💡💡💡💡💡💡💡

Кез келген іске шабыт сыйлайтын 5 әдіс

1️⃣ Ең алдымен белгілі бір нәрсені “не үшін үйренгім келеді” деген сұраққа жауап беріп, нақты мақсаттардың тізімін жазыңыз☝🏻

✍🏻 Оларды қағазға жазып, көз алдыңызға елестетіңіз. Мектепке барғыңыз келмеген сәтте, сол тізімді оқып шығыңыз. Осы сәтте автоматты түрде шабыт пайда болады.

2️⃣ Барлық істен қызықты нәрсе табыңыз

Зерттелетін материалдың сіздің өміріңізбен қандай байланысы бар екенін қарастырыңыз. Мысалы, әдеби кітапты оқудан жалықсаңыз - мұндағы кейіпкерлермен ортақ нәрсені табуға тырысыңыз. Ал егер биологияны оқығыңыз келмесе, өзіңіз және басқа тіршілік иелері туралы қаншалықты көп білетініңізді елестетіп көріңіз.

3️⃣ Таймер пайдаланыңыз⏰

📌Сабақ оқуға 30-50 минут бөліп, содан кейін қысқа үзіліс жасаңыз. Ол аяқталғаннан кейін оқуға қайта кірісіңіз.

4️⃣ Өзіңізді үнемі жігерлендіріп отырыңыз✅

Сабақ оқып болғаннан кейін өзіңізді марапаттаңыз. Мәселен, сүйікті тамағыңызды жеп, үй жануарларымен ойнаңыз, қызықты видео қараңыз немесе ыстық ванна қабылдаңыз. Ал емтиханнан кейін өзіңізді әлдеқайда маңызды нәрсемен қуантыңыз. Мысалы, достарыңызбен кофе ішіңіз немесе көптен бері қалап жүрген нәрсеңізді сатып алыңыз.

5️⃣ Біреумен үйреніңіз👫

Ол адаммен бір бөлмеде бірге тұрудың қажеті жоқ. Бірақ сіздің мәселелеріңізге бей-жай қарамайтын және сіздің жетістіктеріңіз туралы сөйлесетін адамның болуы маңызды. Бір-біріңізге әр апта сайын жасалған жұмыс туралы есеп беріп отырыңыздар. Осы кезде мақсатқа жету оңай болады және уақытты тиімді басқарасыздар.

#қазынакеңес

💡💡💡💡💡💡💡

Күз мезгілінде адам ағзасына қажет дәрумендер

Күз мезгілінде табиғатпен бірге адамдар да сұлғырт тарта бастайды. Себебі тұмау мен түрлі инфекция осы уақытта белең ала бастайды. Дегенмен көпшілігіміз бұл мезгілде сергек әрі көңілді жүру үшін ағзаға бірқатар дәруменнің қажет екенін ескере бермейміз. Нәтижесінде жиі ауырып, иммунитетіміз төмендеп, әлсіздік пайда болады.

Иммунитетті жақсарту, ауру-сырқаулардан алдын алудың бірден бір жолы – дұрыс тамақтану мен дәрумендер. Сонымен, күз мезгілінде қандай дәрумендер қажет, оларды қандай тағамдардан табуға болады?

Ендеше біз ұсынған кеңестерді оқып шығыңыз! ✔️

🟢А дәрумені

Бұл дәрумен зат алмасу процессін жақсартады. Сонымен қатар ағза күніне 1,5 мг А дәруменін қажет етеді. Оларға: сәбіз, қауын, қызанақ, балық майы, сиыр бауыры, жұмысртқа, сары май, ірімшік, рауғаш, қаймақ жатады.

🟢B тобының дәрумендері

Егер ағзаға аталмыш дәрумен жетіспесе адам жиі күйзеліске тап болады. Сәйкесінше көңіл күйі болмайды әрі ештеңеге зауқы соқпайды. Күйзеліспен күресуге В тобының дәрумендері, әсіресе, В6 дәрумені мен магний көмектеседі. Бұл топқа жататын дәрумендер ашытқы, бауыр, сәбіз, сүт, саңырауқұлақ бидай, ет, бүйрек, жұмыртқа, күріш жармасының құрамында көп кездеседі.

🟢С дәрумені

Ағзаға С дәрумені жетіспесе адамда ашуланшақтық, әлсіздік, ұйқышылдық пайда болады. Сондықтан ағзаның иммунды қорғанышын қатайту үшін С дәрумені мен мырышты тұтынғаныңыз жөн. Бұл дәрумендер ағзаны вирустардан қорғайтын лейкоциттер түзеді және иммуниет жұмысын жақсартады. Олар: итмұрын, қарақат, пияз, қызанақ, картоп, капуста, алма, апельсин, бүлдірген, қарбыз, сәбіз, қияр, жүзім, алмұрт, асқабақ құрамында болады.

🟢D дәрумені

D дәрумені адамның эмоциялық жағдайына және иммуниетке тікелей жауап береді. Оны көп жағдайда күн көзінен аламыз. Сонымен қатар бұл дәрумені кальций мен фосфордың алмасуын реттеуге көмектеседі. Ол балық майында, бауырында, уылдырығында, жұмыртқаның сарысында, сүт өнімдерінде мол. Әсіресе өзен, көл балығына қарағанда, “Д” дәрумені те­ңіз балығында көп.

🔺Міне, жоғарыда аталған дәрумендердің бәрі ағзаға қажет. Олар денеде бір-бірімен тығыз байланыста болады. Олай болса, күзде өз денсаулығыңызға ерекше мән беріңіз!

#қазынакеңес

💡💡💡💡💡💡💡

Алматы жастары 1 000 000 теңгелік грантқа қалай ие бола алады?

✔️ Алматыда “Тәуелсіздік ұрпақтары” грантын алу конкурсы басталды.
Бағдарлама жастар бастамаларын қолдауға бағытталған және 14 пен 35 жас аралығындағы Алматы тұрғындарына өз жобаларын іске асыруға 1 000 000 теңге алуға мүмкіндік береді.

💵 Гранттар алты бағыт бойынша бөлінеді: 

1️⃣ Ғылым: жас ғалымдар мен олардың зерттеулерін қолдау. 2️⃣ Мәдениет: мәдени мұраны сақтауға және насихаттауға бағытталған жобалар. 3️⃣ Ақпараттық технологиялар: цифрлық трансформация үшін жаңа IT шешімдерін әзірлеу. 4️⃣ Бизнес: стартаптар мен бизнес-бастамаларды қолдау. 5️⃣ Медиа: жас ұрпақ үшін сапалы контент жасау.  6️⃣ Волонтёрлік: әлеуметтік мәселелерді шешуге бағытталған бастамалар.

Ұйымдастырушылар атап өткендей, бұл грант жастарға өз идеяларын жүзеге асыруға және қала мен елдің дамуына үлес қосуға бірегей мүмкіндік береді.

“Жастарымыздан шығармашылық идеялар күтеміз және баршаңызды гранттық конкурсқа қатысуға шақырамыз. Қатысушыларға шабыт пен табыс тілейміз”, - деді Жастар саясаты басқармасының Жастарды әлеуметтендіру және бастамаларды қолдау бөлімінің басшысы Нұрсұлтан Беккайыров.

Өтінімдерді қабылдау 16 қыркүйекте басталды. Бұл конкурс 2024 жылдың 16 қазанына дейін жалғасады. Жеңімпаздар барлық өтінімдерді тексергеннен кейін 15 жұмыс күні ішінде анықталады. 

Өтінімдер generationala.kz сайты арқылы  қабылданады, сұрақтар туындаған кезде +7 (776) 844-12-02, +7 (776) 829-78-41 телефон нөмірлеріне хабарласу қажет.

#қазынакеңес

💡💡💡💡💡💡💡

Фактчекинг: Фейк және жалған ақпаратты қалай тексереміз?

🔉 ХХІ ғасыр - ақпараттандыру ғасыры. Алайда ақпараттың шектен тыс қолжетімді болуы, сайттар мен топтардың көбеюі жұртшылықтың аналитикалық ойлауын төмендетіп жатыр. Нақтырақ айтсақ, қазіргі таңда ақпаратты сұрыптап оқитын жандардың қарасы аз. Неге? Себебі көбі құрғақ ақпаратқа сеніп, ізденгісі келмейді. Ізденіс тоқтағаннан кейін шолақ ойлауға әдеттеніп кеткен.

