ننصحك لا تهدد ندري متروح
گلبك عاطفي گليب الفخاتي
مثل امي بزعلها تهدد البيت
اهجن راح وانطوني عباتي
وننطيها العباة وتضحك تكول
اهجن وره ما اكمل صلاتي
ونضحك والزعل ينطرد ويروح
حنينة امي ضوه هيه لحياتي
وصفاتك حيل تشبهها فرد نوب
شلتو ثنينكم أجمل صفاتي
لذلك من تهدد نضحك هواي
ضل هدد واحبنك اغاتي
عراقي اني بحياتي يعيش نهرين
دجله امي واريدنك فراتي

خاف حسبالك اجيت اعتب عليك
اني صار سنين عفت اعتابـــــي
ادري.. تغدر.. ادري تتركني وتروح
وذني كلهن خالهن بحســـــابي
اني صاحبت المشاكــل من وراك
وانت.. مدري شصاحــبت بغيابي
رووح.. باجر مو بعـيد الله كريــم
والله باجر ترجـــع تدگ بابـــي

طبينا الحرب وَآحدنه
يطويّ الكاع
وَمِن شَفْنِاكَ وَاكفَّ
ايَد مَا شِلِنهَ
جَمعِنا سَيوفِّنا وِردَينهَ
موَ مَن الخَوفِ
جيّ شَفِناك
واكف بالحَرب ضَدنا

صِح مَشتاگلگ بَس مُو وگتها
عِلاقتنة بَـغرورك خِربتـة
أنِغشيت بَيك عيُونك گبار
بَس عيُوبك أكـبَر مَا شِفته
متأخِر صحَيت أني
مِحد يَـشبه الثاني
واحِد نِـايم ومَرتاح
و وَاحِد گاعِـد يَعاني
إذا رادو يَسئلوني
عِليك تِجاوب عيُوني
حِرف مِن أسَمك يَذكرون
لَـو رادو يَـبچوني

بَعد ماجنت اشم عطرَك بقمصاني
اجيت تكلي رايح وانتهيت اني
وكتلك كلشي سوي ولا تجيب فراك
وكتلي الله يوفقك عود وانساني
مشت چم سنة وصدك هدم الروح
شنو فايدتك من تعود باحضاني
عشت منك اذيه وضيم واتعديت
نسيت بيوم كلبك جان يهواني