السلام عليكم و رحمة الله تعالى و بركاته 🌻🍂صباح الخير عليكم كامل✨

مرات نندمجو بزاف في الأهداف اللي حطيناها لأنفسنا، حتى نولّيو نشوفو غير واش ما زال ما حققناش، وننساو كامل واش درنا في الطريق.

تنجح في حاجة، وتبدأ مباشرة تفكر في اللي بعدها. تكمل مرحلة صعبة، وما تعطيش لروحك حتى فرصة تستوعب أنك قدرت تتجاوزها.

وكل ما تقرب لهدف، يظهر هدف آخر أبعد منه.
الطموح مليح، والسعي مطلوب، بصح ما تخليش حياتك تولّي سلسلة من الحاجات اللي لازم تحققها باش تسمح لروحك تفرح.

شوف التقدم اللي راك تديرو، حتى لو كان بطيئًا. وتذكّر أن الراحة ماشي خيانة لأهدافك، وأنك إنسان عندك طاقة محدودة، تحتاج تجددها باش تقدر تكمل.

اليوم، حاول تخدم على مستقبلك، بصح ما تنساش تعيش يومك ثاني. وبين الاثنين، تعلّم تكون رحيم بروحك من غير ما تتخلى عن مسؤولياتك.

#fikret_in_galo 🧠
#AlenPill 💊

🎙️🔥 كيما وعدناكم، موعدنا نهار الجمعة مع حصة جديدة من UMed Talks!

📚 هاذ المرة راح نهضرو على أسرار التحضير للريزيدانا وكيفاش تحقق التفوق وتكون ضمن الـ Top 10! 🏆

ضيفتنا الدكتورة Feriel Sadoun، لي تحصّلت على المرتبة الرابعة في ريزيدانا الجزائر 2026، وراح تشارك معانا تجربتها، النصائح لي عاونتها، وكيفاش حضرت للكونكور وتفوّقت فيه.

💬 راح نحكيو على:
🔹 كيفاش تنظّم تحضيرك وتستغل وقتك بفعالية.
🔹 كيفاش تختار المصادر والـ supports المناسبة.
🔹 الأخطاء لي لازم تتفاداها خلال التحضير.
🔹 كيفاش توفّق بين الانترنا وقراية الريزيدانا.

📅 الجمعة 30 أكتوبر 2026
🕗 على الساعة 20:00
📍 مباشرة على قناة UMed Academy في تيليغرام

🔗 https://t.me/umedacademy

🚀 إذا راك تحضّر لريزيدانا 2027، هاذ الحصة فرصة باش تستفاد من تجربة طالبة قدرت تكون ضمن الـ Top 10!

📌 سجّلوا الموعد وكونوا معانا، نستناوكم! ❤️

🏆 أحسن دورة في البيوشيمي؟ شهادة الطلبة المتفوقين هي خير دليل!

دورات الدكتورة Mers في البيوشيمي لقات استحسان كبير من الطلبة، والسبب؟ تبسيط الدروس الطويلة وتلخيصها بطريقة ذكية، مع الحفاظ على أهم المعلومات اللازمة للتحضير للامتحانات.

📚 كي يتحوّل كور من 100 حتى 200 صفحة إلى résumé من صفحتين أو 3 فقط، مع الحفاظ على الأساسيات، هنا تبان قيمة الخدمة المتقونة! 👏

شكراً للدكتورة Mers على المجهود والجودة، وفخورين في UMed Academy بوجود أساتذة ومؤطرين بهذا المستوى. ❤️

📌 التسجيل في دورات البيوشيمي متاح الآن عبر منصتنا: 👇
🔗 https://umed-academy.com/courses-archive-elementor/?search=Biochimie

جمعة طيبة 🌻🍂

عد إلى كتبك بقلب أقوى وشغف متجدد ويقين لا تهزه الخيبات. لا تجعل إخفاقا عابرا يطفئ حلما طالما سعيت إليه، بل اجعله بداية لنسخة أكثر وعيا وإصرارا وتميزا منك.

اسع وكأن الأمر يعتمد عليك، وتوكل وكأن الأمر كله بيد الله.

تعلم من عثرتك، وجدد نيتك، وأحسن الأخذ بالأسباب، ولا تستعجل الثمرة؛ فلكل سعي صادق أثر، ولله في تدبيره حكمة قد لا تراها اليوم.

