《為杜絕網民批評，TVB註冊CCTVB商標》25 Mar

▌是日任務：Like及分享呢個Post👍🏻❤️

▌「#見字飲水」事件之後，我哋嘅fans亦去咗八卦 #TVB 註冊咗咩商標，並且驚訝地發現「#CCTVB」、「#SayNo4TVB」商標已經被TVB全資子公司Zennora Group Limited註冊緊，其狀態為「已審查 - 已發出首份審查報告」。

▌Sayno4tvb（Say No for TVB）呢個名其實係錯Grammar嘅，係其他成員創立專頁時嘅失誤，因為呢個名用得太耐，所以我哋都廢事改，但亦成為我哋「獨有」、區別於「Sayno2tvb團隊」嘅象徵。TVB明知錯grammar都要註冊呢個名，擺明要趕絕我哋，估計佢哋成功註冊商標後，就可以向Facebook及其他公司舉報我哋，收我哋皮。

▌你話TVB咁做係咪好賤？係好賤，但有效，你望吓 #游大東、#方以文 事件就知道，就算係報導新聞、間接幫TVB宣傳，只要TVB唔妥你就可以舉報你，Facebook係偏幫TVB，連大公司都咁樣，其他唔識我哋嘅外國公司就更加會傾向相信TVB，認為我哋係偽冒嘅。過去我哋都已經面對過唔少麻煩，FB專頁摺咗2次，bitly個廣告商名單摺咗6次，仲有其他碎項就唔特別提啦。如果你都戥我哋唔抵嘅，Share我哋呢個Post，如果佢哋成功，唔單止sayno4tvb受影響，CCTVB呢個字都分分鐘唔可以亂咁用。

#老人台 #小器台 #網民報料

提提大家，#TVB 唔係第一次搶人哋商標，佢哋之前都搶過「#香港電視」同「#HKTV」。換言之，TVB當我哋係HKTV咁打😂

平時TVB成日屈人係 #網絡欺凌，你而家咁樣搶人個名又係乜嘢欺凌？

—————————
《無綫獲批「HKTV」作商標 知識產權署：不評論》
2013年12月2日《蘋果日報》報導

▌無綫於今年5月提交「無綫台徽+HKTV」及「無綫台徽+香港電視」的商標註冊申請，知識產權署僅用半年時間便批准申請，但王維基任主席的香港電視網絡，簡稱「香港電視」，比無綫更早提出4個香港電視、HKTV相關商標註冊申請，至今竟只得一個有關HKTV台徽設計獲批，有香港電視字樣的商標註冊申請仍未獲批。

▌對於無綫「遲來先上岸」，知識產權署助理署長曾志深今早接受商台《晴朗》訪問時，只稱不評論個別個案，指一般商標註冊申請需時6個月，期間署方如有問題會向申請者查詢，亦會在不批准註冊時給予申請者審查報告，交代「死因」，申請者6個月內可提出理據解釋。

▌《晴朗》主持質疑，無綫申請的簡稱與其全名不符，曾志深只稱審批時不考慮這些因素，主要考慮商標本身有否顯著性、之前是否已註冊，強調跟足法例辦事。該主持最後提醒市民，按條例即使知識產權署批出申請，任何市民如有異議，可在3個月內提出反對。

▌去年12月初宣佈成立的「香港電視網絡」，以人的腦袋形象作台徽的設計，無綫現正申請以無台徽、純文字「香港電視」及「HKTV」為商標，即與王維基的電視台英文名字及中文簡稱一模一樣，此兩申請尚待審批。

#sayno4tvb #CCTVB #老人台 #小器台

有細心嘅網民發現，#TVB 喺年報中將「#老人台」形象列為集團主要風險之一!?🙈

TVB將呢個危機稱呼為「業務（品牌風險）」，即「坊間認為『#無綫電視』品牌過時及只適合老年觀眾」，有見及此，TVB就採取咗三項控制措施，包括透過數碼平台提升品牌形象、製作更多適合其他年齡層嘅節目，而最令人好奇嘅就係「建立監控和警報系統」迅速移除負面熱話😱

到底呢個監控同警報系統係咩嚟，TVB又可以點樣移除負面熱話？難道係透過大數據搵關鍵字，然後搵返源頭個post出嚟舉報，就好似之前喺FB、IG檢舉我哋啲post咁？🤣 歡迎行內人士留言或DM我哋，亦都歡迎網民繼續提供有趣資訊❤️

#網民報料 #小器台