‏ماتوجعني إلا شرهة الصاحب المحتاج
‏يحسب إن وزارات البلد في مخابييّ .

صديت عن دربَ الهوى حشمٍة لي .

بيني وبينه صارت أمور كبار
‏وقفيت واللي صار بيني وبينه

‏اخاف لا أشكي للقريبين وأنهار
‏ماهم على كبر الخطا عاذرينه

‏واليا انشدوني عن دموعي هل الدار
‏أضحك واقول الدمع ويني ووينه

‏ماهو بكا لكن دخل عيني غبار
‏وأنتم تحسبون ان عيوني حزينه

‏كتمت ضيقٍ كل يوم وله اعذار
‏وما كل يوم عذري مصدقينه

اللي تمسكت فـ وصله وهو ضار
جعله يروح ولا تضره " سنينه "

ولو كان لي قدرة من جروحي أختار
ولا أختار لي جرحٍ ماهو من يدينه :(

كان كل الي فعلته من أجلك ما يفيد ؟
" ولا لـ الله وإنا إليه راجعون "

اثابر واكبار واتعزم ويابلفيت
‏ولو اني دمي واقفٍ في شراييني .

يمر طاريك ، لكن ما يمر بـ سلام
‏كنّه يردد علي : أجمع همومك وأسر

‏عليك ولا على الذكرى جزيل السلام
‏يا من بعاده بعاد وحبل وصله عسر

‏يا غايب .. كل طعناتك عداها الملام
‏غالي وطعنة يمينك بالحشا من يسر

‏من المعاناة .. ما حالي على ما يرام
‏غصن تهبه هبوب البعد لين أنكسر

‏ترا المحبين فأرض الله رغم الزحام
‏حياتهم ضايعه واحوالهم ما تسر .

عليك الغلا مردود يالغايب الموجود
‏سوالفك غابت مير طرياك ماغابت

‏غيابك حضورٍ له بصدر البيوت شهود
‏وش اللّي يغيّب ضحكتك والغلا ثابت؟

‏أحنّك مثل ما أحن وجهي من المنقود
‏وأعدّك ليا عديت الأيام وش جابت .

من يزرع الود بـ أرض مالها ساقيّ
‏يجنى ثمار الجفى في سلة أحزانه .

خذ كلشي وعطاني خنجر من جفاه
‏توغلت في ضلوعي قفلتين وشبر .

ماحزنت الا على هقواتي وطيبي وظني
‏يوم كنت اظنه اطيب من على الدنيا لقيته

‏كنت اشوفه قطعه من قلبي وروحي ومني
‏وكنت اشوفه كل حلم وكل شي قد بغيته

‏ماهقيت انه بيحزني وعاده بيغبني
‏في وفاي اللي وفيت وفي غلاي اللي عطيته

‏ابتعد عني وهو ناذر نذر مايغيب عني
‏يلعن الله كل عهد وكل طيب قد هقيته .

يشين لا صار السلام مثل ضرب السيوف
‏وياشينها لاصار من عقب لبيه كلمه هلا

‏في أمان الله ولاعاد ابي منك معروف
‏جعل عقبك اجر و جعل روحتك دفعه بلا .

لو اني انسى الفراق اللي مبّيح خفاي
‏مانيب ناسي كلامٍ مثل ضرب الرصاص .

نسيتني من كم ثوبك جهاله
‏لك سلطتٍ في تال الليل بالذات .

مع أنك رحلت بعيد لكن بقى التذكار
‏ليا شافته عيني تسابقً مدامعها
‏ٓ
‏دفنت الغرام بـ خافقي والقلوب أسرار
‏مشاعر هقيت إن الليالي تضيعها
‏ٓ
‏جحدت الغلا لين أمتلى بـ الخفوق وثار
‏قصايد عساها اليوم تطرق مسامعها
‏ٓ
‏يقولون ماودعك قلت الفراق وصار
‏والانسان روحه تنسلبٍ ما يودعها .

فمان الله ياحبِ وقف ما كمل المشوار
‏عرفــنا مـفرق الدربين ما يحتاج تكميلة

‏بقت بـس المعزه بيننا مـا كـن شي صار
‏وصرنا اغراب عقب الود يادنيا من انتي له

‏فمـان الله ياقصـة غـرام اصبحـت تـذكار
‏صنعها الحب في لحظة ولا كمل تفاصيله .

مكتفي باللي يجي منك من باب الوصال
‏إن عجزت تسوي الصعب - سو المُفترض .

لو يهمك دمع عيني كان ماضحيت فيني
‏ولاتركت بيوم قلبي يشتكي ظلم الليالي

‏لاتعذرلي أمانه لاتقول إنك تبيني
‏مات حبك ياحياتي من بعد ماكنت غالي

‏ضاعت أحلامي بقربك مابقى شي بيديني
‏حتى روحي عذبتني وكنت أداويها لحالي

‏ماخذلني شخص عابر ماخذلني إلا يقيني
‏يوم ظنيتك ربيع العمر تقطع فـ وصالي

اليالي والقصايد بالمفارق عاذريني
‏كمل الدنيا بدوني حاول تلاقي مثالي .

بين دقات الدقائق والثواني
ليت علمي حلم واني مارويته .

عليه من الملامة ما يصحح غلطة المخطين
‏و أنا بـ اسقي نوابت ضيقتي بـ أسوء قراراتي

‏بـ اصد و بـ اشعل من الهجر نار و تنطفي نارين
‏واروح الروحه اللي توجع أرضي ثقل خطواتي

‏ بـ اشبع رغبة الهجران فيني و اتمادی لین
‏احس اني على كثر ابتعادي مرضي ٍذاتي .

‏"ماطرى لي طاريّ إنك بتصبح لي خصيم
‏ ليتني داريّ وحطيت من صوبك ذرى "
‏_خيبه .