【同一海洋上We are on the same ocean】
文｜何偉航 Stanley HO Wai-hong
碼頭工潮，相信是近十年被香港人討論及參與較多的一次經濟性罷工。離散在即，很想提起一些當年「小事」。
工潮初期，禁制令於黃昏在高院頒令，零晨12時生效，我們很是憂心，工業行動是否從此結束？勞資談判如何繼續？300幾位工人未來如何？太多太多需要處理的問題，急忙趕回6號碼頭，與一眾工會領袖、談判代表商討。到最後大家決定繼續罷工，但留守場地設在碼頭外，建立「碼頭村」，讓堅持下去的工人能有短暫棲息的地方，而碼頭工會亦將當處成為臨時罷工總部，繼續策劃後來的事。不少工人及市民連忙執拾細軟物資，有工友一路執一路喊，亦有工友以堅定眼神回應當前危急情況。我在旁亦眼濕濕，身旁的工會領袖白頭賢搭著膊頭說：一切都未完，別灰心。另一位工友走來說：呢鋪我借邦民都會撐到底，快D去執野！就在當晚，碼頭村便成了雛形。
罷工很多時候工友都「冇野做」，保持隊形、堅定意志成了罷工40日的主脈絡。星期日放假，工友的家人及兒女放假，會到碼頭村或長江中心門外「探家人」，帶埋親手預備的「飯盒」，與在抗爭的「爸爸」、「老公」或「男朋友」一起露天食飯，閒時傾計望著電話內的網上新聞，「嘩！爸爸呀！」，工友會心微笑，是支撐繼續下去的重要力量。其他有心的民間團體又會為碼頭工人的家庭搞親子活動、唱歌話劇，目的是繼續延續鬥志，「團火唔好熄」，同時也是不在罷工但仍然十分關心工人的香港市民的重要參與。
工會經過很多組織工作、溝通聯絡，才有這次行動。為何開啟罷工時能一呼百應？除了存在於碼頭內多年的憤怒，更重要是當中有工友肯願意花時間，與不同工種的工友溝通，討論各類工種工友的處境。我很記得，有位工友落力呼籲其他未罷工的工友參與工業行動時，多次講「喂落黎啦！唔好再做縮頭龜喇！」雖然他的呼籲，未必引起更多工友關注，不過卻燃起身旁同行的工友與他繼續行落去。他們當時的眼神，都是堅定的，都是有自信的。
最令我印象深刻的片段，都是一些「撐下去」的小片段。
(拾回工運事 1/3)
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK
文｜何偉航 Stanley HO Wai-hong
碼頭工潮，相信是近十年被香港人討論及參與較多的一次經濟性罷工。離散在即，很想提起一些當年「小事」。
工潮初期，禁制令於黃昏在高院頒令，零晨12時生效，我們很是憂心，工業行動是否從此結束？勞資談判如何繼續？300幾位工人未來如何？太多太多需要處理的問題，急忙趕回6號碼頭，與一眾工會領袖、談判代表商討。到最後大家決定繼續罷工，但留守場地設在碼頭外，建立「碼頭村」，讓堅持下去的工人能有短暫棲息的地方，而碼頭工會亦將當處成為臨時罷工總部，繼續策劃後來的事。不少工人及市民連忙執拾細軟物資，有工友一路執一路喊，亦有工友以堅定眼神回應當前危急情況。我在旁亦眼濕濕，身旁的工會領袖白頭賢搭著膊頭說：一切都未完，別灰心。另一位工友走來說：呢鋪我借邦民都會撐到底，快D去執野！就在當晚，碼頭村便成了雛形。
罷工很多時候工友都「冇野做」，保持隊形、堅定意志成了罷工40日的主脈絡。星期日放假，工友的家人及兒女放假，會到碼頭村或長江中心門外「探家人」，帶埋親手預備的「飯盒」，與在抗爭的「爸爸」、「老公」或「男朋友」一起露天食飯，閒時傾計望著電話內的網上新聞，「嘩！爸爸呀！」，工友會心微笑，是支撐繼續下去的重要力量。其他有心的民間團體又會為碼頭工人的家庭搞親子活動、唱歌話劇，目的是繼續延續鬥志，「團火唔好熄」，同時也是不在罷工但仍然十分關心工人的香港市民的重要參與。
