▌經常喺 #TVB （AKA #老人台）主持廚食節目，自稱為香港女廚王嘅 #三姐（#蕭秀香）近日被多名網民聲討，指其出售酸醙盆菜，喺2022年最伏盤菜投票中，起碼有30人投咗三姐，排名第二。

▌根據 #網民報料，近日喺「香港盆菜關注組」中有好多人都話食完 #三姐盆菜 中伏，一名姓張嘅網民表示個盆菜酸醙臭，以為係「狗糧的味道」，仲話鮑魚細到小朋友姆指咁；劉姓網民就話三姐盆菜無味又唔夠淋，份量少到似食剩咁；陳姓網民則表示自己朋友收到個急凍盆菜，有人笑言「衰過永年」，但亦有人提醒佢Big Big Shop寫明咗係急凍，我哋睇過Big Big Shop嘅簡介，三姐盆菜的確有寫採用-80度負凍技術，叫人食之前要用滾水蒸返40分鐘先，只係，有其他網民話整熱完都係有陣雪味，啲食材仲好硬添。

▌睇返2021年嘅帖文，原來都有人投訴過類似問題，似乎三姐就未有汲取顧客意見喇，由於類似嘅投訴實在太多，我哋唔逐一詳述，有興趣可以上返關注組search「三姐」：https://www.facebook.com/groups/720493882173967

▌三姐係TVB御用廚師，目前同 #鼎爺、#曹永廉 主持《#教煮爭霸》，過去亦有參與《流行都市》、《女人必學100道菜》等多個節目，而佢所製作嘅盆菜，早前則喺「小肥味道」網店及Big Big Shop有售。

▌尋日有 #網民報料，話 #炎明熹 嘅Youtube Channel喺過去12個月總瀏覽量突破500萬，今日再睇已經跳到近800萬，原來外國人比起香港人更鍾意聽GiGi嘅歌，加埋貢獻咗起碼400萬view，當中以印度最捧場，播放次數達46.7萬，其次係印尼，達24.9萬。

睇嚟GiGi比起友台男團更早衝出亞洲，亦證明林二汶嘅「音樂無分國界」係啱嘅，香港加油🙏🏻

▌LINK（自己喺左上角較返12個月）：
https://charts.youtube.com/artist/%2Fg%2F11rc4srtkn

#香港加油 #音樂無分國界 #魷魚遊戲 #世一

《為杜絕網民批評，TVB註冊CCTVB商標》25 Mar

▌是日任務：Like及分享呢個Post👍🏻❤️

▌「#見字飲水」事件之後，我哋嘅fans亦去咗八卦 #TVB 註冊咗咩商標，並且驚訝地發現「#CCTVB」、「#SayNo4TVB」商標已經被TVB全資子公司Zennora Group Limited註冊緊，其狀態為「已審查 - 已發出首份審查報告」。

▌Sayno4tvb（Say No for TVB）呢個名其實係錯Grammar嘅，係其他成員創立專頁時嘅失誤，因為呢個名用得太耐，所以我哋都廢事改，但亦成為我哋「獨有」、區別於「Sayno2tvb團隊」嘅象徵。TVB明知錯grammar都要註冊呢個名，擺明要趕絕我哋，估計佢哋成功註冊商標後，就可以向Facebook及其他公司舉報我哋，收我哋皮。

▌你話TVB咁做係咪好賤？係好賤，但有效，你望吓 #游大東、#方以文 事件就知道，就算係報導新聞、間接幫TVB宣傳，只要TVB唔妥你就可以舉報你，Facebook係偏幫TVB，連大公司都咁樣，其他唔識我哋嘅外國公司就更加會傾向相信TVB，認為我哋係偽冒嘅。過去我哋都已經面對過唔少麻煩，FB專頁摺咗2次，bitly個廣告商名單摺咗6次，仲有其他碎項就唔特別提啦。如果你都戥我哋唔抵嘅，Share我哋呢個Post，如果佢哋成功，唔單止sayno4tvb受影響，CCTVB呢個字都分分鐘唔可以亂咁用。

#老人台 #小器台 #網民報料

有細心嘅網民發現，#TVB 喺年報中將「#老人台」形象列為集團主要風險之一!?🙈

TVB將呢個危機稱呼為「業務（品牌風險）」，即「坊間認為『#無綫電視』品牌過時及只適合老年觀眾」，有見及此，TVB就採取咗三項控制措施，包括透過數碼平台提升品牌形象、製作更多適合其他年齡層嘅節目，而最令人好奇嘅就係「建立監控和警報系統」迅速移除負面熱話😱

到底呢個監控同警報系統係咩嚟，TVB又可以點樣移除負面熱話？難道係透過大數據搵關鍵字，然後搵返源頭個post出嚟舉報，就好似之前喺FB、IG檢舉我哋啲post咁？🤣 歡迎行內人士留言或DM我哋，亦都歡迎網民繼續提供有趣資訊❤️

#網民報料 #小器台