《一炮過請8個TVB藝人宣傳 - Gentle Monster💙》

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【Gentle Monster（溥儀眼鏡）】
https://www.facebook.com/PuyiOptical
https://pili.app/pg/Zb5GFx2U

▌#GentleMonster 係 #溥儀眼鏡 代理嘅眼鏡牌子，近月好豪爽地一次過請咗8個 #TVB 藝人出席新店開幕活動，包括唔係廖慧儀男朋友嘅 #孔德賢、當時仲未退出超級虎嘅 #羅天宇、孝感動天 #胡鴻鈞、《造星》出身嘅《勁歌》主持 #涂毓麟、續約TVB嘅「後生仔」 #游嘉欣，以及 #黃俊豪、#郭柏妍、#王菲 等人。

▌溥儀眼鏡另一隻牌子 #Glasstique 上年都有贊助音樂節目《#演鬥聽》，其行政總裁為楊受成嘅外甥邱子傑，提到點解要用上中国釋囚溥儀嘅名嚟命名公司，佢表示溥儀成日戴住副圓形眼鏡，又帶有亞洲元素，所以極具代表性。另外，邱子傑同譚詠麟、李克勤係老友，經常約埋打波開P。

#TVB廣告商2022 #藍店

———————————————
【‼TVB 廣告商名單‼】
https://bit.ly/TVBAdData 👈🏻

▌#TVB 大股東、中国共產党員、有「中國梅鐸」之稱嘅 #黎瑞剛🇨🇳 近日再借傳媒把口批評網民「網絡欺凌」其廣告商，令廣告商被嚇走。佢舉出一間國際連鎖快餐店例子，聲稱佢「近期一直沒有在TVB投放廣告，TVB是大眾家庭電視，該是這快餐品牌投放廣告的對象」。

究竟佢講嘅國際快餐品牌係邊間？差唔多間間都係！

1️⃣ #金拱門🇨🇳 （麥當勞香港）嚴格嚟講係中資唔係國際品牌，不過佢近期除咗透過「資訊贊助」形式贊助《#東張西望》之外，都冇特別落過電視廣告；

2️⃣ #肯德基 電視廣告消失咗直頭三年，就算有個廣告係邵氏藝人 #黃俊豪 拍，個廣告都冇喺TVB播過；

3️⃣ 快樂蜂、Mos Burger、Five Guys呢啲更加冇廣告，所以真係好難估到黎生講邊間。

▌另外，黎生又特別提到，TVB「和香港本地快餐品牌開始了合作，取得不錯的成績。另一家本地快餐品牌也開始TVB在投放廣告，並支付廣告金額，但剛開始合作，這家品牌就受到網絡攻擊，甚至威脅，最後提出暫緩合作。」

編者估計前者係指 #大家樂，後者唔確定係咪 #大快活，因為近日大快活廣告仍然活現於翡翠台。至於所謂網絡攻擊、威脅就簡直係得啖笑，唔講以為我啲錢係印住大快活個名，一定要幫襯佢🫠

▌唔知黎生係咪住喺中国太耐，唔太了解咩叫「#自由市場」，自由市場就係你有權賣廣告，消費者有權唔幫襯。你哋公司自己都有透過廣告宣傳ESG（環境、社會和公司治理），咁你應該知道廣告客戶幫襯你，同埋消費者幫襯廣告商嘅時候唔單只考慮收視率、價格，仲會考慮社會責任等。

另外，TVB亦冇資格講公平競爭，你哋咁多年嚟點樣迫害競爭對手、反對聲音，用以維持壟斷地位，並間接扼殺香港創意產業，大家通通有目共睹。

TVB與其日日喺度諉過於人，屌客「#匪夷所思」，屌網民「#網絡欺凌」，不如諗吓點解ViuTV、開電視同樣係藍台，但TVB就俾人插得最勁？可能你哋先係掌握權力、財力、影響力嘅欺凌者，我哋呢班冇得睇HKTV、被TVB假資訊禍，仲要不斷被你哋抹黑、檢舉、以法律手段威嚇嘅網民只係大雄😉