工會經過很多組織工作、溝通聯絡，才有這次行動。為何開啟罷工時能一呼百應？除了存在於碼頭內多年的憤怒，更重要是當中有工友肯願意花時間，與不同工種的工友溝通，討論各類工種工友的處境。我很記得，有位工友落力呼籲其他未罷工的工友參與工業行動時，多次講「喂落黎啦！唔好再做縮頭龜喇！」雖然他的呼籲，未必引起更多工友關注，不過卻燃起身旁同行的工友與他繼續行落去。他們當時的眼神，都是堅定的，都是有自信的。
最令我印象深刻的片段，都是一些「撐下去」的小片段。
(拾回工運事 1/3)
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK
【一個組織嘅解散唔代表完結，我哋喺社區再見】
文｜TLDR
多謝職工盟💛我會好掛住呢個地方，好掛住大家。一個組織嘅解散唔代表完結，我哋喺社區再見。
唔知大家聽到職工盟會諗起啲咩呢? 以前應該都係最低工資、Carol同李卓人。點都冇諗過自己竟然會同呢個組織有關係。
兩年前因為朋友嘅關係，誤打誤撞加入咗工會。然後喺呢到我認識到一班有相同理念嘅人，令我覺得唔係得自己一個。
我發現短短呢年幾兩年，自己因為工盟都成長唔少。以前我又被動又怕醜，根本冇諗過自己會企喺街到同陌生人講嘢。喺工盟，我出咗人生第一次街站，最初戰戰競競到後期輕鬆少少咁派文宣。之後嗌咗一次咪。十年前嘅我應該冇諗過自己竟然會喺街頭嗌咪。喺我最唔知仲可以做咩嘅時候我遇到大家💛
仲想借呢個機會多謝性別小組嘅每一位💛 職工盟講性別議題? 認真咩? 自己一直好想推性別議題，但係得自己一個唔知點樣開始。好好彩喺到搵到一班志同道合嘅人🏳️🌈縱使我有好多不足，大家都冇嫌棄。多謝你哋💛
諗返職工盟原來都比咗好多好好嘅回憶我。喺呢到我遇到好多好好嘅人，可以一齊圍爐取暖。大家會為咗同一個目標一齊努力。即使未來冇咗職工盟，但唔代表我哋就會消失。我會好好裝備自己，直到下次再重聚嘅一日💛
最後想多謝職工盟嘅每一位，整咗個展覽出嚟。比我哋可以更了解工盟，了解工運歷史💛辛苦哂!
#NeverSurrender
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK
文｜TLDR
多謝職工盟💛我會好掛住呢個地方，好掛住大家。一個組織嘅解散唔代表完結，我哋喺社區再見。
唔知大家聽到職工盟會諗起啲咩呢? 以前應該都係最低工資、Carol同李卓人。點都冇諗過自己竟然會同呢個組織有關係。
兩年前因為朋友嘅關係，誤打誤撞加入咗工會。然後喺呢到我認識到一班有相同理念嘅人，令我覺得唔係得自己一個。
我發現短短呢年幾兩年，自己因為工盟都成長唔少。以前我又被動又怕醜，根本冇諗過自己會企喺街到同陌生人講嘢。喺工盟，我出咗人生第一次街站，最初戰戰競競到後期輕鬆少少咁派文宣。之後嗌咗一次咪。十年前嘅我應該冇諗過自己竟然會喺街頭嗌咪。喺我最唔知仲可以做咩嘅時候我遇到大家💛
仲想借呢個機會多謝性別小組嘅每一位💛 職工盟講性別議題? 認真咩? 自己一直好想推性別議題，但係得自己一個唔知點樣開始。好好彩喺到搵到一班志同道合嘅人🏳️🌈縱使我有好多不足，大家都冇嫌棄。多謝你哋💛
諗返職工盟原來都比咗好多好好嘅回憶我。喺呢到我遇到好多好好嘅人，可以一齊圍爐取暖。大家會為咗同一個目標一齊努力。即使未來冇咗職工盟，但唔代表我哋就會消失。我會好好裝備自己，直到下次再重聚嘅一日💛
最後想多謝職工盟嘅每一位，整咗個展覽出嚟。比我哋可以更了解工盟，了解工運歷史💛辛苦哂!
