ياحبيبي ليش تتركني مخلا
تركت اللي صاح في ربعه وخلى .

‏علموه أني ذكرته بـ أول العام الجديد
‏وعلموه أن الجروح اللي بـ قلبي موجعه

‏ذاب قلبي في غيابه مثل ماذاب الحديد
‏يوم ولعني وخلا نار قلبي مولعه

‏أشهد أنه مارحمني يوم خلاني وحيد
‏طاوعه قلبه يغيب، وكيف قلبه طاوعه

‏ماسمعت الا شطر، ويحرّك شْعور البليد
‏ضاقت الدنيا بـ شاعر طيب قلبه ضيّعه

‏علموه أني فقدته، ياعسى عامه سعيد
‏وعلموه أن القصايد في غيابه تتبعه

‏كل عام يمرني .. ياللأسف مامن جديد
‏بالحزن أستقبله، وأصافحه، وأودعه .

‏عزيزة حزن : ما تشرح وش اللي في خواطرها
‏ تخاف إن حزنها ينقال على : صدرٍ ما يستاهل .

مع مرور الوقت بالواقع رضيت
غير صبري مالقيت الها دواء .

‏لا هان الغلا في نظرتك وش بقى ماهان ؟
‏تفّقد حبيبي قلبك اللي بَهت لونه
‏
‏خسرتك .. وصبري عنك ماكان بالامكان
‏لا زالت حياتي في مواصلك مرهونه
‏
‏أجامل بعض الاحيان وأزعل بعض الاحيان
‏وأعيش الصراع الذاتي اللي يقولونه

‏إذا فيه احد ممكن عليه الشعور يبان
‏ أنا والله اللي يعرفونه من عيونه .

‏عطيتك وجهي اللى ما يخون وينعرف سره
‏ما اعرضك الكلام الشين مهما شانت اوضاعي

‏ما هزتني المصايب والحظوظ العوج بـ المرره
‏كثر ما هزني دمعة وداعٍ مالها داعي .

‏سكر الباب المطرّف عن رجوعي مامعي
‏ قلبٍ يسامح ولا معك ذكرى تشرّف .

ملا صدري غلا واقفا وانا ضامي فواد وعين
لونه غير وادعني علي اهون من الروعه .

‏مابقي لك ورا عوج الضلوع النحايف
‏غير قدرً ماهوب اللي على قد ظنك

‏كلمتن قلتها لي مثل حد الرهايف
‏ليتها جات من غيرك لاكن جات منك

‏ودي اخذ قضاها مير صديت عايف
‏كيف يرضى حزنك اللي يبا ضحك سنك

‏صرت لي في حياتي مثل خط النصايف
‏وانا صاير مثل خط الحرم يوم احنك .

‏من برودك معي ، لا تعاتبني ليّا خليتك
‏ولا يجي وجهك قوي . . وتقول لاتسفهيني

‏معي عذري لا كرهتك. . عقب ماحبيتك
‏انت بإسلوبك معي كأنك تقول اكرهيني .

‏مستحيل ترجّع الدنيا مكانة شخص غالي
‏ساعة إنّه طاح من عيني مثل ساعة وفاته !

.❤️ @ri9ll | @eiiii10 للأجر

صاحبي ان نويت ترحل جعلك ع القوه
منت ب اول من رحل ولا انت بالتالي

انا اللي معاد يدري من خويه ومن عدوه
لاقلت هذا كفو بين لي وجهه الثاني

امحق معرفه وامحق صداقه وامحق خوه
والله ان به عالمٍ بمعرفتهم ربي بلاني

عسى الله يبعد عني كل منهو متعكرٍ جوه
وعسى كل الأحزان اللي مرت تعداني

والله ان الوصل بيني وبينك غدا متشوه
ووالله انها بسبتك كثرت علي احزاني

ماتو الناس اهل الوفى والشجاعه والمروه
والروح من عقب فرقاهم تشكي وتعاني

تعبت منك وكريت جمر الغلا وطفيت ضوه
والله انك ماتستاهل وفاي عليك وحناني

والله اني عليك الطف واحن من حنان الأخوه
خذلتني ومن فراقك اضحكت عدواني

عقب الغلا والمحبه غدا بيننا كرهه وجفوه!
جرحتني جعلك السلال وانت مصدر اماني

والله ان برق الوصال عيا ينتثر علينا نوه
لكن جعلها خيره ونهاية هذا العمر فاني .

حتى على كبر أنكساري .. تبسمت
‏ما ودي أكسر خاطر اللي كسرني .

عليه العباير يوم عني خذاه الفاااال
لانيب متصنعها ولا هي بمغصوبه .

والله ان قد لي ايام وانا وضعي ماش
اواسي العالم وانا بحاجة من يواسيني

ابي حظي يقوم وحظي طريح فراش
و اللي كان اغلا من الروح معاد يعنيني

حالي قضى من الحزن وضلوعي هشاش
كرهت العالم ولا عاد ابي خويٍ يخاويني

قلبي صويب بجرح اقوا من رمية الرشاش
واتظاهر بأني بخير وانا دموعي في عيني .

والله لا تندم على صدك وهجرانك
وتعض أياديك حسرة وانت خابرني

أزعلت ناسي من شانك وعلى شانك
واليوم يناكر الجميل تغيرت وهجراتني .

كنت احسبك سيفي اذا ضقت
‏ أناديك واثر البلا سيفي هو اللي طعني .

هذا أنا ما غيرتني سنيني
‏من قلبي الضحكة ومن قلب دمعي

‏مواقف واسرار بيني وبيني
‏مخفيةً حتى عن أعز ربعي

‏احب اغيب وتسأل الناس ويني
‏ولا أكون بجمع ما هو بجمعي

‏ يبطون ما ينسونيّ .. ذاكريني
‏ الله خلق من طينه الخلُد ضلعي

‏أوفي مع اللي خان و الوافيني
‏لأن الوفا عرقي و ساسي و نبعي

‏مالي مشاريهً على خاينيني
‏دام البذر نقواي فالزرع زرعي

‏المشكلة ياخيبة الظن فيني
‏اشوف كل الناس من عين طبعي..

يوم كنت المغرم تجيني
ويوم حبيتك تخليني ؟