صِح مَشتاگلگ بَس مُو وگتها
عِلاقتنة بَـغرورك خِربتـة
أنِغشيت بَيك عيُونك گبار
بَس عيُوبك أكـبَر مَا شِفته
متأخِر صحَيت أني
مِحد يَـشبه الثاني
واحِد نِـايم ومَرتاح
و وَاحِد گاعِـد يَعاني
إذا رادو يَسئلوني
عِليك تِجاوب عيُوني
حِرف مِن أسَمك يَذكرون
لَـو رادو يَـبچوني

بَعد ماجنت اشم عطرَك بقمصاني
اجيت تكلي رايح وانتهيت اني
وكتلك كلشي سوي ولا تجيب فراك
وكتلي الله يوفقك عود وانساني
مشت چم سنة وصدك هدم الروح
شنو فايدتك من تعود باحضاني
عشت منك اذيه وضيم واتعديت
نسيت بيوم كلبك جان يهواني

اوَرث ذكرياتك
واشهك اوداع
كل مادير بالي
وجَهك اديره
المَوادع ابروحي
يصير تابوت
وبالملاگه هَلاهل
دمعِتي اتصير
گلت ملحك بجرحي
وغزر وياي
وگلت سنين عمري
ومامضن بيك
الله انطاك عمر وعِشت وياي
وي غيري شتضن هم الله ينطيك

أتعنى المچان الي گعدته وياك
ما الگاك بس رايد أثر منك
بلچن چلمة ظلت ما نگلها الريّح
الگاها و تجاوب بالنشد عنك
لو أدور عطر منك بقى على الگاع
احط نفسي عليه أفيّش أشمنك
جدامي من النشد دوخن راس الگاع
يدورن أثر منك يتبعنك
عگدة براس فكري گلَي أحلها شلون
أأيس لو أظل للموّت أنطرنك

ضلي يمي
اني اريدج ضلي يمي
صوتج يذكرني بأهلي
صوتج ينسيني همي
صوتج بليل من اسمعه
چن بچت عد راسي امي
خل اشوفج ماشبعت من إمي شوف
روحي يمهه ببيتهه ضلت تطوف
فارگتهه وماشفتها
هي غربه وليله صعبه
وجيه المشتاگ خوف
ضلي يمي يمچ اشعر بالامان
ايدي بيدج لايضيعنه الزمان

4🥹😂