🗯 Ендеше “Әлеуметтік желіден келетін хаттар мен жаңалықтардың рас-өтірігін қалай тексеруге болады?” деген тақырыпқа тоқталып өтейік. Фейк ақпарат пен жалған ақпаратты қалай ажыратуға болады? Ватсаптан келген және инстаграм желісіндегі ақпараттарды қалай сұрыптаймыз? Осы сұрақтарға жауап берейік.

📌 Ескерте кететін бір жайт, жалған және фейк ақпарат екі түрлі нәрсе.

📍Жалған ақпарат еш эмоциясыз беріледі. Сондықтан оны ажырату қиынға соғады.

📍Ал фейк ақпаратта назар аудартатын кілт сөздер болады. Сонымен қатар күшейтпелі және асырмалы шырайлар көп қолданылады.

🔍 Фейк ақпаратты қалай тексереміз?

▪️ Дереккөзді тексеріңіз.

Фейк ақпараттарда орфографиялық әрі грамматмкалық қателіктер көп кездеседі. Сондай-ақ сөз бен сөздің, сөйлемдердің логикалық байланысы болмайды.

▪️Жан-жақты ақпарат көздерінен тексеру

Бір ғана хатқа немес жаңалыққа тәуелді болмаңыз. Көпке белгілі ақпарат көздері мен бұқаралық ақпараттардағы мәліметтерге де назар аударыңыз. Егер аталмыш ақпарат сенімді дереккөздерінде жарияланса, демек шындыққа жанасуы мүмкін.

▪️Критикалық ойлау

Фейк ақпарат эмоцияға толы болады. Оны оқымау мүмкін емес. Мұнда асыра сілтеушілік пен драмматизация да бар. Сондықтан әр ақпаратқа сыни көзбен қарауға тырысыңыз.

▪️ Сурет пен видеоны тексеру

Әлеуметтік желіден келген сурет көкейіңізге күдік ұялатса, оны тексеруге мүмкіндік бар. Суреттердің түпнұсқасын Google Image Search немесе Yandex Image Search іздеу жүйелері арқылы тексеруге болады. Осы арқылы күмән тудырған суретке байланысты қандай мақала, ақпарат шыққанын, ол қандай ақпарат көздерінде жарияланғанын біле аласыз. Google Image Search іздеген суретке ұқсайтынын тауып, оларды сұрыптауға мүмкіндік береді. 

▪️Ақпаратты сұрыптап, оның рас-өтірігіне қол жеткізу үшін factcheck.kz сайтын оқуға кеңес береміз. Жобаның негізгі міндеті – ақпарат құралдарында жарияланған ақпараттың, әлеуметтік желідегі жазбалардың және ел алдында жүрген тұлғалардың мәлімдемелерінің  рас-өтірігін тексеру. Сайттағы мақалалар қазақ және орыс тілдерінде жарияланады.

#қазынакеңес

💡💡💡💡💡💡💡

Жасы мен атақ-абыройына қарай көшпелілер қалай киінді?

🧵🪡 Қазақтардың дәстүрлі киімі толығымен көшпелі өмір салтына бейімделіп тігілді. Жалпы ерлердің де, әйелдердің де киімдерінде алтын және күміс бөлшектер және бағалы теріден елтірі көптеп қолданылған.

▪️Ерлердің киімі көйлек немесе жейдеден және шалбардан тұрған. Бейбіт уақытта жеңіл шыт және тоқыма маталар қолданылған. Ал жаугершілік заманда киім-кешек негізінен былғары мен болат сауыттардан құралған. Қыста қысқа күпілер киген. Өңделген қой немесе қасқыр мен түлкі терісінен, кейде бағалы аң терілерінен (кәмшаттың, бұлғынның) әр түрлі тондар киген. Жазда бастарына тақия немесе киіз қалпақ, қыста – тері мен елтіріден жасалған әр түрі бас киімдер (бөрік, тымақ, малақай, телпек) киген. Аяқ киімдері былғары етік (етік, мәсі), былғары аяқ киім (шарық, қалыш, кебіс). Қыста киіз байпақ және сыртынан биік саптама етік киетін болған.

▪️Әйелдердің киімі жасы мен мәртебесіне қарай әр түрлілігімен ерекшеленеді. Көйлектері ұзын, кең етекті болған, олардың астынан сол матадан тігілген шалбарлар (дамбал) киген. Көйлектің сыртынан жүн, сондай-ақ барқыт, қамқа, ши барқыт, жібек жеңсіз камзол мен бешпенттер киетін болған. Сыртқы киімдері кең шапан, ал қыста жеңіл күпі болған. Әйелдердің де, еркектердің де былғары белбеу тағу дәстүрі болған, олар атақты және бай адамдарда алтын және күміс түйіндіктермен және асыл тастармен әшекейленген. Аяқ киімдері биік өкшелі нәзік сахтияннан пішілетін болған. Бас киімдері тақиялар, елтірі жиекті әр түрлі пішімді бас киімдер (бөрік, орамал) болған.

🔺Тұрмыстағы әйелдер кимешек киген – ол бетке арналған қимасы бар, басты, кеуде мен арқаны жауып тұратын ақ матадан тігілген жаулық. Кимешектің сыртынан әйелдер (әсіресе егде жастағы) орамалдың бір түрі – жаулық байлайтын болған. Кейде кимешектің орнына арқа мен иықты жауып тұратын үлкен орамал – сұлама орамал пайдаланылған. Көйлектің сыртынан немесе шалбармен бірге жас әйелдер оюмен өрнектеліп кестеленген кең етекті белдемше киген. Жылдың суық кездерінде жылы, барқытпен қапталған шапандар мен қымбат аң терісінен тігілген тондар – ішік киілетін болған.

▪️Жалпы ерлердің де, әйелдердің де киімдері алтын және күміс бөлшектерміндетті элементтермен өрнектеліп тігілген, бағалы теріден елтірі компоненттер көптеп қолданылған. Қыздар мен жас әйелдердің киімі бай ұлттық ою-өрнектермен әшекейленген. Әдемі сырттан әкелінген маталар үлкен сұранысқа ие болған. Қазақ қалыңдығының киімі ұзын ақ жібек кестелі көйлектен тұрады. Көйлектің сыртынан қою қызыл барқыттан тігілген бешпент тігіледі, сонымен қатар күміс және алтын әшекейлер: алқа, білезік, жүзік пен сақина және т.б. тағатын болған.

▪️Көйлек пен бешпент біртұтас ансамбльді құрап, оны үйлену тойына киетін көне бас киім – сәукеле аяқтайды. Биік, конус тәрізді пішінді, барқытпен қапталған ол асыл тастармен, күміс түйіндіктермен, салпыншақ маржан жіптермен және жақтау, шолпылармен безендіріледі. Салпыншақтардың саны бойынша қалыңдықтың мүліктік жағдайы мен әлеуметтік мәртебесі анықталған.

▪️Еркектер де шекпен – жүннен тоқылған жадағай киім киетін болған, олар қажет болған жағдайда сырт киім ретінде де қолданылған. Ашық ою-өрнекті кестемен кестеленген сәнді ұзын шапан өнер туындысы болып табылады. Кейде композицияның негізін Күнді бейнелейтін шеңбер түріндегі ірі өрнектер құрайтын болған.

Тақия немесе кепеш (кішкене бас киім, тақия) – барлық қазақ ерлері киген киім-екшектің маңызды бөлігі болып табылады. Бас киімнің енді басқа түрі – қасқыр, түлкі немесе қой терісінен тігілетін қатаң қысқы жағдайларда теңдессіз тымақ болып табылады. Тымақ малшылардың ортасында әлі де пайдаланылады және құлақшындардың қалдығы болып табылады. Қазіргі уақытта сәнгерлер дәстүрлі киімдерді немесе олардың жекелеген бөлшектерін күнделікті тұрмысқа енгізу үшін белгілі күш жұмсайды.

#қазынакеңес

💡💡💡💡💡💡💡

Қазақстанда үй алуға арналған бірнеше ипотекалық бағдарлама бар. Олардың шарты мен мақсаты әртүрлі болып келеді. Ендеше, назарларыңызға ең тиімді 6 бағдарламаны ұсынамыз!

