【原來好多人仲要返工】

政府全日禁堂食，早前搞到滿城風雨，打工仔叫苦連天。

食物及衞生局長陳肇始最近接受傳媒訪問時，提起呢單嘢，竟然聲稱：「我地（當初）覺得，可能好多人都可以在家工作，但原來禁堂食先發現好多人仲要返工。」

原來好多人仲要返工？呢個用「政策離地」已經唔足以形容，比起「何不食肉糜」更令人心寒，問你點解肚餓唔食肉，起碼都知你係一個人，係會肚餓呀！

但佢依家咁講，直頭係話，吓，乜原來有你地存在嘅咩？我一直唔發現wor！

對住呢班高官，忍唔住又要問：香港人到底做錯咗乜嘢？

#原來你要返工
#原來你未死得
#原來你仲會嬲