JER感謝因MIRROR重新留意香港每一位：
每人一個小小行動 娛樂圈會因此而推動

叱咤頒獎禮上唔少得獎歌手、音樂人留下感人發言，其中黃偉文（Wyman）更多謝MIRROR及背後團隊對廣東歌有抱負。憑《狂日人記》首次打入叱咤十大嘅Jer柳應廷開首亦話「感謝曾經因為Mirror重新留意香港的你」，亦感謝MIRROR兄弟嘅陪伴「喺亂流中一齊走過」。Jer 相信「香港樂壇一定會越來越好，我哋做嘅作品、做嘅表演一定可以再次踏上世界舞台。」

Jer喺帖文表示，2021年「大家都經歷過很多，但我生於這城市，很愛這地方，大家要重新振作」。佢又感謝曾經談論MIRROR的所有人，「無論好與壞...我哋Mirror每一位，由選擇出道果（嗰）一刻，就算面對洪流，都唔會退縮。」對於因為MIRROR而留意不同音樂創作單位、重新投資本地新晉音樂人、重新留意娛樂圈的每一位，「其實未必每一位都一定要消費支持，但每人嘅一個小小行動，留意多一下香港同朋友討論多一下音樂圈，娛樂圈就會因為咁而推動。」

除咗JER，MIRROR呢幾日都喺社交平台出po講感受。Stanely邱士縉感謝公司同曾經幫助過Mirror嘅人同fans外，亦「多謝聽返廣東歌／一直聽緊廣東歌嘅樂迷」；未來佢會「繼續緊守自己小小的崗位，努力學習、努力的唱，「雖然香港樂壇成為亞洲第一看似是一場夢，就如三年前我也沒有想過會在叱咤台上唱歌，會開演唱會，會有粉絲喜歡自己，會成為一位演員。 目標夠遠大，奇蹟才會出現嘛！」Stanely希望大家要「相信香港樂壇，香港影壇，百花才能齊放」。

姜濤亦都話2021對佢嚟講既漫長又短暫，漫長係因為經歷好多悲歡離合；短暫就係自己未逐一改善自身好多缺點，同埋有好多要做嘅事仲未好好完成。但佢好感支持同陪伴佢走過呢一年嘅每一位，包括MIRROR兄弟、工作人員、姜糖們等，「我會努力，希望有一日可以做到對得住『歌手』這個身份和獲得的所有榮譽。」

#channelchk #香港樂壇 #廣東歌 #MIRROR #JER #柳應廷 #Stanely #邱士縉 #姜濤 #叱咤

姜濤誕圖輯｜姜糖攻陷姜濤灣
壽星仔拍片感謝：願疫情快過 我哋可快啲去旅行
全文：https://bit.ly/3sp6A7t

今日姜濤23歲生日，銅鑼灣又變成「姜濤灣」，幾乎由朝到晚都有大批「姜糖」喺SOGO、金百利外打卡、派生日應援；當電車「姜濤號」駛經時，喺軒尼詩道兩旁聚集嘅人群又一齊叫「姜濤生日快樂」，場面墟冚。

壽星仔姜濤亦都拍片多謝姜糖們嘅心意，片段喺姜濤香港後援會ig上載，佢喺片中首先多謝大家一直以嚟對佢生日嘅應援，尤其今次見到大家用心準備佢嘅23歲生日，亦提到自己生日願望好簡單，「我諗同好多人一樣，希望疫情快啲過，希望每個人快啲回復返正常生活。疫情期間，希望大家都充滿愛，可以互相幫助，一齊度過呢段艱難時候，咁我哋可以快啲去旅行，所以再次希望所有人身體健康，支持我嘅fans姜糖們永遠幸福。」

#姜濤 #姜濤誕 #姜濤號 #姜濤灣 #姜糖 #免費搭電車 #channelchk

姜濤誕以新曲《作品的說話》畫句號
詞人小克：選擇並堅持在自己生辰向外界宣揚愛

是日「姜濤誕」以個人新單曲《作品的說話》畫上句號，以姜濤 @keung_show 本人常掛在口邊的一句「用作品說話」為歌名，為大家帶來善惡、戰爭、人性等等反思，更獲作詞人小克 @diuhak 讚揚，「有個年輕人選擇並堅持在自己生辰向外界宣揚愛與和平」。除了姜濤，近日香港樂隊The Hertz @thehertzofficial 亦有推出同樣以人性、戰爭為主題的新曲《人》（Mankind），歌詞MV簡介提到「人活太耐，對身邊的人和事，不期然的麻木了。其實，他流血了，會痛；他痛哭了，會盼待來抹乾自己眼淚的人」，最後更問大家「你是人，我也是人，你還記得嗎？」。動盪中，但願仍有廣東歌、香港文化作為大家的避風港。

全文👉🏽https://cutt.ly/8GIJR85

#channelchk #姜濤 #作品的說話 #小克 #烏俄戰爭 #用作品說話 #MIRROR #姜濤誕 #GarethT #TheHertz #Mankind #人