#轉貼 #已結業
資料來源： #Tommy阮民安
======================
#九龍灣
#雲興隆小廚

再見啦，雲興隆小廚。

呢間黃店嘅小菜，肯定係我食過最好食黃店小菜嘅頭三名。

但好可惜，佢哋今晚要結業啦。

點解我依家先講？

因為老闆娘Winnie同我講驚我如果一早喺度同大家講，您哋一定會去瘋狂懲罰佢，佢人手唔夠，怕招呼得各手足唔好，所以佢叫我最後一刻先同您哋講。

佢哋一家四口絕對唔係想用結業做多一大筆生意，反而只係想得到大家嘅祝福。

黃店有質素嘅，其實仲大把。

由佢哋一開始俾人屈係藍店，之後托人搵我成功救忙，到後來嘅月餅，盤菜，呢兩年我哋都一直互相支持，好開心認識到佢哋一家。

唯一係之後食唔返條椒剁魚唔知點算🥺

今日一別，唔知幾時會再聚，但我相信無論我哋去到邊度，都唔會忘記呢兩年我哋經歷嘅種種。只要初心不變，就算用唔同嘅方式，一樣可以繼續互相扶持。

最後為您一家四口送上最誠意嘅祝福，日後好好保重，一家好人一生平安。

環境越來越唔容易，我哋人越來越少，黃店越執越多，希望還在的大家，唔好再內鬥了，用多啲愛，去包容，去體諒，去支持。

咁樣，黃圈先可以永遠延續下去。

香港人，堅持，加油！