【廿蚊張：唔打針教職員應停薪停職留家等餓死】

廿蚊張今早接受訪問時話，如果學校教職員唔肯打針，應該停薪停職，留在家中不要出糧，仲嘲諷話「乜都唔好做囉，大家唔返工，嗰時唔係病死，係餓死。」

做人唔好咁野蠻，講吓道理得唔得？政府係咁谷人打針，理由係想減少社區傳播同感染風險，係咪？但事實證明，近期嘅輸入確診個案顯示，有唔少其實係打咗針照樣被感染。所以政府先至被迫取消咗打針可以縮短隔離期嘅入境安排。

世衛專家亦曾多番表示，接種疫苗係唔會杜絕病毒傳播，最大作用其實係減少病發症狀嘅嚴重性。既然係咁，更加應該考慮番個人對自己身體狀況嘅評估。接種疫苗唔係防疫唯一選項，尤其係入侵身體嘅預防方法，更加應該尊重員工個人選擇權，呢個基本上係社會上一直奉行嘅醫學倫理。

一味大石壓死蟹，廿蚊張平時點做老闆，點樣對待啲員工，可想而知，但你都唔好當咗全香港人都幫緊你打工先得㗎！

#癲喎你 #忠誠廢物真係廢物 #谷針都廢過人