1. “7-20-25” бағдарламасы

Мақсаты: елдегі тұрғын үй мәселесін шешу.
Шарттары:
- Сыйақы мөлшерлемесі – жылына 7%.
- Бастапқы жарна – 20%.
- Қарыз мерзімі – 25 жылға дейін.
- Баспана құны шектеулі, әр өңір үшін жеке белгіленеді (мысалы, Нұр-Сұлтан мен Алматы қалаларында жоғары болуы мүмкін).
- Қатысу шарты: Қазақстан Республикасының азаматы болуы және өз атында басқа ипотекалық несиенің болмауы маңызды.

2. “Баспана хит” бағдарламасы

Мақсаты: екінші нарықтағы жылжымайтын мүлікке ипотека беру.
Шарттары:
- Сыйақы мөлшерлемесі – жылына 10,75%-дан басталады.
- Бастапқы жарна – 20%.
- Қарыз мерзімі – 15 жылға дейін.
- Қатысу шарттары: Қазақстан Республикасының азаматы болуы және тұрақты табысының болуы.

3. “Орда” бағдарламасы (Тұрғын үй құрылыс жинақ банкі)

Мақсаты: үй алғысы келетін азаматтарға қолжетімді ипотекалық несиелеу.
Шарттары:
- Бастапқы жарна 30%-дан.
- Жылдық мөлшерлеме 12%.
- Қарыз мерзімі – 15 жылға дейін.
- Ерекшелігі: Жинақтаушы жүйеге негізделген, яғни белгілі бір мерзімге дейін салым жинап, оны қолдана аласыз.

4. “Шаңырақ” бағдарламасы (5-10-20)

Мақсаты: мемлекеттік қолдауға негізделген әлеуметтік бағдарлама, негізінен, көпбалалы отбасылар мен әлеуметтік аз қамтылған азаматтарға арналған.
Шарттары:
- Сыйақы мөлшерлемесі – 5%.
- Бастапқы жарна – 10%.
- Қарыз мерзімі – 20 жылға дейін.
- Қатысу шарттары: “Тұрғын үй құрылыс жинақ банкінен” депозит ашып, тұрақты жинақтау қажет.

5. “Отбасы банкі” ипотекалық бағдарламалары

Мақсаты: Әртүрлі мақсаттарға арналған тұрғын үй несиелері мен ипотека ұсынылады.

Шарттары:

- Бастапқы жарна 20%-дан басталады, пайыздық мөлшерлеме 5%-дан жоғары.
- Ерекшелігі: Жинақтау арқылы арзан ипотекаға қол жеткізуге мүмкіндік береді.

6. Коммерциялық банктердің ипотекалық бағдарламалары

Мақсаты: Тұрғын үй нарығында бәсекелестік жағдайында ұсынылатын стандартты ипотекалар.
Шарттары: Бастапқы жарна, пайыздық мөлшерлеме және мерзім банктердің өз саясаттарына байланысты өзгеріп отырады. Мысалы, Halyk Bank, Kaspi Bank және Сбербанк түрлі шарттармен ипотека ұсынады.

Бұл бағдарламалардан басқа, әр өңірде және кейбір банктерде аймақтық немесе әлеуметтік топтарға арналған арнайы шарттары бар ипотекалар болуы мүмкін. Жеке жағдайыңызға сәйкес келетін бағдарламаны таңдау үшін банк кеңесшілерімен кеңесіп немесе тұрғын үй жинақтау жүйесін қолдануға болады.

#қазынакеңес

💡💡💡💡💡💡💡

Қазақ тарихына негізделген 5 кітап

Назарларыңызға еліміздің бай тарихы мен ұлттық мәдениетімізді түсінуге жол ашатын туындылар тізімін ұсынамыз!

1. Ілияс Есенберлин — "Көшпенділер" трилогиясы

Бұл трилогия қазақ халқының XV ғасырдан бастап XIX ғасырға дейінгі тарихын қамтиды. Шығармада Қазақ хандығының құрылуы, оның дамуы, жоңғар шапқыншылығы, елдің тәуелсіздігі үшін күрес сынды маңызды тарихи оқиғалар баяндалады. Есенберлин қазақ халқының мәдениетін, дәстүрін, батырлық рухын тереңінен ашып көрсеткен. Бұл кітап қазақтың рухани байлығын насихаттап, тарихи санасын қалыптастыруға үлкен үлес қосады.

2. Мұхтар Әуезов — "Абай жолы" эпопеясы

Мұхтар Әуезовтің әлемге әйгілі бұл шығармасы қазақтың ұлы ақыны Абай Құнанбаевтың өмірі мен сол кездегі қазақ қоғамының әлеуметтік-саяси жағдайын суреттейді. "Абай жолы" арқылы қазақ халқының мәдениеті, дәстүрлері, тұрмысы мен рухани өмірі терең ашылады. Шығарма қазақ зиялыларының қалыптасу кезеңін бейнелеп, ұлттық сананың даму жолдарын көрсетеді.

3. Сәбит Мұқанов — "Ботагөз"

Бұл роман Қазақстанның ХХ ғасырдың басындағы революциялық өзгерістер кезіндегі оқиғаларды бейнелейді. Басты кейіпкер Ботагөз арқылы қазақ қоғамындағы әлеуметтік теңсіздік, халықтың бостандыққа ұмтылысы, және сол дәуірдегі қиындықтар көркем суреттеледі. Мұқанов революция кезеңіндегі қазақ халқының рухани ізденістері мен жаңа өмірге деген ұмтылысын терең ашады.

4. Әнуар Әлімжанов — "Ұстаздың оралуы"

Бұл тарихи роман әлемге әйгілі ғалым, философ және ойшыл Әбу Насыр әл-Фарабидің өміріне арналған. Кітапта әл-Фарабидің өмір жолы, ғылымдағы жетістіктері, және оның адамзат дамуына қосқан үлесі көркемдікпен баяндалады. Әлімжанов әл-Фарабидің тұлғасын таныту арқылы Қазақстанның бай тарихи-мәдени мұрасын ашып көрсетеді.

5. Мархабат Байғұт — "Қорғансыз жүрек"

Бұл роман ХХ ғасырдағы Қазақстан тарихындағы қиын-қыстау кезеңдерге арналған. Оқиға 1930-1940 жылдардағы ашаршылық, саяси қуғын-сүргін кезеңін баяндайды. Автор халықтың сол кездегі ауыр жағдайын, қоғамдағы әлеуметтік теңсіздікті және елдің басына түскен ауыртпалықты терең суреттейді. Роман арқылы қазақ халқының төзімділігі мен рухани күшін айқын көруге болады.

Бұл туындылар Қазақстанның тарихи кезеңдеріндегі оқиғалар тізбегін терең әрі көркем түрде бейнелейді, сонымен қатар халқымыздың ұлттық санасын қалыптастыруға ықпал етеді.

Егер сізге кітаптар тізімі ұнаса, досыңызбен бөлісуді ұмытпаңыз!

#қазынакеңес

💡💡💡💡💡💡💡

Қаржылық қауіпсіздік: Алаяқтардан қалай сақтануға болады?

Бүгінгі таңда елімізде алаяқтардың құйтырқы әрекеті белең алып тұр. Олар түрлі тәсілмен адамдардың сенімін пайдаланып, жеке ақпараттарын иемденуге тырысады.

Ендеше қаржылық қауіпсіздікке байланысты біз ұсынған 7 ережеге көз жүгіртіп, алаяқтардың құрбаны болудан сақтаныңыз!

1️⃣. Алаяқтық схемаларға назар аударыңыз

Алаяқтар әртүрлі әдісті қолданады:

- Қаржы пирамидалары: Бастапқыда жоғары табыс уәде етеді, бірақ уақыт өте келе барлық қаражатыңызды жоғалтуыңыз мүмкін.
- Жалған инвестициялар: Сенімді болып көрінгенімен, жалған компаниялар арқылы ақшаңызға иелік етеді.

‼️ Кеңес: Егер қандай да бір жоба жоғары табысты уәде етсе, дегенмен тәуекелдер туралы айтылмаса, бұл алаяқтық жүйе болуы мүмкін. Сондықтан мұқият тексеріңіз.

