@ulxiil |اشتراك.

يـ الله بـ نون يبرهج كل وادي وريـع
البـرق في مقدمه والسيل في ماطره

من قوو سيـله يفجّـر كل سدن منيع
ويفرح به الشايب اللي ضايقن خاطره

لا شاف ذوده مفلي في زهوور الربيع
ما يغبط سويسرا بـ الخـزنه الباطره

لو جاله الوقت بالشان الرهي والرفيع
ما عادلت ساعة الشبعه على فاطره !

اكرم موازين المخاليق الأخلاق
واكبر كنوز الأرض كنز القناعه .

⁣ما جال بالخـاطر.

دخل شهر أكتوبر، ودخل معه شعور أحمد تميم حينما قال:
"أحبك من الله ، وأحبك من زمان
لاتسألين الحب ليه ؟ ومن متى ؟

أنا أذكره كان فـ مثل هذا المكان
أواخر الصيف .. وبدايات الشتاء"

مطاليع القصايد كلها وجُهك
وضحكاتك ديار الورد مرباهّا.

‏فدتك السنين إلى تمادى اللّسان وْقال
أحبك وأنا أدري عنك لو كنت ما تدري

تدور الليالي وأنت لك عين ما تحتال
أجي مرخصٍ في شف ضحكاتها عمري .

يارب تعرفني .. وتعرف نواياي
وتعرف جميع ظروفي المُستبده

أحيان أصيب الراي و أضيّع الراي
و احيانًا أفتح باب ، و أحيان أسده

أحاول أمشي بإتجاهك يا مولاي
وتسرقني الأيام في خضم شِدة

عاملني بلُطفك وعطفك و رجواي
ليا انحرف قلبي عن الحق .. رده.

على كثر الشتات اللي يمر ويربك افكاري
لقيتك ظلي الثابت معي دايم على الهقوه

يا وجه كل ماضاقت على وشانت اقداري
ذكرته وانجلى ضيقي وصارت عبرتي غنـوه

تخيرتك ولو غيـرك وجوده عندي اجباري
اعرف ان الحياه بدون وصلك ماهي بـ حلوه.

دخيل الذكريات الي طواها الوقت يا غايب
أمانه لا طرى لك "يوم ميلادي" تهنّيني ؟

يوم ميلادي مثل ما قال عنه نزار
احسن وقتٍ للهوى-
" منتِ وجهٍ يعاف ولا انتِ صوتٍ يمل
انتِ من تتعب الارواح لـ اسعادك

ليلةٍ في محياها القمر مكتمل
لايق تكون ليلة يوم ميلادك "

يعرفوني بضحكات السماحة والوجه المعروف
عسى ما شافت عيون البشر ما بيني وبيني

ولي وجهٍ لربي غير ذاك البيّن الموصوف
وعلى كل اتجاهات الصدف يا بيض وجهيني

كثر ما عشت متعامي مع الأيام كنت أشوف
وعلى قلة سنيني يا هو تعلّمت من سنيني.

عساني خفيف حضور في كل قلب اجيه
و جعل ما يوالف قلبي الا من يحبه.

يالله وانا الشخص البسيط اللي هقاويه بعيد
احيان يمنعه الثقل واحيان يدفعه العزم

اعوذ بك من وقفةٍ مع غير اهلها ما تفيد
ومن غلطةٍ يبلش بها العاقل على باب الندم

واللي على الطالات ما يدحم بضلعٍ من حديد
قولوا له إن المجد ما ياتي له بحبة خشم .

الأرض تفنى ، والملذّات بـ تزول
و العمر فرصة ما تعوّض ثمينه

أحرص على الجنة دام اللّٰه يقول
{ إِنَّا جَعَلْنَا مَا عَلَى الأرْضِ زِينَةً }

عسى من فقد له حلم طول الزمن يرجيه
يجيه العوّض في حاجـة ٍ . . ما حلم فيها.

‏في وسط ليلي لمحتك ضيّ أقماري
‏أكتبك وأرسم لعمري أجمل سنيني

‏تبقى عبيـري وعطري وكل أسراري
‏تـبقى لقلـبي غـلا يسكـن شراييني

اسكن بعيني وحبك نهري الجاري
يروي ضماي وشوفك مايكفيني

ما أبالغ إن قلت إنك جنتي وناري
إجرحني الجرح في حبّك يداويني❣.

بكـره تشـع . . إن قالها اللّٰه أمانيـك
مهما خفت في ليل الأقدار شمسك.

من غلاك إن هبّ من صوبك ذعاذيعٍ نديّه
قمت أفتّح في ضلوعي طاقةٍ في جنب طاقة .