買快速測試要睇清楚！COVID-19不是肺炎支原體！

近排快速測試需求大大大急升，網上開始見到唔少聲稱係「批發價」入手嘅快速測試套裝，大家記住要睇清楚啲！除咗要買啲準嘅套裝，仲要睇下係唔係真係驗COVID-19！

事緣就係有人喺Facebook群組「淘寶開心share」入面，分享自己買咗一啲檢測包，「自己定時做下。有事先去檢測站覆檢」。不過，佢買嗰支，就唔係驗COVID-19，而係一個叫做「肺炎支原体IgG抗体检测」嘅嘢。

其實䘙生防護中心網站上面，都有解釋呢個病。「這是由一種名為『肺炎支原體』的細菌所引起的傳染病，在全年任何時間皆會發生，約每 3 至 7年便可能出現一次社區性爆發」。

至於COVID-19「2019冠狀病毒病」是由一種名為「嚴重急性呼吸綜合症冠狀病毒2」的新型冠狀病毒引起的疾病。

一個係細菌，一個係病毒。大家記住認清楚，唔好見到「肺炎」兩隻字就衝埋去！

#channelchk #COVID19 #變種病毒 #疫情 #Omicron #快速測試 #檢測 #自願檢測