2️⃣. Қаржылық операцияларды орындағанда, қауіпсіздік ережелерін ұмытпаңыз

- Сенімді және ресми платформаларды пайдаланыңыз, жеке мәліметтеріңізді қорғаңыз. Мәселен, банктер мен ірі қаржы институттарының ресми сайттарына жүгінгеніңіз дұрыс.
-Күдік тудыратын сайттардан және белгісіз адамдардан келетін ұсыныстарға абай болыңыз.
- Қауіпсіз кодын тексеріңіз: Сайттың мекенжай жолағындағы "https://" белгісіне және құлып белгісі бар екеніне көз жеткізіңіз.

3️⃣. Жеке мәліметтеріңізді қорғаңыз

—Үшінші тұлғаға ешқашан есепшот нөмірлерін, банк картаңыздың деректерін, құпиясөздер және SMS-кодтар сияқты ақпараттарды бермеңіз.
- Банктер ешқашан сізден құпия ақпаратты телефон немесе интернет арқылы сұрамайды.
- Белгісіз адамдарға құпиясөз бен банк деректерін көрсетпеңіз.

4️⃣. Телефон алаяқтарынан сақтаныңыз

📞 Алаяқтар көбіне банк қызметкері ретінде қоңырау шалып, сізден жеке ақпарат немесе банк картасының мәліметтерін сұрайды.
- ‼️ Есіңізде болсын: Нағыз банк қызметкерлері сіздің құпия ақпараттарыңызды сұрамайды.

5️⃣. Жалған хабарландырулар мен спам хаттардан абай болыңыз

Электрондық пошта, мессенджерлер немесе SMS арқылы келетін "Жүлде ұттыңыз" немесе “Қарызыңыз төленді" деген жалған хаттардан сақ болыңыз. Бұл алаяқтардың жеке деректеріңізге қол жеткізу үшін ұйымдастырылған арнайы айла-шарғысы болуы мүмкін.

6️⃣. Сенімді ақпарат көздерін қолданыңыз

📊 Қаржыңызға қатысты барлық ақпаратты тек ресми дереккөздерден алыңыз. Банктердің, үкімет сайттарынан, лицензияланған қаржылық кеңесшілердің кеңесін ұстаныңыз.

7️⃣. Қаржылық қауіпсіздік туралы біліміңізді арттырыңыз

📚 Қаржылық сауатыңызды арттыру арқылы алаяқтардан сақтана аласыз. Жаңа әдістер мен схемалар туралы ақпаратты үнемі бақылап отырыңыз.

Егер ақпарат пайдалы болса, достарыңызбен бөлісуді де ұмытпаңыз!

#қазынакеңес

💡💡💡💡💡💡💡

Жалқаулықтан арылуға көмектесетін 6 кеңес

Жалқаулықтан арылу – кішкентай қадамдардан басталады!

Жалқаулық – әр адамға тән сезім, бірақ оны жеңуге болады. Мақсатқа жетудің ең маңыздысы – алғашқы қадамды жасау. Төменде берілген әдістермен өнімділігіңізді арттырыңыз!

80/20 қағидасы

Зерттеулер көрсеткендей, біздің нәтижелеріміздің 80%-ы әрекеттеріміздің 20%-ынан келеді. Мақсатыңызға жету үшін ең маңызды тапсырмаларға назар аударыңыз! Ең қажетті істерге уақытыңызды бөліп, артық нәрселерден арылыңыз.

5 минуттық ереже

Тек 5 минут жұмыс істеуді ойлаңыз. Көбінесе, біз іс бастамас бұрын қиналамыз, бірақ алғашқы 5 минуттан кейін жұмысқа кіріп кету оңай болады. Егер 5 минуттан кейін де жалғастыруға құлшынысыңыз болмаса, демалуға рұқсат етіңіз.

2 минут ережесі

Егер тапсырманы орындауға 2 минуттан аз уақыт кетсе, оны бірден орындаңыз! Бұл қарапайым әдіс кішігірім тапсырмаларды жинатпай, күндізгі уақытты босқа кетірмеуге көмектеседі.

21 күндік әдет қалыптастыру

Әдет қалыптастыру үшін орта есеппен 21 күн қажет екені дәлелденген. Күн сайын бір уақытта белгілі бір іс-әрекетті орындаңыз. Осы уақыттан кейін бұл әрекет өміріңіздің бір бөлігіне айналады.

Ерте тұрудың пайдасы

Ерте тұрған адамдар кешке қарағанда 20%-ға өнімдірек болады. Күніңізді ерте бастаңыз, таңғы уақытты өзіңізге арнаңыз: жаттығу, медитация немесе пайдалы істермен айналысыңыз.

Марапаттау жүйесі

Мақсатыңызға жеткен сайын өзіңізді марапаттаңыз. Бұл сізге мотивацияны арттырады және алға қарай жылжуға ынталандырады. Психологтар марапаттау жүйесі мотивацияны 25%-ға арттыратынын айтады.

Әрекет жасайтын уақыт – қазір!

Жалқаулықпен күресу тек сіздің қолыңызда. Өзіңізге сеніп, кішкентай қадамдар жасаңыз! Бастысы – әрекет ету!

Мотивация мен жалқаулықтың күресі барлығымызға таныс. Жалқаулықтан арылу үшін қарапайым, бірақ тиімді тәсілдерді есте ұстау керек:

#қазынакеңес

💡💡💡💡💡💡💡

Бюджет құрудың тиімді 10 қадамы

Бюджет құру — қаржы көзін тиімді басқаруға көмектесетін маңызды қадам. Ендеше назарларыңызға бюджет құрудың негізгі қадамдарын ұсынамыз.

1️⃣ Қаржылық мақсаттарды анықтау

Алдымен қысқа және ұзақ мерзімді қаржылық мақсаттарды нақтылап алу қажет. Мысалы, ай сайын неге басымдық беретініңізді түсіну қажет: шығындарыңызды жабу, қарыздарыңызды өтеу немесе жинақ жасау.

2️⃣ Табысты есептеу

Барлық тұрақты және қосымша табыс көзін есептеп шығарыңыз. Мысалы:

• Жалақы
• Қосымша табыс (фриланс, бизнес және т.б.)
• Инвестициялардан түскен табыс

3️⃣ Шығындарды талдау

Шығындарды екі топқа бөліп қарастыру:

• Тұрақты шығындар (тұрғын үй төлемдері, коммуналдық қызметтер, көлік, несие)
• Айнымалы шығындар (азық-түлік, ойын-сауық, киім-кешек)

4️⃣ Тұрақты шығындарды қысқарту жолын қарастыру

Бұл қадамда міндетті төлемдерді қалай азайтуға болатынын ойластыру керек. Мысалы:

• Тұрғын үйді тиімді бағада жалға алу
• Электр қуатын үнемдеу

5️⃣ Айнымалы шығындарды басқару

Мұнда жоспарланбаған шығындарды анықтап, оларды қысқарту немесе толығымен алып тастау керек. Мысалы:

• Әр айда қанша жұмсалатынын алдын ала жоспарлау
• Ойын-сауыққа шектеу қою

6️⃣ Жинақ жоспарын құру

Ай сайын жалақыдан белгілі бір пайызды жинақ шотына аударуды әдетке айналдыру қажет. Мақсат:

• Қор жинау
• Қажетсіз қарыздан аулақ болу

7️⃣ Инвестициялау

Жинақталған ақшаны тиімді инвестициялау жолын қарастыру маңызды. Инвестициялау арқылы ақшаңызды көбейтуге мүмкіндік аласыз.

8️⃣ Бюджет жоспарын үнемі жаңартып отыру

Бюджет жоспары уақыт өте келе өзгеруі мүмкін, сондықтан қаржылық жағдайыңызды үнемі тексеріп, түзетулер енгізіп отырыңыз.

9️⃣ Қарыздарды бақылау

Қарыздарыңызды уақытылы өтеп отыру және қарыз деңгейін бақылауда ұстау маңызды.

🔟 Қаржылық есептілікті талдау

Айдың соңында барлық табыс пен шығынды салыстырып, қаржылық есептілікті бағалау қажет.

Егер осы қадамдарды жүйелі түрде орындап отырсаңыз, бюджетті тиімді құруға және қаржылық тұрақтылыққа қол жеткізуге болады.

#қазынакеңес

💡💡💡💡💡💡💡

Тілді оңай меңгерудің ең тиімді 6 жолы

📍Біз ұсынған кеңеске көз жүгіртіп, кез келген тілді оңай әрі жылдам түрде үйреніңіз.

