Нам улууһун Маймаҕа нэһилиэгэ

🌊18ч.30м. туругунан Маймаҕа халаан уутуттан улаханнык эмсэҕэлээтэ: 25 чааһынай дьиэ, оскуола-сад 2 эбийиэгэ, ФАП, олохтоох дьаһалта дьиэлэрэ ууга бардылар.

🌊Култуура, спорт комплексыгар тэриллибит ПВР-га 43 киһи баар, о.и. 15 оҕо, дьиэлэринэн 58 киһи олорор, онтон 22-тэ оҕо. Улуус үрдүнэн аймахтарынан 17 киһи, о.и. 9 оҕо эвакуацияламмыт. Ыксаллаах быһыыга үлэлиир нэһилиэк дьаһалтатын бөлөҕөр "Намкоммунтеплоэнерго" АО тэрилтэтиттэн уонна биирдиилээн баҕалаахтар көмөлөһөллөр. Билигин 15 киһи Намҥа эвакуацияланыахтара. Ол туһунан нэһилиэк баһылыга Александр Егоров иһитиннэрэр.

✍Олук

@gazetaensieli

🌊Нам улууһун Хатыҥ Арыы нэһилиэгэр ыам ыйын 18 күнүнээҕи киэһэ 17:00 чаастаах сводканан өрүскэ уу таһыма 1012 см буолла, 4 см эбилиннэ.

Икки кун устата түүннэри-күнүстэри олохтоох дьаһалта, улуус дьаһалтата, нэһилиэк, улуус тэрилтэлэрэ, олохтоохтор, общественниктар уу алдьатар сирдэригэр, даамбаҕа уонна суолга буор куталлар, кумахтаах кууллары уураллар, маны тэҥэ даамбаҕа дьуһуурустуба ыытыллар.

Олохтоох дьаһалта дьиэтигэр суһал штаб үлэлиир. Нам улууһун дьаһалтатыттан кураторынан улуус тыа хаһаайыстыбатын управлениетын салайааччыта Владимир Макаров ананан үлэлиир.

Билигин бастакы протокаҕа барар трасса суолугар, уу сүүрэр, алдьатар сирдэрин буорунан көмөллөр, кууллаах кумахтары уураллар.

Кыһыл Дэриэбинэ хоту өттүнээҕи даамбаны уу алдьатан, дэриэбинэ аллара өттүгэр олорор 5 ыал олбуоругар уонна дьиэтигэр уу киирдэ. Граф Биэрэгэр хоту өттүнээҕи олорор 7 ыал дьиэлэрэ, 12 ыал олбуордара ууга барда. Трасса суолун оҥорууга ИП Соловьев В.И., ИП Марков В.Р. уонна ХЭТ " Лигрант" үлэлэһэр.

Аппааны бөһүөлэгэр баар ПВР-га Граф Биэрэгиттэн бэҕэһээ 8 киһи эвакуацияламмыт. Баһылык Иван Ноговицын ыҥырыытын ылынан общественниктар, тэрилтэлэр, биирдиилээн ыаллар үлэлии сылдьар уолаттарга көмөлөһөн, итии аһылыгынан, минньигэс бурдук аһынан, сухой паегунан көмө оҥороллор. Үлэһиттэргэ ас таһыытыгар, информация хомуйуутугар Аппааны бөһүөлэгин олохтоохторо, волонтер кыргыттар Татьяна Замятина, Алёна Павлова, Луиза Егорова көмөлөрө баһаам. Күүс-көмө буолар дьоммутугар махтанабыт.

Билигин 18 ч. 15 м. биллэрбиттэринэн хоту өттүттэн уу напора күүһүрэн трассаны быһан, уу Граф Биэрэгэр киирэн саҕалаата. Онон нэһилиэнньэтэ күүстээх эвакуация саҕаланна.

Билигин кутталлаах быһыыга-майгыга, олохтоохтор, сүөһүлэргитин ыыппаккытыгар, уу киирэр сирдэригэр олорооччулар суһаллык эвакуацияланаргытыгар ыҥырабыт.

✍🏻Надежда Сивцева

@gazetaensieli