#NeverSurrender
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK
【沒有職工盟之後……】
文｜楊彧Yeung Yuk
大部份社區問題當然街坊可以自救，然而，遇到勞資糾紛，就算有區議員，他們都未必幫到你，此時必須尋求外力協助，職工盟就係一個最好的幫手。工盟星期日就要舉行會員大會通過是否解散，作為地區工作者，我想講失去工盟對打工仔的影響比起失去區議員的影響還大。
我同工盟結緣始於2017年尾的海麗清潔工潮，我收到幾個工友求助話佢哋唔清楚簽咗什麼文件，似乎有古怪，當時的我初出茅廬，對於某些勞工法例都唔係好肯定，所以即刻向工盟提出援手，佢哋反應好快，一個月內和工友開咗兩三場會，最後便成了大家熟知的海麗工潮。工潮過程中，雖然工友才是主體，但係工盟和其他民間公民團體的參與是必不可缺的。
當時工盟的角色唔單只給予意見，他更是連結了許多公民團體的一道橋樑，在他號召下，不少的團體或個人都會過來幫手，一齊出謀獻計，最後才能夠迫使僱主作出讓步。固然這角色可能便是他的死因，但這個Bonding或Network無其他團體有得比。
沒有工盟後，可以預見到，僱主會更肆無忌憚咁剝削員工，當員工想求助，無人幫到佢地，無人陪佢地同行，跟進個案閒閒地要一年半載，上四五次庭都係好閒，僱主擺明係要拖你，為的只是區區數萬元，對於工友的壓力實在不少，如果沒有工會的協助和精神上的支持，工友可能未上庭已放棄，或者很快便會接受僱主提出的和解方案。
整個勞工運動前景是灰暗，就像香港一樣，人人都話要要行多一步，但在這個氣氛下，似乎大家平安已是很好。
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK
文｜楊彧Yeung Yuk
大部份社區問題當然街坊可以自救，然而，遇到勞資糾紛，就算有區議員，他們都未必幫到你，此時必須尋求外力協助，職工盟就係一個最好的幫手。工盟星期日就要舉行會員大會通過是否解散，作為地區工作者，我想講失去工盟對打工仔的影響比起失去區議員的影響還大。
我同工盟結緣始於2017年尾的海麗清潔工潮，我收到幾個工友求助話佢哋唔清楚簽咗什麼文件，似乎有古怪，當時的我初出茅廬，對於某些勞工法例都唔係好肯定，所以即刻向工盟提出援手，佢哋反應好快，一個月內和工友開咗兩三場會，最後便成了大家熟知的海麗工潮。工潮過程中，雖然工友才是主體，但係工盟和其他民間公民團體的參與是必不可缺的。
當時工盟的角色唔單只給予意見，他更是連結了許多公民團體的一道橋樑，在他號召下，不少的團體或個人都會過來幫手，一齊出謀獻計，最後才能夠迫使僱主作出讓步。固然這角色可能便是他的死因，但這個Bonding或Network無其他團體有得比。
沒有工盟後，可以預見到，僱主會更肆無忌憚咁剝削員工，當員工想求助，無人幫到佢地，無人陪佢地同行，跟進個案閒閒地要一年半載，上四五次庭都係好閒，僱主擺明係要拖你，為的只是區區數萬元，對於工友的壓力實在不少，如果沒有工會的協助和精神上的支持，工友可能未上庭已放棄，或者很快便會接受僱主提出的和解方案。
整個勞工運動前景是灰暗，就像香港一樣，人人都話要要行多一步，但在這個氣氛下，似乎大家平安已是很好。
#下一次再聚 #序是一切的開始 #敍述你我與香港的故事
#職工盟 #未散 #職工盟30年
#Whenwillweback #hkctu30
#SolidarityWithHKUnions #WeLoveFreedomInHK