1️⃣ Күнделікті тәжірибе (20-30 минут)

Тілді үйрену үшін күн сайын 20-30 минут уақыт бөліңіз. Жаңа сөздер жаттап, оларды сөйлемдерде қолданып, күнделікті әрекеттеріңізге қатысты мысалдар келтіріңіз.

2️⃣Контентті өз тіліңізге бейімдеңіз (аптасына 3-4 рет)

Аптасына 3-4 рет сүйікті фильмдеріңізді, сериалдарды, YouTube видеоларын үйреніп жатқан тілде көруге кеңес береміз. немесе сүйікті кітаптарыңызды сол тілде оқыңыз. Бұл әдіс тілге жақын болуға көмектеседі.

3️⃣Тілдік ортаға ену (аптасына 1-2 рет)

Аптасына кем дегенде 1-2 рет тілдік ортаға кіріп, сол тілде сөйлейтін адамдармен сөйлесіңіз. Тілдік клубтарға немесе онлайн сөйлесу топтарына қосылыңыз. Сөйлесуге ұялып, қате жіберуден қорықпаңыз – қателіктер арқылы тіл дамиды.

4️⃣ Жазып және дауыстап оқу (күн сайын 15 минут)

Дауыстап оқу арқылы сөздердің дұрыс айтылуын үйреніңіз. Күн сайын кем дегенде 15 минут дауыстап оқу дағдыларыңызды дамытады. Сонымен қатар, күнделік жүргізіп, жаңа сөздерді жазып отырыңыз.

5️⃣ Ойын түріндегі оқу (аптасына 2-3 рет)

Ойындар немесе викториналар арқылы сөздер мен грамматиканы меңгеріңіз. Аптасына 2-3 рет осындай интерактивті әдістерді пайдалану сізді қызықтырады және ақпаратты есте сақтау қабілетін жақсартады.

6️⃣ Мақсат қойыңыз (ай сайын/апта сайын)

Тілді меңгеруде нақты мақсаттар қойыңыз. Мысалы, ай сайын 100 жаңа сөз жаттау, апта сайын бір шағын әңгіме немесе эссе жазу. Бұл мақсаттар сізді қамшылайды.

📌 Тілді меңгеру үшін күніне кем дегенде 20-30 минут уақыт бөліп, тұрақты тәжірибемен айналысыңыз. 3-6 ай ішінде жүйелі түрде жаттықсаңыз, елеулі нәтижелерге қол жеткізе аласыз.

#қазынакеңес

💡💡💡💡💡💡💡

Жапондықтардың “Кекейбо” әдісімен ақшаны қалай жинаймыз?

💸 Жапондықтар қаржыны тиімді басқаруға ерекше мән береді, ал олардың “какейбо” атты дәстүрлі ақша жинау әдісі әлем бойынша кең танымалдыққа ие. Бұл әдіс қарапайым қағаз журнал арқылы шығындарыңызды бақылап, саналы түрде ақша үнемдеуді үйретеді.

📌 “Какейбо” деген не?

“Какеибо” – жапон тілінен аударғанда “үй шаруашылығының қаржы журналы” деген мағынаны білдіреді. Бұл әдісті алғаш рет 1904 жылы Хани Мотоко есімді жапондық әйел журналист ұсынған. Оның негізгі мақсаты – адамдарға қаржыларын жүйелі түрде басқаруға көмектесу, шығындарды бақылау арқылы саналы түрде ақша үнемдеу дағдыларын дамыту болды.

📍Негізгі қағидасы

“Какейбо” әдісін қолдану үшін бар болғаны бір дәптер немесе арнайы журнал қажет. Әр айдың басында табыстарыңызды және күтілетін шығындарыңызды жазып, нақты қаржылық мақсаттарды анықтайсыз. Жапондық әдіс негізінде мына төрт маңызды сұраққа жауап беру керек:

1️⃣ Қанша ақша бар? – Айдың басында сізде қанша қаражат барын анықтаңыз.
2️⃣ Қанша ақша жұмсау керек? – Негізгі қажеттіліктер мен міндетті шығындарыңызды есептеңіз.
3️⃣ Қанша ақша үнемдеуге болады? – Жоспарлы түрде үнемдеу үшін ай сайынғы шығындардан қанша бөлігін үнемдеуге болатынын шешіңіз.
4️⃣ Қандай қадамдар арқылы үнемдей аламын? – Артық шығындарды азайтып, ақшаны тиімді жұмсауға мүмкіндік беретін шешімдерді табыңыз.

📌 Әдістің пайдасы неде?

“Какейбо” қаржыны саналы түрде бақылауға және жоспарлауға мүмкіндік береді. Бұл әдіс сіздің барлық шығындарыңызды көрнекі түрде көрсетіп, артық шығындардан арылуға, белгілі бір мақсатқа жету үшін қаржыңызды үнемдеуге көмектеседі. Оның үстіне, “какейбо” ойланбастан шығын жасау әдетін тежеп, қаржылық сауаттылықты арттыруға ықпал етеді.

ҚАЛАЙ БАСАУҒА БОЛАДЫ?

✔️ Ай сайынғы кірістерді және міндетті шығындарды жазыңыз. Бұл коммуналдық қызметтер, азық-түлік, көлік шығындары және т.б. болуы мүмкін.
✔️ Нақты мақсат қойыңыз. Бұл айда қанша үнемдеуді жоспарлайсыз? Мысалы, жаңа зат сатып алу немесе демалысқа жинау үшін.
✔️ Күнделікті шығындарыңызды тіркеңіз. Әрбір сатып алу немесе төлемді жазып, ай соңында қорытынды жасаңыз.
✔️ Талдау жасаңыз. Айдың соңында қанша ақша жұмсалғанын және қанша үнемделгенін тексеріп, келесі айға мақсат қойыңыз.

🟢 ҚОРЫТЫНДЫ

Жапондық “какеибо” әдісі – бұл тек қаржыны үнемдеудің жолы ғана емес, сонымен қатар өзіңізге қаржылық тәртіп орнату мүмкіндігі екенін естен шығрмаңыз. Қарапайым қағаз бен қалам арқылы сіз өз шығындарыңызды бақылап, ақша жинау жолындағы табысты қадамдар жасай аласыз.

Егер сіз де қаржылық сауаттылығыңызды арттырып, ақша үнемдеу мәдениетін үйренгіңіз келсе, осы әдісті қолданып көріңіз!

#қазынакеңес

💡💡💡💡💡💡💡

Тайм-менеджмент: Парето қағидасы бойынша уақытты тиімді жоспарлаудың негізгі 4 жолы

1️⃣ Парето қағидасы деген не?

🟢 Парето қағидасының негізгі заңдылығы - 20% әрекет 80% нәтижеге бағытталады, ал 80% күш тек 20% нәтиже көрсетеді. Бұны итальяндық экономист әрі әлеуметтанушы Вилфредо Парето тайм-менеджментке байланысты тұжырымдаған.

Мысалы: Егер күнделікті әрекеттеріңіздің ең маңызды 20%-ын орындасаңыз, жұмыс күшіңіздің 80%-ын үнемдейсіз.

2️⃣ Парето қағидасын күнделікті өмірде қалай қолданамыз?

📌 Мақсат қойып, оған жетудің нақты уақытын анықтаңыз.
📌 Ақпарат жинақтап, маңызды деректерді сұрыптап алыңыз.
📌 Артық әрекеттерді алып тастап, ең нәтижелі істерге ден қойыңыз.
📌 Нақты жоспар құрып, нәтижені уақытында талдап отырыңыз.

Мысалы: Егер сіздің 20% әрекетіңіз — маңызды жобаны уақытында орындау болса, қалған 80%-ға бос уақыт пен кездейсоқ жұмыстар жатады.

3️⃣ Өз уақытыңызды тиімді пайдаланыңыз

🟢 80/20 ережесі бойынша тиімділікті арттыру үшін сізге күш, тәртіп және мотивация қажет. Парето қағидасының қарапайым алгоритмін ұстаныңыз:

📌 Мақсатты анықтау.
📌 Нақты уақыт шеңберінде әрекет ету.
📌 Маңызды деректерді іріктеп алу.
📌 Артық ақпараттан бас тартып, қажетті әрекеттерге назар аудару.

