حارت دموعي في عيوني وصديّت
وأرمشت ابيها ما تبيّن وطاحت .

‏ذبحني الضمى وانا على جال جمّة بير
‏وغدت كبدي من الشوق كنها على ملّه .

من بلاه الله بـ فرقا قطعةٍ من جوفه
‏لا تلومه لا بكى من كل طاري فرقا
‏َ
‏علموه إنّي من الأموات لين آشوفه
‏والمفارق ميسمٍ منْه الخفوق معرقا
‏َ
‏كثّر الله يوم عنّي غاب خير طيوفه
‏لو آجاوب كل ما مرت عليّ الورقا
‏َ
‏كل زولٍ غير زوله ما عليه إحسوفه
‏وكل قدرٍ غير قدره لا نزل مايرقا .

في غيابك ملتهب قلبي على جمر انتظاري
‏و الحزن ان ماتعشى من قفص صدري تغدا .

من ليلة مفارقه وانا يا عزالي
‏من جور حزن المفارق يوم خاويته .

‏تقافت مظاهير الوصل والسنين عجاف
‏وعيني تخيل الوصل وأتلى .. مظاهيره .

ياغرام العام الاول كيف حالك والمعونه
‏عقب مادارت رحى الفرقا وطالت معركتها

‏عاد قلبك مثل قلبي وافي تنزف طعونه
‏ولانستك السنين الغبر من قل بركتها

‏آه من قلب حسبت إنه نساك وطاب كونه
‏لين جيت ديارك وفجت جروحه وهتكتها

‏واستباحت ذكريات العاشق اللي في عيونه
‏دمعتين عادها من قو باسه ماسكته .

قولوله اني عُقب بعده تدانيت
ورجلي عن دروب المعافين شاحت

البعد نار وطاعه العذل كبريت
يقصر على بعده ترا الكبد فاحت .

أنا حلفت يمين ما عاد احاكيك
‏نسيت يوم اكلمك ما تردي

‏قصدي ابغى اودعك و اعزيك
‏في حبنا اللي مات من دون ودي

‏ياكثر ما تخطي واسامحك واعفيك
‏دبلت كبدي لين بيحت سدي

‏و ان عودت للهجر والله لجازيك
‏و اعلمك وشلون هجري و صدي

روح مراح مقيط ورشاه قافيك
‏حبك ترى ماهوب من ورث جدي

‏عوضني الله يوم بانت خوافيك
‏يوم اني اشري رفقتك وانت ضدي

‏في واحدٍ زينه يبيعك و يشريك
‏ولا انت قطعة خام ما تنتعدي

‏من اول لاحل ذكرك و طاريك
‏ما يركد الفنجال في كف يدي

‏واليوم لاوالله مابيك مابيك
‏تلقى من العالم يسد بمسدي

- الوكاد إني
سريت العمر وأعلنت أرتحالي
‏وأسترحت بغربتي عن كل دربٍ كنت أهيمة .

‏له أحبابه ما هو على وصليّ حريص .

عطاني علومه كل ابوها ورحت وراح
‏ولاطحت من عينه ولا طاح من عيني

‏ياليته جرحني قبل يقفي عشان ارتاح
‏ولا قال عند موادعه لاتخليني

‏لكنها ظروف محكمه والظروف شحاح
‏مصير القدر يرضيه قدام يرضيني

‏قطعت الرجا من يوم برق الموادع لاح
‏و غدت كل حاجه ما تبكي تبكيني ّ .

يبقى العزا ذكرياتي يامعنيني
‏وانك معك رقم جوالي وعنواني .

‏الزمان يحد نفسي على اللي ماتريد
‏وساق هقواتي والاحلام صوب الهاويه

‏وكل ما اذكر ذكرياتي وارجّعها واعيد
‏ضاقت الديره من الزاويه لـ الزاويه

‏هيه ياوقت الحزن علّم الوقت السعيد
‏زانت او شانت تراها كلها متساويه .

نهار الخميس اللي مضى جدد ثيابه
ثلاثة عشر يومن وهذا يجي ويروح .

‏كيف أبيع الذكريات اللي وأنا قاعد لحالي
‏ جاتني كنها ترد الصوت و الأخبار عنه

‏حملها قيمة غلاه وداري إن الحمل غالي
‏ والغلا بموت ما بعته ولا سجيييت منه .

من تفارقنا وانا احساسي غريب
‏واشعر اني ما تخيرت الصواب

‏لا حشى ماهي فقط فرقى حبيب
‏اشعر ان الكون كله في غياب

‏عالعموم ان كان لي بقلبك نصيب
‏السنين المقبله فيها الجواب

‏وان تفارقنا عسى الجرح العطيب
‏بك يطيب ونجتمع يوم الحساب .

تصددت منه ودي ان خاطري ينساه
وأثر خواطر العشاق مهيب نسّايه .

و‏تذكر يوم أعذرك وأنت لا صادق ولا
‏معذور أدوّر لك عذر وأصدّقه وأكذّب أحداقي .