Bu gün #21Mart dünyada Beynəlxalq meşələr günüdür. BMT Baş Assambleyası tərəfindən meşələrin qorunması və artırılmasının vacibliyinə diqqət çəkmək üçün hər il mart ayının 21-i Beynəlxalq meşələr günü kimi qeyd olunur. Hər il dünyada orta hesabla 10 milyon hektar ağac qırılmaqdan, 70 milyon hektar ağac isə meşə yanğınlarından məhv olur. Təbii oksigen qaynağı olan meşələrin qorunması üçün dünyada ağac əkmə, təbii ağac məhsullarından istifadənin azaldılması, şəhərlərdə ağac sayının çoxaldılması kimi əsaslı işlər görülür.

2024-cü il Beynəlxalq Meşələr Gününün mövzusu Meşələr və İnnovasiya: "Daha Yaxşı Dünya üçün Yeni Həllər"dir. Yeni texnologiyalar vasitəsilə ölkələrin meşə xəritəsinin dəqiq çəkilməsi və izlənilməsi həyata keçirilir. İqlim dəyişikliyinin qarşısını qismən almaq üçün ən vacib meyarlardan olan ağacların artırılması və qorunması ölkəmiz üçün də çox mühüm məsələdir. Azərbaycanda dövlət qoruqlarında, meşələrdə ağaclar diqqət mərkəzindədir.

Lakin, ucqarlarda yaşayan əhali gərək istilik vasitəsi, gərəksə satmaq üçün ağacları qırmaq məcburiyyətində qalır. Neft və qaz ölkəsində son illərdə ucqar kəndlərə də qaz xətləri çəkilməyə başlanılıb. Ümid edirik ki, tezliklə "Yaşıl dünya naminə" sosial rifah yaxşılaşsın və meşələrimiz insanların əlindən rahat nəfəs alıb nəfəs verə bilsin☘️ #ForestDay