🧧 «Кыайыы Аартыга» үөрүүлээхтик арыллар күнэ тосхойдо

📆 Бүгүн, ахсынньы 26 күнүгэр, Улуу Кыайыы 80 сылын чэрчитинэн Майа сэлиэнньэтин киинигэр «Кыайыы Аартыга» болуоссат үөрүүлээх арылыыта буолла.

🪔 Монумены, «Таптал көлүччэтэ» былаһааккатын, искибиэрин биир улахан комплекс быһыытынан холбоон, саҥардан тутуутугар сэлиэнньэ дьаһалтата «Куорат табыгастаах эйгэтин тэрийии» федеральнай бырагарыымаҕа киирсэн 50 мөлүйүөн солкуобайдаах субсидия кыайан олоххо киллэрдэ.
 
🎗 Мэҥэ Хаҥалас, Майа устуоруйатыгар суруллар бэлиэ суолталаах тэрээһинигэр олохтоохторго уонна ыҥырыылаах ыалдьыттарга улуус баһылыга Дмитрий Тихонов, сэлиэнньэ баһылыга Алексей Неустроев, «Территориялар сайдыыларын компетенциятын киинэ» кэмиэрсийэтэ суох автономнай тэрилтэ дириэктэрэ Ирина Маркина, СӨ Ил Дарханын иһинэн архитектура уонна куораты тутуу управлениетын салайааччытын солбуйааччы Василий Федоров эҕэрдэ тылларын эттилэр уонна тутуу үлэтигэр кылааттарын киллэрсибит дьоҥҥо анал наҕараадалары туттаран, дьон дохсун ытыһын тыаһынан болуоссаты арыйдылар.

🇷🇺 Алексей Неустроев:
– Биһиги, мэҥэ хаҥаластар, улахан баҕа санаабыт туолан ытык сирбит «Кыайыы Аартыга» болуоссат бары үлэтэ бэриллибит кэмигэр түмүктэнэн үөрүүлээх күммүт үүннэ. Дьоммутугар-сэргэбитигэр, ытык дьоммутугар, өбүгэлэрбитигэр ааттарын ааттаан көмүс буукубанан монумеммытыгар суруйдубут.
Ытык сирбитигэр Аҕа дойду Улуу сэрии, тыыл, үлэ бэтэрээннэрин кытары Афганистан, Чечня сэриилэригэр, анал байыаннай дьайыыга кыттыбыттар ааттара суруллар миэстэтэ баар буолла. Манна элбэх киһи тоҕуоруһа мустарыгар, дьон сылдьарыгар усулуобуйата оҥоһулунна.

Сиһилии ⬅️

@gazetaerkeii
@ulusmedia