▌#富邦銀行 同 #3HK 都係少數贊助過《#聲夢傳奇》全體學員嘅公司，但如今富邦似乎開始轉軚，試吓轉用Mirror，有網民笑言「要下弦都唔要tvb」、「三個下弦頂成班台柱」、「見到洗淨種就唔開胃啦」、「18歲都未有賣乜野銀行廣告」，亦有人兩邊都唔睇好，表示「係啦紅viu贏紅tvb 好高興啦。香港人贏晒啦」。

▌有別於上次搵聲夢宣傳，今次富邦銀行正式喺Youtube上載咗由Frankie (#陳瑞輝)、Stanley (#邱士縉)、Alton (#王智德)拍攝嘅 #富邦GO 廣告，而聲夢嗰次就只係叫學員將條片Upload上自己IG，不過富邦起碼贊助過兩次聲夢演唱會，Mirror就冇，所以打和喇！

▌雖然廣告商「換馬」係平常事，可能因為聲夢帶唔到商業效益，亦有可能係富邦想食齊聲夢、Mirror Fans兩邊生意，畢竟富邦都有食兩家茶禮嘅歷史（同期贊助《#全民造星IV》），不過小編就覺得可能同「#沙士死剩種」事件有關。

事發於今年1月，#冼靖峰 同其餘三位聲夢歌手 #詹天文、#蔡愷穎、#林智樂 開Music Live，四人討論緊讀書時期會聽嘅歌，講起蔡同林都係2003年出世嘅時候，冼靖峯插咀表示「03即係咩呀？即係沙士死剩種呀，係咪呀？」，林同蔡狀甚驚訝，冼隨即表示「講笑講笑講笑講笑哈哈」，然後繼續話題，但其餘三人似乎仍然未load到。該番言論當時引起唔少市民反感，甚至聲言杯葛其廣告商，而富邦銀行就係其中一間。

由於富邦銀行(香港)並未設立FB專頁，網民遂湧至富邦人壽專頁投訴，當時富邦人壽表示會將網民意見反映予相關單位，小編相信，富邦今次換人唔多唔少都同呢次事件有關，畢竟冼靖峰而家都算係一個「家喻戶曉」嘅人物，而諗起佢又好容易聯想返佢嘅廣告商，換吓人，過吓冷河都係明智選擇。

▌#富邦銀行(香港)，前稱港基國際銀行，目前係臺灣富邦金融控股嘅全資附屬公司🇹🇼 ，臺北市政府🇹🇼 亦持有富邦金控13.11%股份。

《Doughnut x 聲夢傳奇廣告全線下架!?》

▌幾個月前我哋介紹過香港時裝袋品牌 #Doughnut，指佢哋搵咗多位《#聲夢傳奇》成員拍攝硬照廣告，包括世界知名藝人 #姚焯菲，以及駿才街77號知名藝人 #張馳豪、#文凱婷、#何晉樂、#林智樂 等（冇 #冼靖峰 份），但喺今日，我哋發現Doughnut喺眾人IG嘅廣告已經消失😢

▌該篇10月嘅報導出街後，瞬即吸引數以千計網民關注，聲夢fans喺初次動員派Like失敗後，隨即留言質疑派嬲嘅都係分身、買返嚟嘅打手，呼籲Doughnut唔好理啲少數派，惟該番撥火言論卻令Doughnut專頁食多2,200個嬲，事後Doughnut專頁亦沉寂咗一排，我哋近日更發現，原來佢哋喺眾歌手IG上面嘅廣告已經消失，估計係憂慮《聲夢》為品牌帶嚟負面形象或收益，止蝕離場。

▌#終極黃藍地圖 近日已將Doughnut十間分店列為藍店，雖然Doughnut啲廣告Post刪除晒，但畢竟冇人解釋過原因，而且又實質支持過TVB，所以我哋會觀察一排再決定應唔應該取消其「#藍店」資格。

*是日沒有任務