‏الجروح الغافيه ذا الليل كنها مستجّده
‏ودها تكشف خفايا خاطري واخر علومي
‏ㅤ
‏لي من الضحكات والراحه ونوم الليل مده
‏يا الله بـ علمٍ يسر البال ويبدد همومي .

ماودي اجرحك لكن خذ مني الحقيقه
انت احقر من عرفته واكثر من حبيته .

ايه اوجعتني وانا من جورها ماحكيت
تعال اسمعك في صدري تناهيتها

قم ياهوا البال هذا انا لعينك سريت
رجعي لي ايام بابطي ماتناسيتها

جيتك وانا شفق وازريت الوصل يوم جيت
مدري مراسيل وصلي ليه رديتها .

والله ان ابطي وحزنه على كبدي يزيد
اغتنم ياللي تدور لحزني اغتنم

اشهد اني فاقد لي على الدنيا فقيد
تسلم كسور الاوادم وكسري ماسلم .

وعز الله انيّ عايف الناس يا سعود
‏ودي اصد و صدتي خير صده .

صار السهر في عيوني طبع وجبله
مدري متى الوقت والايام تصفى لي .

ليت كسر الذات يبرا بالجباره والكتايف
‏كان ابا احاول واضبّه بالكتايف والجباره

‏فرصتن تاحت وراحت مير يالله بالخلايف
‏ياوجود اللي قعد يصفق يمينه في يساره .

أصلي في ثرى حزني و لا لي بالفرح مدهال
‏صفوف أحلامي تصلي وراي وتبكي لكسري .

انتي سلبتي فوادي ياسلوب العتاد
مع ان حبتس ما وصانا عليه النبي

اقدرتس من غلا اللي طايح فالبلاد
ويلي على ردتس بكره ورده صبي .

‏هذي العيون اللي عليها القصايد تطوف
‏والحاجب اللي له القيفان تسعى سعي .

فيك شي من الرزانه وشي من — الهباّل
‏وفيك شيء من المشاعر وشيء من القسى .

الا ياحمد ياخوي لامرني طرياه
اكن النسم واجر الصوت موالي

على واحد ياليتني ياحمد وياه
نسج الخلا ونذب في روس الاقذالي

عليه اتوجد وجد حالي وياعزاه
ابو عين ذباحه وابو مبسمٍ حالي .

بدويٍ لا أستحى من قول أحبّك
‏راح ينّسج لك من اللهفة قصيدة .

والله اني فوق منّتي تهقوينه !
صاحّبش وحبيبش واقرّب اخوانش

كل شي الا الرّدى لا تظنينه
داخل في وجهش و وّجه شيبانش .

ألمحه، وأخشى عليه، ولا أتوجس منه خِيفه
‏صاينة صون الوجيه وحافظه حفظ الأمانة .

‏اللي سواليفها عذبه .. و فيها عناد
‏ياحلوها كل ما قالت لي شعورها

‏حلوة نبأ ، طيّبة مبدأ ، وريثة شداد
‏اليا مشت فوق الأرض تطيّر طيورها

‏نشميّةٍ دونها اللي يحتمون البلاد
‏اللي على سرجها و اللي على كورها

‏تستاهل العود الأزرق و البكار التلاد
‏و الطرقة اللي توقفني على سورها .

فمان الله .