းသလား မိတ်ဆွေ....

လူအားလုံးစိတ်တိုင်းကျအောင်
နေပေးဖို့စိတ်မကူးပါနဲ့။

လူအားလုံးသဘောကျအောင်
ပြောနေဖို့လည်း မကြိုးစားပါနဲ့။

ကိုယ့်အတွေးနဲ့ကိုနေပါ။

ကိုယ့်အလုပ်ကိုသာ ကိုလုပ်ပါ။

ပြောစရာရှိတဲ့စကားကို
ရဲရဲဝံ့ဝံ့သာပြောပါ။

ကိုယ့်ယုံကြည်ချက်ကို
ကိုယ်သစ္စာရှိပါ။

ဘယ်သူမှသဘောမကျလည်း
မိမိကိုယ်မိမိ သဘောကျခြင်း
မိမိကိုယ်မိမိ ယုံကြည်ခြင်း ကသာ
ဘဝအတွက်အရေးကြီးတာပါ။

Credit:
ရွှေသုဝဏ်

#kiki
#hello
#notes
#quotes

တစ်ယောက်တည်းနေရတဲ့အချိန်တွေသာများလာရင် အထီးကျန်တယ်ဆိုတာကို မင်းသတိထားမိတော့မှာမဟုတ်ဘူး..။

သီချင်းတွေကိုသာ ကြိုက်တတ်ရင်..
ရုပ်ရှင်ကားတွေကိုသာခံစားတတ်ရင်..
ချစ်ခြင်းမေတ္တာကို အပြင်မှာခံစားဖို့လိုတော့မှာ မဟုတ်ဘူး။

အိမ်မွေးတိရစ္ဆာန်လေးတွေ မင်းချစ်တတ်ရင်
မင်းဘဝဟာ အထီးကျန်မှာမဟုတ်တော့ဘူး။

သဘာဝတွေကိုသာချစ်ရင်
တောင်တန်းနဲ့ပင်လယ်ဆီအလယ်သွားရတာကို
ပျော်တယ်ဆိုရင် မင်းအတွက်အသက်ရှင်နေရခြင်းဟာ
အဓိပ္ပါယ်ရှိမှာပါ..။

စာအုပ်တွေကိုသာ ချစ်တတ်ရင်...
အိပ်ခန်းကျဥ်းကျဥ်းလေးကိုလည်း ခင်တွယ်နိုင်တယ်။

လုပ်ပေးနိုင်တာကိုလုပ်ပေးပြီး
ဘာကိုမှမမျှော်လင့်တတ်တဲ့စိတ်ထား မင်းမှာရှိတယ်ဆိုရင် မင်းဘဝဟာသိပ်အေးချမ်းလိမ့်မယ်။

ကိုယ်ကြိုက်တာတွေချက်ပြုတ်စားရတာဝါသနာပါတယ်ဆိုရင် မင်းလုပ်ငန်းခွင်ဝင်ရတာ ပျော်လာလိမ့်မယ်။အားလပ်ချိန်မှာ ကိုယ်ကြိုက်တဲ့အစားအစာတွေနဲ့ကိုယ်တိုင်အနားယူတတ်ဖို့ဆိုရင် မင်းပိုက်ဆံရှာဖို့လိုတယ်လေ..။

မင်းသာ ကိုယ့်အစွမ်းအစနဲ့ ကို ဆိုတဲ့စကားကို
သိပ်သဘောကျရင်... သေချာတယ်
မင်းဟာ တော်တဲ့ ထက်တဲ့လူတစ်ယောက်ဖြစ်လာမှာပဲ
ပြီးတော့မင်းဘဝနဲ့မင်းနေလည်း ပျော်လာလိမ့်မယ်။

#Nayvel
#crd
#for_girls
#kiki
#notes
#quotes

ဟယ်လိုပါ သူငယ်ချင်းလေးတို့

မင်မင်ကတော့ kiki ပါရှင်။

သူငယ်ချင်းလေးတို့ကို ဂါကြေညာစရာလေးရှိပါတယ်နော်။

ဂါလဝက်လောက်ခနပျောက်ပါမယ်။ စာမေးပွဲလေးပြီးသွားရင်တော့ ပြန်ပေါ်လာမှာပါ။ အဲ့ခါကျရင်ချန်နယ်လေးလဲအသစ်ဖွင့်ဖို့စဉ်းစားထားပါတယ်။

ဒီချန်နယ်လေးကိုလဲဆက်ရန်းပြီးဆက်ထားမှာပါ။ ဘာလို့လဲဆိုတော့ ဂါရဲ့ခင်မင်ရတဲ့မင်မင်တွေ နှင်း ၊ ပုရွက်ဆိတ် ၊ သက်ပိုင်ရယ်ကနေစခဲ့ပြီး ထပ်တိုးပြီးအကြောင်းအမျိုးမျိုးကြောင့် ထွက်သွားတဲ့ မင်မင် ဆု ၊ မှူး ၊ ဝတ်ရည် ၊ စဝ်လင်း ၊ ပိုး တို့နဲ့အတူတူရန်းခဲ့တဲ့ချန်နယ်လေးမလို့ပါ။

ပြီးတော့ချန်နယ်ထဲကသူငယ်ချင်းလေးတွေက ခုချိန်ထိစိတ်ရှည်ရှည်နဲ့ဆက်ရှိနေပေးတာကော ၊ ခင်မင်မှုနဲ့ ဝင်ပြီးဂျွိုင်းပေးခဲ့ကြတဲ့ တစ်ယောက်ချင်းစီတိုင်းကိုကေျးဇူးတင်ပါတယ်နော်။

ထွက်သွားတဲ့သူငယ်ချင်းလေးတွေကိုလဲ

ခွဲခွာရမည့်အချိန်များအား ချိုမြိန်ပါစေလေ
နာကျင်မှုများသည်လည်း
တေးသွားများသာဖြစ်ပါစေတော့

လို့ နှုတ်ဆက်စကားဆိုရင်း

ခုရက်ပိုင်းအတောအတွင်းမှာ ဂရုစိုက်ကြပါနော်။ ကျန်းမာရေး ၊ သွားရေးလာရေး၊ ညဘက်ဖြစ်နိုင်ရင်အပြင်မထွက်တာအကောင်းဆုံးပဲနော် ။

အားလုံးကိုချစ်ပါတယ်နော်။

မင်မင်ဂါလေး။ ( ငြိမ်းချမ်းရေးပန်းတွေပွင့်ဖို့ စောင့်ရချိန်မကြာစေချင် )

ဘဝကိုကဗျာဖွဲ့တဲ့အခါ

လူတစ်ချို့က တိမ်ယံတွေဖြစ်လာတယ်။

လူတစ်ချို့က ကြယ်လေးတွေဖြစ်လာတယ်

လူတစ်ချို့က ကောင်းကင်ကြီးလိုဖြစ်ပြီး

လူတစ်ချို့က တောငိတန်းတွေလိုပဲ

တစ်ချို့ကျတော့လဲ ပင်လယ်ပြာကြီးလို

အဓိပ္ပာယ်အမျိုးမျိုးနဲ့ ရောင်စုံခြယ်သထားတဲ့လူအမျိုးမျိုးနဲ့ တွေ့ဆုံရာရထားတစ်စီး လို့ပဲဆိုလိုက်ချင်တယ်။

#own_idea
#kiki
#forward_only
#crd_photo

( တိမ်ယံတွေရဲ့အဝေးဆုံးကိုသာရည်ရွယ်လို့ ) GGo