搶先爆！內地預製新田方艙天花 藏死老鼠
報料人：冇人教點組裝 啲工人就戇XX咁企
【易買特約 爆片爆相】

我們除收到青衣街坊向《葵衷區報》提供的青衣「方艙醫院」（社區隔離設施）內櫳照片和平面圖外，亦率先收到另一間位於北區新田購物城舊址嘅方艙醫院照片。在設施組裝期間，有人發現由內地預製運來的天花組件，竟藏有一隻死老鼠，狀甚恐怖。

這些社區隔離設施，貌似組裝合成的貨櫃屋。報料人形容「嗰啲貨櫃，好似淘寶傢俬咁，唔係一（由內地）落嚟，就可以成個住得人嘅；可能起多幾幅牆呀，又要砌番啲電呀、接駁呀，仲要砌番啲窗呀，砌好晒，先會擺去確定區域」，不過今次「冇人教點組裝，啲工人就戇XX咁企」，結果「冇砌」。

至於為何內地預製建築組件會附送死老鼠？報料人向我們解釋：「呢啲料，喺大陸運過嚟嘅。佢入面pack嗰陣時，唔知點解入咗隻老鼠落去。機器化㗎嘛應該，咪唔知道囉，嚟到香港嘞，見到天花板有囉。」

#老鼠 #新田 #方艙醫院 #channelchk #天花 #ceiling #hospital #mouse #社區隔離設施 #預製組件 #貨櫃屋 #淘寶 #青衣

【大窩口商場再有老鼠出現 於日本X偷食黑椒牛肉乾】
#葵青要聞

上月尾有街坊於大窩口商場超市X康選購時，發現老鼠咬爛蟹柳棒。

而近日再有街坊發現，同樣有老鼠出現於該超市旁的連鎖零售店「日本X」。影片中一隻手掌大小的老鼠，攀爬在貨架上，偷食一包台灣製造的黑椒牛肉乾。即使有人路過，老鼠依然繼續開餐。

另一位街坊就拍攝到該包牛肉乾包裝已被咬爛，而且部分牛肉乾被吃掉，唔知會唔會有街坊不幸地買中呢包牛肉乾呢？

小編在此呼籲各位街坊選購貨物時，請記得檢查及留意有否出現損壞情況，避免買入次貨。

攝： 荃灣 大窩口 葵涌邨

#葵青區 #大窩口 #大窩口商場 #老鼠 #咬爛 #偷食 #台灣製造 #黑椒牛肉乾 #鼠輩橫行