4️⃣ Өзіңізге маңызды 5 сұрақты қойыңыз

✔️Уақытыңыздың 80%-ын қайда жұмсайсыз? Кітап оқуға ма, әлде әлеуметтік желіге ме? Бұл сізге пайданың 20%-ын ғана бере ме?

✔️Уақытыңыздың 20%-ын жұмысқа арнап, 80% рахатты неден аласыз?

✔️Қоршаған ортаңыздағы қай адамдар сізді бақытты етеді?

✔️Қай киімдердің 20%-ын аптаның 80%-да киесіз?

✔️Тамақтану режиміңде 80% құрайтын азық-түліктің 20%-ы қандай?

Талдау: Егер уақытыңыздың 80%-ын сізді тек 20% бақытты ететін жандарға арнасаңыз, ортаңызды өзгерткеніңіз дұрыс.

5️⃣ Қорытынды

🟢 Парето қағидасын дұрыс қолдана отырып, өміріңізді тиімді жоспарлап, өз уақытыңызды ұтымды пайдалана аласыз. Ең маңыздысы — энергияңызды нақты бағытта жұмсау!

#қазынакеңес

💡💡💡💡💡💡💡

Қарапайым жолмен ақша жинаудың 3 әдісі

1️⃣ Ақшаны депозитте сақтау

Қаржыны депозитте сақтаудың артықшылықтары көп. Бұл тек жинақтау емес, ақшаңның сіз үшін жұмыс жасауына мүмкіндік береді. Инфляция әсерінен үйде сақталған ақша құнсыздануы мүмкін, ал депозитте оның өсімі қамтамасыз етіледі.

✔️Инфляциядан қорғаныс
Үйде сақталған ақша инфляцияға ұшырайды, ал депозитте ол пайыздық мөлшермен өседі.
✔️Қауіпсіздік кепілдігі
Банкрот болған жағдайда, егер банк Ұлттық банктің кепілдігіне кірсе, салған ақшаңды қайтарып ала аласың.
✔️Тұрақты өсім
Депозит ашқанда пайыздық мөлшер бекітіледі, ақшаң тұрақты түрде көбейіп отырады.

🟢 Депозит түрлері

💸Қысқамерзімді депозит

Бұл депозиттің артықшылығы – ақшаңды кез келген уақытта шешіп алуға болады. Алайда пайыздық мөлшері төмендеу болады, және бұл ұзақ мерзімді жинаққа кедергі келтіруі мүмкін.

💸Ұзақмерзімді депозит

Пайыздық мөлшер жоғары, бірақ ақшаны белгіленген мерзімнен бұрын шешіп алуға мүмкіндік жоқ. Бұл әдіс ұзақ мерзімде ақша жинауға тиімді.

2️⃣ Акциялар мен инвестицияла

Ақшаны акция түрінде сақтауға бола ма деген сұрақ жиі туындайды. Акцияларды сатып алу – табыс алудың тағы бір жолы, бірақ бұл тәуекелі жоғары әдіс. Акциялардың бағасы өзгеріп отырады, сондықтан инвестиция салмас бұрын толыққанды зерттеу жасау қажет.

3️⃣ 5 конверт әдісі

Бұл әдіс ақшаны дұрыс бөліп жұмсауға және жинақтау мәдениетін қалыптастыруға көмектеседі. Әр айлық кірісті 5 бөлікке бөлу ұсынылады:

📍60% — күнделікті шығындарға арналған қаражат (тұрмыстық шығындар, азық-түлік, коммуналдық төлемдер және т.б.).
📍10% — үлкен сатып алуларға (сағат, техника сияқты қажетті заттар). Ай сайын осы бөлікке қаржы салып, қажетті заттарды сатып ала аласың.
📍10% — күтпеген шығындарға (жедел шығындар: телефон немесе техника жөндеу).
📍10% — демалыс пен ойын-сауыққа (театр, кино, мейрамхана). Демалыс үшін алдын ала ақша жинау дұрыс қаржы мәдениетін қалыптастырады.
📍10% — жинақ немесе депозитке (бұл сома қаржылық қауіпсіздік жастығын құруға арналған).

Қаржыны дұрыс басқару арқылы тұрақты жинақтау әдетін қалыптастырып, болашағыңды сенімді түрде жоспарлауға болады.

#қазынакеңес

💡💡💡💡💡💡💡

SMART әдісімен мақсат қою: табысқа жетудің 5 қадамы

☑️ SMART әдісі – мақсаттарыңызды айқындап, оларды жүзеге асыруға көмектесетін тиімді құрал. Әр әріп мақсат қоюдың белгілі бір қағидасын білдіреді, осы принциптерге сай мақсат қою арқылы оған жету жолын нақты жоспарлай аласыз.

1️⃣ S – Specific (Нақты)

Мақсат анық әрі нақты болуы керек. Нақты мақсатқа қол жеткізу жеңіл, өйткені не істеу керек екенін білесіз.

Мысалы: “Денсаулығымды жақсарту” дегеннен гөрі “Күніне 2 литр су ішу” немесе “Аптасына 3 рет жаттығу залында спортпен айналысу” деген нақтырақ.

2️⃣ M – Measurable (Өлшенетін)

Мақсатқа жету жолында өз прогресіңізді бақылау үшін оны өлшеуге мүмкіндік болуы керек. Өлшенетін мақсаттар сізге нәтижеге қаншалықты жақындағаныңызды көрсетеді.

Мысалы: “Көп оқу” дегеннен гөрі “Айына 2 кітап оқу” деген нақты және өлшенетін мақсат болады.

3️⃣ A – Achievable (Қолжетімді)

Мақсатқа шынайы түрде қол жеткізе алатыныңызға сенімді болуыңыз керек. Мақсат тым үлкен не қол жетпестей болса, ол шабытыңызды бәсеңдетуі мүмкін. Мақсатты қоярда өз мүмкіндіктеріңізді ескеріңіз.

Мысалы: “Жыл соңына дейін миллионер болу” деп армандау жалпы әрі қолжетімсіз болуы мүмкін, ал “ай сайын табысымды 10%-ға арттырғым келеді” – деу қолжетімді әрі нақты мақсат.

4️⃣ R – Relevant (Маңызды)

Мақсат өміріңізде маңызды әрі құнды болуы қажет. Ол жалпы өмірлік мақсаттарыңызға сәйкес келуі керек.

Мысалы: “Жұмыс орнын ауыстыру” мақсат болса, оның не үшін қажет екенін түсіну маңызды. Егер жаңа тәжірибе мен табысқа ұмтылу болса, онда ол тиімді мақсат болмақ.

5️⃣ T – Time-bound (Мерзімі белгіленген)

Мақсаттың нақты мерзімі болуы керек. Бұл мерзім сізді ынталандырып, әрекетке итермелейді. Мақсатты орындау уақыты белгілі болса, соған сай жоспар құра аласыз.

Мысалы: “Жақында саяхаттау” дегеннен гөрі “Қараша айына дейін Түркияға саяхаттау үшін қаражат жинау” деп нақты мақсат қойған жөн.

Ендеше, SMART әдісін қолдану арқылы мақсаттарыңызды нақты, қолжетімді әрі мағыналы етіп жазыңыз. Сонда жетістікке бір табан жақындайтыныңыз айқын!

#қазынакеңес

💡💡💡💡💡💡💡

Time Blocking әдісі арқылы уақытты басқарудың 6 жолы

⏰ Time Blocking – уақытты тиімді басқарудың бір әдісі, онда әр тапсырмаға немесе іс-әрекетке арнайы уақыт блогы арналады. Бұл әдіс адамға уақытын нақты жоспарлауға және басымдықтарды нақты анықтауға көмектеседі. Әдістің мәні – күн-апта бойындағы әр сағат немесе минут алдын ала жоспарланып, әр блок тек бір тапсырмаға арналады.

📍Time Blocking әдісін қолдану қадамдары:

1️⃣ Тапсырмаларды анықтау

Алдымен барлық атқарылуы қажет істің тізімін жасап, соларды негізгі санаттарға (жұмыс, жеке уақыт, демалыс, т.б.) бөлуіңіз керек. Содан соң әр санаттағы тапсырмаларды маңыздылығына қарай реттестіріп шығыңыз.

