حتى على كبر أنكساري .. تبسمت
‏ما ودي أكسر خاطر اللي كسرني .

عليه العباير يوم عني خذاه الفاااال
لانيب متصنعها ولا هي بمغصوبه .

والله ان قد لي ايام وانا وضعي ماش
اواسي العالم وانا بحاجة من يواسيني

ابي حظي يقوم وحظي طريح فراش
و اللي كان اغلا من الروح معاد يعنيني

حالي قضى من الحزن وضلوعي هشاش
كرهت العالم ولا عاد ابي خويٍ يخاويني

قلبي صويب بجرح اقوا من رمية الرشاش
واتظاهر بأني بخير وانا دموعي في عيني .

والله لا تندم على صدك وهجرانك
وتعض أياديك حسرة وانت خابرني

أزعلت ناسي من شانك وعلى شانك
واليوم يناكر الجميل تغيرت وهجراتني .

كنت احسبك سيفي اذا ضقت
‏ أناديك واثر البلا سيفي هو اللي طعني .

هذا أنا ما غيرتني سنيني
‏من قلبي الضحكة ومن قلب دمعي

‏مواقف واسرار بيني وبيني
‏مخفيةً حتى عن أعز ربعي

‏احب اغيب وتسأل الناس ويني
‏ولا أكون بجمع ما هو بجمعي

‏ يبطون ما ينسونيّ .. ذاكريني
‏ الله خلق من طينه الخلُد ضلعي

‏أوفي مع اللي خان و الوافيني
‏لأن الوفا عرقي و ساسي و نبعي

‏مالي مشاريهً على خاينيني
‏دام البذر نقواي فالزرع زرعي

‏المشكلة ياخيبة الظن فيني
‏اشوف كل الناس من عين طبعي..

يوم كنت المغرم تجيني
ويوم حبيتك تخليني ؟

تحريتك على رجوی وصالٍ ما بعدْه غياب
‏ وتمنيتك وأنا حزني عليك أكبر من الجيّه

‏ تراودني تعاليل المحبة والشعور أسراب
‏ وأغضّ البال لا منّي سرحت وقلت منسيّه

‏ على هون اليدين اللي على جرحي تطق الباب
‏وأنا بابي ذرى عابر سبيل وصوت طرقيّه .

والله أن مانيب طيب عقب ذاك النهار
‏ساعة من جورها ما تخاط فتوقها

‏ساعة دارت سنتها وفي الانتظار
‏ياكل من اطراف كبدي ومن معلوقها

‏بري حالي ليت مثله بغاليه استشار
‏ولا تركني كل مره بعده أذوقها

‏انقطع وحبال الأخبار من دونه قصار
‏والله مدري هو تحت الارض ولا فوقها .

‏يطيح من عيني عّزيز ويكبر بعينيَ سراب
واللي يطيح من العيِن يموت مايرجع لها .

تأخذ الحق له ويعيش عمر تليد
كان قلبك حجر لا تحسب إني جمَـاد .

انا تراني شاعر واجزل القاف بغنيه
القصيد سيفي وانا الفارس اللي شايله

و قصيدي نادرٍ و لا يقبل ع التشبيه
ولا يسير ويرضى الا ع دروب الطايله

انا هو اللي ما له غير القوافي تسليه
وانا الصابر اللي لو ظروف وقته مايله

انا اللي تخلى عن  احلامه ومشاهيه
كبدي تشتوي فيها حرارة شمس القايله

تعبت منهم و معاد الا الليل مخاويه
والليل والله اني عجزت ارد له جمايله

ولا به غير الليل يفهمني وغيره مابيه
الليل صابرٍ علي وع هواجيسي الهايله .

‏والله ان بالي طويل ودايمً صدري شمالي
‏والزمن يبغى يبّيح سدي وبيحت سده
‏
‏والكلام الليّ ليا من مر قدمي ضاق بالي
‏احذفه فالصدر كني حاذفه في بحر جده
‏
‏طاح من عيني عتاب وطاح دمع وطاح غالي
‏والعيون ان طاح منها شي ما والله تردّه .

‏ياما تحملنّا الخطا لجل ترضون
‏وأصبح خطانا يوم ندمح خطاكم .

‏من مشى لي شبر أنا امشي له ذراع
‏ومن بسط كفه لي أبسط له يدي

‏الصداقة كنز والدنيا متاع
‏والعهد ماينقضه غير الردي

‏وكل شيٍ يبتدي بالإندفاع
‏مع مرور الوقت يطفي ويغدي

‏ابتعد عن كافة انواع النزاع
‏لاتجي مع كل صيّاح تعدي

‏وخل فالك زين قدر المستطاع
‏وابتسم لو جرحك الخافي ندي .

وانا ماني سفيه وماقفي مايقبل السفهان
ولا اقبل كل شخص يفرد ضلوعي ويكويني .

أسج واهوجس وتسري بي افكاري
م احب زحمة الناس احب الأنعزالي

فيني من الضيق والأحزاننن مواري
وفيني ضيقةٍ فالصدر هشمّت حالي

والله ان حالي هالأيام في انحداري
تعبت وانا كل يوم انصدم من غالي

كل م نسيت تردني تفاكير وطواري
وعسى الله يصبرني ع جور اللياليّ .

‏مدام إن جنابك شام عني وأنت عني شمت
‏كثر خيرك وأنا مانيب لاجايع ولاضامي

‏أشوف إنه علي واجب لامريتك وسلمت
‏مرور كرام تربطه الكرامه عند الاكرامي .

‏ماتوجعني إلا شرهة الصاحب المحتاج
‏يحسب إن وزارات البلد في مخابييّ .

صديت عن دربَ الهوى حشمٍة لي .

بيني وبينه صارت أمور كبار
‏وقفيت واللي صار بيني وبينه

‏اخاف لا أشكي للقريبين وأنهار
‏ماهم على كبر الخطا عاذرينه

‏واليا انشدوني عن دموعي هل الدار
‏أضحك واقول الدمع ويني ووينه

‏ماهو بكا لكن دخل عيني غبار
‏وأنتم تحسبون ان عيوني حزينه

‏كتمت ضيقٍ كل يوم وله اعذار
‏وما كل يوم عذري مصدقينه

اللي تمسكت فـ وصله وهو ضار
جعله يروح ولا تضره " سنينه "

ولو كان لي قدرة من جروحي أختار
ولا أختار لي جرحٍ ماهو من يدينه :(