#檢測認證日常 第四話💬【搵食架生嚟㗎！】

近日970新巴司機被捕，警方聲稱司機涉嫌不小心駕駛，又曾指其背囊中的士巴拿是「攻擊性武器」，真係搞到小編一頭問號？😅

巴士黑盒顯示車速30公里，小唔小心駕駛、安唔安全我諗大家心裡有數啦，揸巴士呢啲嘢小編真係唔識㗎⋯⋯🤭 但小編知道好多人都要帶呢啲搵食架生返工，真係工作所需！

以我們 #檢測業 來說，上圖的工具都係經常使用。實驗室入面唔淨係有以前學校用嘅beaker同test tube～ 處理家電、玩具等的樣辦，經常需要 #鐵鉗 、各種大小的 #剪刀 剪細樣辦再加以化學處理先可以放入儀器化驗。實驗室入面好多儀器需要日常維修，所以 #螺絲批 加一大盒 #批頭 都係我們常備工具。至於近年來大家開始認識的「#豬嘴」，即係 #防毒面罩，亦係實驗室人員會接觸到的安全裝備之一。「職安健」唔係講笑㗎～ 實際上處理有毒/易揮發化學品時，就要帶上防毒面罩，以免吸入有害物質～

嗯⋯⋯ 呢啲都係其中一些實驗室工作人員的搵食架生，希望唔會被人誤會我地帶有攻擊性武器啦。我地都係想打好呢份工，做好啲檢測工作㗎咋！😀

#撐新巴司機 #返工冇罪 #實驗室的工具
—
#香港檢測及認證業職工會 #HKTCU