انهض، وأتقن، وتوكل… فربك لا يضيع أجر من أحسن عملا. 🤍
#Lumina✨

🔔🎙️ تذكير | UMed Talks

كيما وعدناكم، موعدنا اليوم على الساعة 20:00 مع حصة مميزة حول أسرار التحضير للريزيدانا وكيفاش تحقق التفوق وتكون ضمن الـ Top 10! 🏆📚

ضيفتنا الدكتورة Feriel Sadoun، صاحبة المرتبة الرابعة في ريزيدانا الجزائر 2026، راح تشارك معانا تجربتها وأهم النصائح لي عاونتها باش تحقق هاذ النتيجة.

💬 واش راح نحكيو في الحصة؟
🔹 أسرار التحضير الفعّال للريزيدانا.
🔹 كيفاش تنظّم وقتك وتوفّق بين الانترنات والقراية.
🔹 كيفاش تختار المصادر والـ supports المناسبة.
🔹 الأخطاء لي لازم تتفاداها خلال التحضير.
🔹 نصائح عملية باش تزيد فرصك في تحقيق نتيجة مليحة.

📅 اليوم الجمعة 30 أكتوبر
🕗 على الساعة 20:00

📍 البث المباشر على قناة UMed Academy في تيليغرام 👇
🔗 https://t.me/umedacademy

📢 ما تنساوش تشاركو الخبر مع les internes ومع كامل صحابكم لي راهم يحضّرو لريزيدانا 2027، باش يستفادو كامل من هاذ الفرصة! ❤️

🔄 Partagez au maximum
، يمكن هاذ الحصة تعاون واحد من صحابكم يبدّل طريقة التحضير تاعو ويقرّب أكثر لهدفو! 💙

🔥 نستناوكم اليوم على 20:00، كونوا في الموعد!

#UMedAcademy #UMedTalks #Résidanat2027

🔥 راكم واجدين!؟ 👀🎙️

⏳ باقي 15 دقيقة ونبداو حصة UMed Talks حول أسرار التحضير للريزيدانا وكيفاش تقدر تكون ضمن الـ Top 10! 🏆

📢 وجّدوا أسئلتكم، وعيّطوا لزملائكم والـ internes لي راهم يحضّروا لريزيدانا 2027 باش يستفادوا معانا!

🔴 التحقوا بينا مباشرة من هنا:
https://t.me/umedacademy?livestream=65aa1f3ddeafd4546d

💙 نستناوكم! 🚀

🔥 راي بدات الحلقة! 👀🎙️

🔴 التحقوا بينا مباشرة من هنا:

https://t.me/umedacademy?livestream=65aa1f3ddeafd4546d

📢 شاركوا الرابط مع زملائكم، وقدروا تخلّوا أسئلتكم هنا في التعليقات! 💬

❤️ شكراً للدكتورة Feriel Sadoun

نتقدموا بجزيل الشكر للدكتورة على الحصة القيمة، وعلى وقتها ومشاركتها تجربتها ونصائحها مع طلبة الريزيدانا 2027.

نتمنّاو تكونوا استفدتوا من اللقاء وخرجتوا بأفكار ونصائح تساعدكم في مشوار التحضير.

حابّين نسمعوا آراءكم:

• واش أكثر حاجة استفدتوا منها خلال الحصة؟
• هل حابين ننظموا حصص أخرى مع الدكتورة؟
• واش المواضيع اللي تحبوا نتطرقوا ليها في اللقاءات القادمة؟

آراؤكم واقتراحاتكم تهمنا، وراح تساعدنا نحضّروا لقاءات أكثر فائدة ليكم.

ربي يوفقكم كامل ويحققلكم واش تتمنّاو ❤️

ما حبّيناش نخليوكم تستناو حتى لغدوة! 👀

كيما وعدناكم، تسجيل الحصة المميزة مع الدكتورة Sadoun، صاحبة المرتبة الرابعة في ريزيدانا الجزائر 2026 راهو متوفر الآن على منصة UMed Academy! 🎓

وزيادة على ذلك، جمعنالكم في نفس الفضاء تسجيلات اللايفات السابقة اللي نظمناها حول التحضير للريزيدانا، باش تقدروا ترجعولها وتشوفوها في أي وقت.