2️⃣ Әр тапсырмаға уақыт бөлу

Әр тапсырмаға қанша уақыт қажет екенін ойластырып, нақты уақыт блогын арнаңыз. Мысалы, маңызды кездесулер үшін 1 сағат, ал электрондық поштаны тексеру үшін 15 минутыңызды бөлуге болады.

3️⃣ Блоктарды күнтізбеге енгізу

Тапсырмаларға арналған уақыт блоктарын күнтізбеге енгізіңіз. Бұл блоктарды нақты уақытта орындау мақсатында ескертпе қойсаңыз да болады. Ең кең таралған тәсіл – Google Calendar. Алайда басқа да цифрлық күнтізбелерді қолдану - жеке таңдауыңыз.

4️⃣ Блоктар арасында үзіліс жасау

Уақыт блоктарын жоспарлау кезінде олардың арасына қысқа үзілістерді қосыңыз. Бұл демалып, зейінді арттыруға мүмкіндік береді. Мысалы, 45 минут жұмыс істеп, 10-15 минут үзіліс жасауға болады.

5️⃣ Икемділік

Time Blocking кезінде кейде күтпеген оқиғалар болуы мүмкін. Сондықтан өзгерістерге икемді болу маңызды. Егер күтпеген жағдай орын алса, басқа уақытқа көшіру үшін арнайы бос блоктар қалдырыңыз.

6️⃣Талдау және жетілдіру

Апта соңында өткен тапсырмаларды талдап, қай блоктың тиімді болғанын және қайсысын жақсарту қажет екеніне баға беріңіз. Осы талдаудың нәтижесінде келесі аптадағы уақыт блогын жетілдіруге болады.

📌 Time Blocking әдісінің артықшылықтары:

▪️Нақты мақсат қою

Әрбір тапсырма үшін арнайы уақыт бөлінгендіктен, алаңдамай, нақты бір іске назар аудару жеңіл болады.

▪️Уақытты бақылау

Бұл әдіс уақыттың нақты қай бағытқа жұмсалып жатқанын көрсетіп, тиімсіз әрекеттерден арылуға көмектеседі.

▪️Басымдықтарды анықтау

Алдымен маңызды тапсырмаларға уақыт бөлу арқылы маңызы төмен істерге уақыт қалдырмай, басымдықтарды дұрыс қоюға мүмкіндік береді.

▪️Алаңдаушылықтан арылу

Әр тапсырма үшін арнайы блок жоспарланғандықтан, бір уақытта бірнеше іс-әрекет жасаудың қажеттілігі болмайды, бұл зейінді арттырады.

❓Time Blocking тәсілін қайда қолдануға болады?

✔️Жұмыс күнін жоспарлау – маңызды кездесулер, жобалар, тапсырмалар және үзілістер үшін блоктар жасау.
✔️Тіл үйрену – күнделікті сөйлесуге, жазуға, тыңдауға және оқуға арналған блоктар құрап, мақсатқа жету.
✔️Жеке дамуға арналған уақыт – спорт, кітап оқу, медитация сияқты істерді жоспарлау.

Time Blocking-ті күнделікті өмірге енгізе отырып, уақытты тиімді пайдаланып, күннің әр сәтін өнімді етуге қол жеткізе аласыз.

#қазынакеңес

💡💡💡💡💡💡💡

Ақша жинауға көмектесетін ТОП-5 телефон қосымшасы

💸 Қазіргі таңда көпшілігімізге ақшаны сақтау мен оны есептеудің бірнеше жолы белгілі. Алайда ақпарат ағынының көп болуына байланысты оқырмандардың басым көпшілігі ненің тиімді екенінен бейхабар болып жатады. Ендеше бүгін ақша жинауға жол ашатын бес қосымшаны назарларыңызға ұсынамыз.

1️⃣ Monefy

Monefy - қаржыны есептеуге арналған ең ыңғайлы әрі танымал қосымша. Мұнда шығындарыңыз бен кірістеріңізді бақылауға мүмкіндік бар. Сонымен қатар бюджет құруға, несие картасы мен шот бойынша берешек туралы хабарландырулар алуға болады. Қосымша қаржылық әдеттеріңізді талдауға жағдай жасайды және қаржылық мақсатыңызға жетуге көмектесетін түрлі ұсыныстар ұсынады.

Monefy қолданбасының интерфейсі өте ыңғайлы. Шығындарды санат немесе уақыт кезеңі бойынша бөлуге болады. Кірістірілген калькулятордың көмегімен статистиканы талдап, бюджетті есептеуді жеңілдетеді.

2️⃣ CoinKeeper

CoinKeeper қосымшасы кірістер мен шығыстарды бақылап отыруға арналған. Оның ерекшелігі көп функционалды болуында. Тегін нұсқасында шығыстар мен кірістерді қолмен енгізу қажет. Ал ақылы нұсқасы уақыт үнемдеуге мүмкіндік береді.

CoinKeeper шығындардың белгілі бір санаттарына шектеулер қоюға, әртүрлі валюталарды есепке алуға, төлемдерді жоспарлауға, және қолданбаны басқа телефондармен, планшеттермен және компьютерлермен синхрондауға мүмкіндік береді.

3️⃣ Wallet

Wallet – ақша, бюджет, қаржы және шығыс есебін ұзақ мерзімді жоспарлауға арналған қаржылық есеп бағдарламасы. Бұл - халықаралық бағдарлама, себебі әлем бойынша 4000 банкпен синхрондалады. Ең үлкен артықшылығы - банктерден ақпаратты импорттай алу мүмкіндігі.

Wallet бағдарламасы мәліметтерді кестелерге экспорттап, қаржыны дәл бақылауға мүмкіндік беретін толық есеп береді.

4️⃣ YNAB (You Need A Budget)

YNAB - бюджет құруға арналған қуатты құрал. Ол шығындарыңызды бақылауға, қаржылық мақсаттарыңызды белгілеуге және ақшаңызды басқаруға көмектеседі. YNAB-тың басты ерекшелігі - ақшаңыздың қайда кететінін нақты біле аласыз.

5️⃣ PocketGuard

PocketGuard - қаражаттың қайда кетіп жатқанын бақылауға көмектесетін қарапайым қосымша. Бұл қосымша шығындарыңызды, кірістеріңізді және шоттарыңызды бақылап, сіздің бюджетіңізге сай ақшаңыздың қанша бөлігін жұмсай алатыныңызды көрсетеді.

Нәтиже:

Ақша жинау мен басқарудың тиімді тәсілдерін іздейтіндер үшін аталған қосымшалар қаржылық тұрақтылыққа жетуге көмектеседі. Сіздің қажеттіліктеріңізге сәйкес келетін бағдарламаны таңдап, қаржыңызды тиімді жоспарлауға кірісіңіз!

#қазынакеңес

💡💡💡💡💡💡💡

Әйгілі миллиардерлерге ортақ 7 қасиет: Жетістікке жету құпиясы

Әлемдегі ең табысты миллиардерлердің жетістік жолына зер салсақ, олардың өміріндегі ортақ қасиеттерді байқауға болады. Осы тұста көш басында төбе көрсеткен Илон Маск пен Уоррен Баффет сияқты тұлғалардың өмірінен мысал келтіре отырып, жетістікке жетелейтін 7 негізгі қасиетті ұсынуды жөн көрдік.

1️⃣ Жаңашылдық пен батылдық

Миллиардерлердің көпшілігі қоғам белгілеп қойған стандартты ойдан бас тартып, жаңашыл шешімдер іздейді. Илон Маск Tesla, SpaceX және Neuralink компаниялары арқылы жаңа нарықтарды ашып, бұрын-соңды болмаған жобаларды жүзеге асырды. Ол тәуекелге бел буып, өз армандарын шынайы әлемде сынаудан қорықпады.

2️⃣ Айқын мақсат және құштарлық

Миллиардерлер өз ісіне ерекше махаббатпен қарайтын жандар. Мәселен, Уоррен Баффет, бала кезінен бастап қаржы және инвестициялау саласына құштар болған. Өзінің құмарлығының арқасында ол Berkshire Hathaway сияқты алып компанияны басқарып, ұзақ уақыт бойы байлығын сақтап келеді.

