大家仲記唔記得以上嘅畫面？

11月11日係和平紀念日，為紀念第一次世界大戰結束而訂立，同時亦藉此悼念香港保衛戰嘅死難者。諷刺地，經過2019年，11月11日對香港人而言從此多咗個意義。

正正就係一年前嘅今日，市民有見政權嘅殘酷不仁、香港警察持續濫捕，加上周梓樂離世嘅惡耗，社會反抗情緒一觸即發，並發起「黎明行動」，號召全港各區全民三罷行動。

同樣都係一年前嘅今日，西灣河有交通警驅散示威者時向四個手無寸鐵嘅人士開三槍實彈，其中人稱「熊仔餅手足」嘅周同學腹部中槍，鮮血淋漓，倒地命危，而防暴警更多次移動傷者嘅身體，恐防佢傷勢未夠嚴重。

呢一年嚟，政權嘅迫害變本加厲，警暴從無間斷，司法公義蕩然無存。為我城無私付出嘅手足被判刑被送中、勇於揭示真相嘅傳媒被濫捕、仲有無數默默付出嘅香港人心身都承受住無比嘅煎熬。

回顧嘅意義，係令我哋大家都記得政權嘅殘暴，將我哋嘅憤怒轉化做行動。尚有自由健康身軀嘅我哋，理應幫負傷、被關押嘅手足繼續喺生活嘅每一個範疇都堅持抗爭落去，直到光復平凡之日。

願我哋都保持當日嘅熱度，同暴政、警察對抗到底！
香港人，_ _ ！

片段來源：丘品新聞

#1111港殤 #1111和平紀念日
#熊仔餅手足 #信念是刀槍不入的
#是他也是我和你 #抗爭到底