🎁 الفضاء مجاني ومتاح للجميع!

🔗 https://umed-academy.com/courses-archive-elementor/umed-talks-residanat-lives-and-accompagnement/

استفادوا من تجارب ونصائح اللي سبقوكم وشاركوه مع زملاؤكم ، وربي يوفقكم كامل ويحققلكم واش تتمنّاو.

ولا تنساونا من صالح دعائكم ❤️

كاين فترات تحس فيها بلي الناس كامل راهي تتقدم، تحقق، تتعلم، وتوصل لحوايج كانت تتمناها، وأنت ما زلت تحاول ترتب أمورك وتلحق على واش فاتك.
والأصعب من التأخر أحيانًا هو الإحساس اللي يجي معاه؛ تبدأ تشك في قدراتك، وتقارن بدايتك الحالية بنتائج وصلولها ناس آخرين بعد سنوات من المحاولة.
بصح لازم تعرف حاجة: ماشي كل تأخر معناه فشل، وماشي كل سرعة معناها أنك في الطريق الصحيح.
ممكن تحتاج تراجع طريقتك، تبدل بعض عاداتك، أو حتى تعترف بلي بعض اختياراتك ما كانتش مناسبة ليك. وهذا كامل ما ينقص منك والو، بالعكس، يقدر يكون بداية نضج حقيقي.
ما نطلبوش من رواحنا نكونو في المقدمة كل يوم، نطلبو من رواحنا ما نحبسوش التعلم، وما نخليوش المقارنة تسرق منا القدرة على المحاولة.
إذا حسيت بلي تأخرت، ما تضيعش وقتًا إضافيًا في لوم نفسك على التأخر. شوف وين راك اليوم، وابدأ من هنا.
ربي يفتح عليكم الأبواب اللي فيها الخير، ويعلّمنا كيفاش نسعاو بلا ما نظلمو رواحنا.

#fikret_in_galo 🧠
#AlenPill 💊

السلام عليكم ورحمة الله وبركاته

كل من سجل وقام بملء الاستمارة يتفقد صندوق البريد Gmail INBOX (أو الـSpam وبقية الأقسام تحسبا)، تم إرسال رابط اللقاء وسيكون على Google Meet إن شاء الله 🚨

لا تنسوا ضبط منبهاتكم فموعد اللقاء بعد أقل من ساعتين 🔻

بارك الله فيكم جميعا على الحضور 🤍

كان لقاء ثري ومميز جدا مع ضيفنا Pr Adel GOURI، كل واحد ما تيسرلوش الحضور لظروف أو أسباب تقنية لا تقلقوا فاللقاء مسجل وراح يكون متوفر قريبا إن شاء الله ووفق ^ ^

See you soon researchers ! ⚡️

مرات نحسبو بلي باش نكونو نافعين، لازم نديرو حاجة كبيرة، نطلقو مشروعًا، نحققو إنجازًا واضحًا، ولا نوصلو لمرحلة تخلي الناس تلاحظنا.
بصح إذا نتأملو مليح، نلقاو بلي بزاف من الحوايج اللي أثّرت فينا ما كانتش أحداثًا كبيرة.
كلمة جات في وقتها، شخص شرحلك حاجة كنت حابس فيها، واحد شجعك كي كنت شاك في روحك، ولا إنسان عطاك من وقته بلا ما يستنى منك مقابل.
يمكن أنت ثاني كنت سببًا في تغيير صغير عند شخص آخر، وما علابالكش أصلًا.
لهذا، ما تستصغرش الخير اللي تقدر تديرو اليوم. إذا عندك معلومة، شاركها. إذا تقدر تعاون شخصًا، ما تبخلش عليه. وإذا شفت مجهود إنسان، كلمة تقدير صادقة تقدر تعني له أكثر مما تتصور.
ماشي لازم نستناو حتى تكون عندنا إمكانيات كبيرة باش نكونو نافعين؛ نقدروا نبدأو باللي عندنا، ومن المكان اللي رانا فيه.
الفكرة ماشي فقط واش راح نحققو في حياتنا، ولكن ثاني واش راح يبقى من الخير بسببنا وهذا لي تسعى ليه umed دايما و نحبوكم تان تحطوا هاد الفكرة في راسكم 👀👌🏻