3️⃣ Табандылық пен шыдамдылық

Қиындықтардан қорықпау әрі сәтсіздіктерге сағы сынбай, тойтарыс бере білу – миллиардерлерге тән қасиет. Маск бірнеше рет қиындыққа тап болса да, өз идеясын жүзеге асырудан тартынып қалмады. Оның табандылығы SpaceX-ті банкроттықтан алып шығып, табысты компанияға айналдыруға мүмкіндік берді.

4️⃣ Жоспарлау және уақытты тиімді басқару

Миллиардерлердің көпшілігі уақытын тиімді басқаруға, әр минутын бағалауға дағдыланған. Мысалы, Баффет көп уақытын күнделікті оқуға арнайды, бұл оған нарықтағы үрдістерді және жаңа мүмкіндіктерді көруге көмектеседі. Өнімділік – жетістікке жетудің маңызды кілттерінің бірі.

5️⃣ Үздіксіз оқу және өзін-өзі дамыту

Білімге құштарлық – миллиардерлерге ортақ қасиет. Олар тек кәсіби салаларын ғана емес, өзге де бағыттарды зерттейді, жаңа дағдыларға машықтанады. Мәселен, Маск өздігінен зымыран құрастыруды үйреніп, SpaceX-ті дамытты.

6️⃣ Командамен жұмыс істеу және жауапкершілікті үлестіре білу

Жетістікке жетуде дұрыс команда құру маңызды. Маск, Цукерберг және Безос сияқты миллиардерлер өз істерінде мықты мамандармен бірлесе жұмыс істеп, жауапкершілікті үлестіре білді. Осы жүйе арқылы табысқа да жетті. Олар осыған ұқсас басқа да таланттарын орынды қолданып, жобаларын дамытып жүр.

7️⃣ Тұтынушыға бағдарлану

Джефф Безос Amazon-да тұтынушының сұранысын барынша қанағаттандыруға баса назар аударды. Клиенттің талабын түсіну арқылы компанияны әлемдік нарықта көшбасшы ете білді. Миллиардерлер клиенттің сұранысына және қажеттілігіне бейімделудің маңызын жақсы біледі.

🟢 Жетістікке жетудің құпиясы

Бұл жеті қасиет тек миллиардерлерге емес, барлық табысқа жетуді мақсат еткен адамдарға пайдалы болатынына сенімдіміз. Құштарлық, табандылық және үздіксіз даму арқылы өз жолыңызды таба аласыз!

Сіз жетістікке жету жолында қандай ұстанымды назарға аласыз? Пікірге жаза кетіңіз! 💬👇

#қазынакеңес

💡💡💡💡💡💡💡

Soft skills: Кез келген адамға ауадай қажет 4 дағды туралы не білеміз?
⠀
💭 Жетістікке жету үшін сіздің тек кәсіби біліктілігіңіз аздық етеді. Осы тұста көкейіңізде «неге?» деген сұрақтың туындайтыны рас. Себебі XXI ғасыр біз күтпеген өзгерістерге толы.
⠀
📌 Алдағы 5-10 жылда жасанды интеллект толыққанды дамыса, кей салада қызмет ететін мамандардың орнын роботтар басатыны айқын. Ал бұл кезде адамдар роботтармен SOFT SKILLS дағдысы жоғары дамыған жайғдайда ғана бәсекеге түсе алады.
⠀
📌 Ендеше ешқандай саланы, ешбір адамды таңдамайтын кез келген маманға қажет 4 дағды не?

Қымбатты оқырман, сұранысқа ие маман болу үшін «4 C» жүйесін білгеніміз жөн.
⠀
Сіздерге түсінікті болу үшін «4 C» тізбектеп шығайық.
⠀
🟢 1. Critical thinking – сыни тұрғыдан ойлау. Бұл дағды бойынша сіз кез келген мәселеге сыни көзқараспен қарап, ақпаратты сұрыптап, жан-жақты талқылайтын боласыз.
⠀
Осылайша өз бетіңізше қорытынды шығарып үйренесіз. Қандай да бір істі бастамас бұрын логикаңызды іске қосып, түрлі мәселелердің шешімін табуға бейімделесіз.
⠀
🟢 2. Creativity – шығармашылық қабілет. Шығарамашылық қыры жақсы дамыған адам стандартты емес шешімдерді қабылдап, кез келген өзгеріске дайын болады. Қиындықтарға қарсы тұра алады және туәкел етуден қорықпайды.
⠀
🟢 3. Coordinating with ohers – өзге адамдармен қарым-қатынас орнату. Координация коммуникациямен тығыз байланысты, бірақ кәсіби салаға жатады. Бұған жалпы мақсатты және оған жету жолдарын анықтау, нәтижені бағалау мүмкіндігі жатады.
⠀
🟢 4. Communication – коммуникация. Қазір кез келген уақытта барлығына қоңырау шалу және хабарлама жазу мүмкіндігі бар. Сондықтан екі жағдайда да адамдармен дұрыс келіссөз жүргізіп, жоғары деңгейде байланыс орнату маңызды.
⠀
🔴 XXI ғасырда ең қажетті аталмыш дағдыларды қалыптастыру сіздің де қолыңыздан келеді. Тек қажетті білім алып, өзіңізді әрдайым шыңдап отыруыңыз қажет.

#қазынакеңес

💡💡💡💡💡💡💡

Жинақ жасаудың қарапайым 5 қадамы

🟢 Жинақ құру – бұл қаржылық тұрақтылық пен болашаққа жоспарланған мақсаттарға жету үшін өте маңызды дағдылардың бірі. Бүгінгі таңда қаржы сауатын арттыруда көптеген адам жинақтау мен инвестиция салуға мән бере бермейді. Бірақ бұл әрекеттер - болашаққа дайындық жасаудың негізгі компоненті. Қаржы әлемінде жинақ туралы мына ақпараттарды білгеніңіз жөн:

💡 Мақсаттарды айқындау: Жинақтаудың бірінші қадамы – нақты мақсаттар қою. Мысалы, үй сатып алу, білім алу, денсаулық сақтау немесе зейнетақы үшін жинақ жасау. Әр мақсатқа сәйкес ақша жинаудың мерзімі мен көлемі анықталуы қажет.

💰 Қаржы жоспары: Жинақ жасау үшін бюджетіңізді басқаруды үйреніңіз. Бұл кірістер мен шығыстарды бақылап, қажетті емес шығындарды қысқартуға көмектеседі. Қаражаттың бір бөлігін әрдайым жинаққа жұмсауды әдетке айналдырыңыз.

🏦 Жинақ құралдары: Банктегі депозиттер – қауіпсіз тәсілдердің бірі. Бірақ егер табысыңызды көбейтуді қаласаңыз, инвестициялар немесе басқа да құралдарды қарастырған жөн. Әр инвестицияның тәуекелін түсініп, өз мүмкіндігіңізді бағалаңыз.

📊 Инвестициялау: Жинақтарыңызды тек сақтаумен шектемеңіз. Инвестициялау арқылы қаржылық табысыңызды арттыра аласыз. Бұл акциялар, облигациялар немесе жылжымайтын мүлікке салымдар болуы мүмкін. Бірақ инвестиция жасағанда сақ болыңыз және болуы мүмкін қауіп-қатермен танысыңыз.

💪 Тәртіп пен шыдамдылық: Қаржылық мақсатқа жету үшін тұрақтылық пен шыдамдылық қажет. Бұл процесс уақытты талап етеді, бірақ оның нәтижесі жайлы болашаққа жол ашады.

📚 Қаржы сауатын арттыру: Қаржы сауатын тек жинақ жасаумен шектемеу керек. Қаржы құралдары, инвестициялау стратегиялары, салықтар мен заңдар туралы білім алу сіздің қаржылық жағдайыңызды жақсарта алады. Кітаптар, курстар, семинарлар – барлығы қаржылық білім алуға мүмкіндік береді.

🛡 Қаржы қауіпсіздігі: Әрбір адамның өмірінде күтпеген жағдайлар болуы мүмкін – ауырған кезде немесе күтпеген жерден жұмыстан босатылғанда жинақтар үлкен қолдау көрсетуі мүмкін.

Қаржы сауатын арттыру мен жинақ жасау – бұл тек жеке өміріңізді емес, тұтас елдің экономикалық тұрақтылығын арттыруға да әсер етеді. Ендеше қаржылық жағдайыңызды нығайту үшін бүгіннен бастап қадам жасаңыз!

#қазынакеңес