［高官超離地，工人無飯開］

連午市都唔俾堂食，咁如果辦公室冇地方比我食嘢，跟住又話室外都必須戴口罩，咁我又唔識得戴住口罩都可以食到嘢，打工仔係咪可以錬仙乜都唔使食呢？

你班高官諗嘢真係離地到爆！唔係個個僱員辦公室都有個位開著冷氣可以坐定定買外賣番去食㗎，好似做零售、送貨、地盤、司機、速遞呢啲行業，無得WFH，打工仔又要焗住每日返工，咁你叫我去邊度食好呢？每日咪被迫喺公園或者周街搵個角落頭除罩食飯lol，特衰政府做嘢永遠係眼不見為乾淨。

如果已經諗到咁絕，點解唔係直頭唔俾老闆開鋪，然後學英國政府早前咁做，實行全城lockdown，下令食肆鋪頭通通關閉，直接出番薪金津貼俾打工仔？講到尾，政府咪又係縮骨唔肯承擔，成日犧牲打工仔去滿足啲老闆需要。

呢啲所謂防疫新措施，完全冇理過打工仔感受，今時今日第三波疫症大爆發，咪又係拜林鄭豁免成30萬人檢疫所賜，你唔去處理問題嘅源頭，又唔去實行全面封關，一味就諗啲措施去難為啲被迫返工嘅打工仔眾生，無得WFH，政府WFC?

#有工開無飯開
#搵食啫
#點解要咁難為我
#次次都搵工人笨