🧑‍🍳飲食手足有嘢講。一人一相問候柒婆🤵

香港嘅武肺炎疫情反覆，唔單只令香港市民感到抗疫疲勞，更直接害慘飲食業嘅手足失業率創新高，就算好彩無失業嘅，都要面對放無薪假、開工不足等問題，而呢一切問題嘅根源，就係柒婆林鄭同佢嗰班堅離地嘅管治班子。

為咗獻媚中共、為咗面子，柒婆死都唔肯封關、唔認防疫措施失誤，加上佢嗰班離地到就嚟飛上太空嘅管制班子，禁完晚市堂食，再全日禁堂食，香港人就幾乎有錢都無飯開，飲食業嘅手足就差啲無錢開飯，怨聲四起，真係老土啲講句：如果一人一啖口水贈柒婆，柒婆浸死咗十世啦！

無奈，國安法限制咗香港人嘅集會示威自由，而疫情嚴峻嘅時勢，我哋都無可能真係一人送一啖口水俾柒婆。但飲食業手足嘅壓力又豈能無處宣洩呢？因此我哋決定發起「飲食手足有嘢講。一人一相
問候柒婆」行動，歡迎各位飲食業手足喺本帖下方留言，將你想問候柒婆嘅說話，用一張相嘅方式講俾香港人聽。而為咗顯示呢啲真係我哋飲食業嘅心聲，建議相中可以融入一啲同行業有關嘅證明，制服、員工證、餐牌、煮食架撐乜都得，總之勢要柒婆知道，佢同佢班智障管治班子必須要為香港飲食業嘅衰落負上全部責任！！！

*如果覺得單單一張相唔夠講出你嘅心聲，亦歡迎各位飲食手足喺自己FB出post，再 #Hstg 返 #飲食手足有嘢講 & #一人一相問候柒婆。

#飲食手足有嘢講
#一人一相問候柒婆