日護髮品商贊助雪姨盆菜片 網民投訴
法之羽割席：鄭重道歉 更警慎把關

雪姨災難實測片雖然係品評盆菜，不過佢就因為呢條片嘅「大乾爹」（贊助商）係日本髮品品牌「KAMINOWA法之羽」嘅關係，就喺批評基隆茶餐廳嘅髮菜份量少嘅時候，插入呢個生髮產品嘅廣告。

事後有網民到「KAMINOWA法之羽」嘅Facebook專頁「派嬲」同埋留言，仲有人send訊息投訴，過咗一日終於得到呢個贊助商嘅回覆。

回覆就話雪姨發佈的片入面「中傷餐廳的表現，以及對法之羽做考慮不周全的介紹」，造成咗「大眾不愉快的觀感」，佢哋「深感歉意」。

而日本廠商也「遺憾且感到萬分抱歉地」表示，雪姨「對平日深受大家支持」的基隆茶餐廳，講咗一啲「與事實相反的不恰當表現」，而呢個動作「深深傷了一直信賴與支持敝司產品的客戶」，所以公司想「跟大眾鄭重道歉」。另外，身為KAMINOWA法之羽品牌日本原廠的代理公司會「誠摯地接受大家的指教與意見」。

佢哋就話之後「會對宣傳活動更加警慎地把關及確認，不會讓這樣的事情再次發生」，同埋會「盡力努力取回大家的信任」。

不過另外就有網民喺討論區話影片會俾廣告商授權先「出街」，所以就覺得「姐係個商告商覺得踩低人地餐廳再賣自己product都冇問題」。大家又點睇呢？

#channelchk #雪姨 #基隆茶餐廳 #盆菜 #KAMINOWA法之羽 #法之羽 #KAMINOWA

雪災焫着自家市集 UFO達人卓飛退租：唔會喺個臭X個場度賣
王宗堯力撐基隆：良知公義人情味 有就有無就無

雪姨盆菜事件撞正佢自己有份搞嘅「大乾爹市集」，雖然只係上個星期五（21日）開始舉行，不過網民已經湧去市集post留言，表明就係因為「雪災」而唔會支持。

而檔主之一、UFO達人卓飛都爆嬲，開post話「簡直係羞恥…X！執野走！最多咪蝕租金！我唔信啲貨賣唔出！」。留言都有唔少人支持佢，就話「做得好，以前睇過佢幾條片之後，對佢好反感」。

而卓飛都有回覆網民，仲超級火爆添，話「去左個八婆的場開檔。開左兩日先知佢唔只八婆咁簡單，簡直係臭X一名」，同埋「洗X講，我喺度講，我係唔會去幫個臭X做勢嘅。X，我今日就去執野走，MJ13的野係唔會喺個臭X個場度賣嘅」。

另一邊廂，王宗堯就繼續撐基隆，今日（24日）就去咗基隆「放低咗啲口罩俾Cat姐發畀大家」，繼續話「好味唔好味其實好個人」，「但係良知、公義、人情味、對與錯呢啲普世價值，有就有，無就無」，叫大家有時間就落去基隆茶餐廳支持下。

#channelchk #雪姨 #基隆茶餐廳 #盆菜 #卓飛 #大乾爹市集 #王宗堯

《雪姨Ｘ陳凱琳自家品牌 - 雪后卸妝棉》28 Jan

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【雪后】
https://www.facebook.com/snowqueenhk
https://pili.app/pg/SzoH0lXH

▌#雪后(Snow Queen)係 #雪姨 同TVB藝人 #陳凱琳 創立嘅卸妝棉品牌，唔好睇佢廿幾蚊盒，雪姨聲稱首年就賣咗12萬盒，營業額起碼達300萬。

▌雪姨係著名嘅「富貴KOL」，早前因為買咗兩盆酒店盆菜同 #基隆茶餐廳 嘅盆菜做不對稱嘅試食對比，同埋借踩低基隆嚟幫廣告客戶賣廣告而被網民(AKA消費者)猛插，至今風波仍然未平息。陳凱琳則係坐擁逾70萬fans嘅TVB藝人，亦係少數喺杯葛TVB風潮當中，仍然可以保持廣告不減嘅傳奇藝人，由於要湊仔，所以喺螢幕前嘅曝光率低咗。
———————————————
【‼#TVB 廣告商名單‼】
https://bit.ly/TVBAdData 👈🏻